Ekongelo ka losanganya l’olimu

Lomingu la Ngɔndɔ ka hende 14

Osambo 174

Min. 10: Waewoyelo. Waewoyelo w’oma lo Olimu aso wa Diolelo. Naka alako wa lo lɛkɛ 8 kokaka lo ɛtshi ka nkɛtɛ k’etshumanelo kanyu, kete kamba lawɔ dia mɛnya woho wa mbisha anto Tshoto y’Etangelo ya Ngɔndɔ ka hende 15 ndo Réveillez-vous ! wa Ngɔndɔ ka hende 22. Vusola lo tshena pe bɛnyɛlɔ dia mbɔtwɛlɔ diakoka mbɔtɔnɛ la ehomba wa lo mbilo kanyu.​—⁠Enda lo Olimu aso wa Diolelo wa Ngɔndɔ ka ntondo 2005, lɛkɛ 8.

Min. 35: “Nshi ya Eohwelo ekɔ etena ka fudia olimu.”a Sawo oma le omendji w’olimu. Etena kakɛtshanyanyu odingɔ 6, dja ndo kɔmatɛrɛ yele lo Réveillez-vous ! wa Ngɔndɔ ka divwa 8, 2004, lɛkɛ 12-13. Ewoya nkombo ya wanɛ wakalodia adɛmandɛ wa kamba oko ambatshi mboka wa tshanda. Sha ekongelo ka nsanganya ya lânde y’olimu w’esambishelo yakalɔngɔsɔma. Keketsha anto tshɛ dia vɔ pamia olimu awɔ wa lo nyuma lo toho tɔmɔtshi lo nshi ya Eohwelo.

Osambo 14 ndo dɔmbɛlɔ dia ndjihelo.

Lomingu la Ngɔndɔ ka hende 21

Osambo 31

Min. 10: Waewoyelo. Ohola awui woleki ohomba w’oma lo kiombo ya lo lɛkɛ 6 yata ɔnɛ: “Tâkimanyiya dia vɔ sambishama nto.” Keketsha anto tshɛ dia vɔ ndodia esadi eto fɔrmilɛrɛ Intérêt à suivre dans une langue étrangère (S-70a) naka ohomba wekɔ.

Min. 20: “Tosha Jehowa losaka l’ɔtɛ wa ngandji kande ka lɔsɛngɔ.”b Ewoya wonya ndo dihole diayosalema Eohwelo kâmɛ ndo lokombo laki ɔtɛkɛtshi ndo tɛdikɔ tokina tshɛ t’ohomba. Etena kakɛtshanyanyu odingɔ 4, dja ndo wɛnyɛlɔ wa lo tshena pe wɛnya opandjudi elɛ onto ɔmɔtshi latondotshikɛka periodikɛ mbala la mbala lo Eohwelo. Naka akatshi wa leeta watakahanyema, kete vɔ pombaka kahanyema l’ɔkɔngɔ wa losanganya lɔnɛ.

Min. 15: “Tɔlɔmbɔlɛ wekelo wa Bible watahame​—⁠Etenyi 6.”c Dja ndo wɛnyɛlɔ wa minitɛ nyɛi, wɛnya ombeki wa Bible ambola lande na kele anto yema tshitshɛ tsho mbalɛ mapa ndo mbanɔ vinyɔ lo Eohwelo. Ɔnɔmbɔdi ambowandola dia dimbola diande, ambodifunda ndo ambowotɛ dia wayoyɔsɛdingola dimbola diakɔ l’ɔkɔngɔ wa vɔ sɛdingola awui wa wekelo wa lo lomingu. L’ekomelo ka wekelo, ɔnɔmbɔdi ambokotola yambalo ya ombeki lo awui wele lo dibuku Comment raisonner, lɛkɛ 243 lo dimbola diata ɔnɛ: “Onto akɔna lakoka ndɛ mapa ndo nnɔ vinyɔ?” Wambadia kâmɛ, ndo ombeki ambɛnya lowando lande lo okadimwelo wokɛma hwe lo dimbola diokinde.

Osambo 21 ndo dɔmbɛlɔ dia ndjihelo.

Lomingu la Ngɔndɔ ka hende 28

Osambo 42

Min. 15: Waewoyelo. Alapɔlɔ wa falanga. Ohola apandjudi dia kimɔ alapɔlɔ w’olimu wa Ngɔndɔ ka hende. Naka alako wa lo lɛkɛ 8 kokaka lo ɛtshi ka nkɛtɛ k’etshumanelo kanyu, kete kamba lawɔ dia mɛnya woho wa mbisha anto Tshoto y’Etangelo ya Ngɔndɔ ka sato 1 ndo Réveillez-vous ! wa Ngɔndɔ ka sato 8. Nyu mbeyaka kamba la mbɔtwɛlɔ nkina y’amɛna. L’ekomelo ka wɛnyɛlɔ ɔmɔtshi, ɛnya opandjudi elɛ ompokami ande lo Eohwelo lo kamba la lɛkɛ la komelo la Réveillez-vous ! wa Ngɔndɔ ka sato 8.

Min. 20: Toyakiyanya dikambo dia wanɛ waya wɔdu. (Etsha 20:35) L’ɔkɔngɔ wa wɛ sala mbɔtwɛlɔ kahakoke kânga minitɛ ɔtɔi, eta lo ambola la ekadimwelo wa awui wa lo Tshoto y’Etangelo ya Ngɔndɔ k’esambele 1, 2004, lɛkɛ 28-29, odingɔ 12-16, lo yoho yatosalemaka wekelo wa Tshoto y’Etangelo. Ɔnangɛso ɔmɔtshi leya mbadia dimɛna mbeyaka tadiaka edingɔ. Ka epole ɔsɛkɛ lo woho wakoka awui wele lɔkɔ kambema lo yoho yɔtɔnɛ la Eohwelo ndo la sawo dia lânde diayaye.

Min. 10: Tosha anto biukubuku Nyotetemale sungukala! Ɔkɛtshanyelo ndo wɛnyɛlɔ wendana la mbɔtwɛlɔ yakoka kamba laso dia mbisha anto biukubuku yakɔ lo Ngɔndɔ ka sato. Nyu mbeyaka kamba la bɛnyɛlɔ dia mbɔtwɛlɔ diele lo dikatshi di’okotsha dia Olimu aso wa Diolelo wa Ngɔndɔ ka ntondo 2005 kana la mbɔtwɛlɔ nkina yonga la etombelo w’ɔlɔlɔ lo mbilo kanyu.

Osambo 72 ndo dɔmbɛlɔ dia ndjihelo.

Lomingu la Ngɔndɔ ka sato 7

Osambo 12

Min. 10: Waewoyelo. Ohola awui w’ohomba w’oma lo kiombo yata ɔnɛ: “Waohwelo wendana la Eohwelo.”

Min. 15: Ehomba w’etshumanelo.

Min. 20: “Shaka anto periodikɛ etena kasambishayɛ.”d Etena kakɛtshanyanyu odingɔ 3 ndo 4, lembetshiya woho wakoka anto kamba l’awui asɔ lo ɛtshi kanyu ka nkɛtɛ. Kɔnya lo tshena pe opandjudi ɔtɔi kana ahende wakondja etombelo w’ɔlɔlɔ lo kahanya periodikɛ le amundji w’okanda, etena kewɔ lo esambishelo ka lo toshinga, lo ahole w’anto tshɛ kana etena kasambishawɔ lo tshakitudi. Mbolawɔ dia vɔ nembetshiya woho akɔna washawɔ anto periodikɛ lo waaso asɔ. Sala wɛnyɛlɔ wa lo tshena pe kana wɛnyɛlɔ wa la tɔjɛstɛ wa dui dimɔtshi diakete.

Osambo 192 ndo dɔmbɛlɔ dia ndjihelo.

[Nɔte ka l’ɛse ka dikatshi]