Ekongelo ka losanganya l’olimu

Lomingu la Ngɔndɔ ka tanu 9

Osambo 217

Min. 10: Waewoyelo. Waewoyelo w’oma l’Olimu aso wa Diolelo. Kamba la alako wa lo lɛkɛ 8 (naka kokaka lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka tanu 15 ndo Réveillez-vous! wa Ngɔndɔ ka tanu 22. Nyu mbeyaka kamba la wɛnyɛlɔ ekina wa amɛna. Lo wɛnyɛlɔ ɔmɔtshi, nyɛnya opandjudi atasha periodikɛ lo tshakitudi lo mituka wɛmba anto tshɛ.

Min. 15: Tokambe la Ɔtɛkɛta wa Nzambi dia munanda otema wa onto. Sawo diɔsami oma lo Tshoto y’Etangelo ya Ngɔndɔ ka hende 1, 2005 lɛkɛ 28-31 lo Falase. Lembetshiya woho wakakambe Yeso la Afundelo dia kimanyiya Petero. Nyɔkɛtshanya woho wakokaso ndjela ɛnyɛlɔ kaki Yeso etena keso l’ohomba wa tshikitanya tokanyi ndo nsaki ya anaso, ambeki aso wa Bible, ndo kânga shoamɛ.

Min. 20: “Kongɛ ekongelo k’oshika ka lo nkumbo.” Lo mbɔtwɛlɔ kahalekanyi minitɛ hiende, tɔtɔmiya ohomba wa monga la ekongelo ka lofunda ndo lembetshiya woho wa ndodia ekongelo ka hwe kele lo lɛkɛ 6. Oma lâsɔ, sala ɔkɛtshanyelo wa ambola la ekadimwelo wendana la sawo diata ɔnɛ: “Ekongelo ka lo nkumbo ka nsanganya ya l’etshumanelo.” Lɔmba ampokami dia vɔ mbisha kɔmatɛrɛ yendana la woho wasalawɔ diaha elimu ekina mbashimba dia vɔ mbɔtɔ lo nsanganya ya lo etshumanelo. Awui akina wendana la ekongelo ka lo nkumbo wayɔsɛdingwama lo mingu yayela.

Osambo 176 ndo dɔmbɛlɔ dia ndjihelo.

Lomingu la Ngɔndɔ ka tanu 16

Osambo 201

Min. 10: Waewoyelo.

Min. 15: “Ekongelo ka lo nkumbo ka esambishelo ka lo nkumbo.”a Lɔmba ampokami dia vɔ mbisha kɔmatɛrɛ yendana la ɛlɔlɔ waya lo tombaka mbala la mbala lo esambishelo oko nkumbo.

Min. 20: “Tɔlɔmbɔlɛ wekelo wa Bible watahame​—⁠Etenyi 9.”b Etena kakɛtshanyanyu odingɔ 2, tɔtɔmiya dikambo ɔtɔi kana ahende oma lo Olimu aso wa Diolelo wa Ngɔndɔ ka dikumi l’ahende 2004 lɛkɛ 8. Dja ndo wɛnyɛlɔ wa lo tshena pe wa wekelo ɔmɔtshi wa Bible. L’ɔkɔngɔ wa vɔ shidiya sɛdingola wekelo 2 lo biukubuku Katɔlɔmba, ɔnɔmbɔdi wa wekelo ambombola ombeki ate: “Ngande wakokayɛ nembetshiya osekayɛ ɔmɔtshi ele lokombo la Nzambi?” Ombeki wa Bible ambolembetshiya woho wayondotokamba la Osambu 83:​18, ndo l’ɔkɔngɔ wa olembetshiyelo ande, ɔnɔmbɔdi wa wekelo ambowandola.

Osambo 134 ndo dɔmbɛlɔ dia ndjihelo.

Lomingu la Ngɔndɔ ka tanu 23

Osambo 194

Min. 12: Waewoyelo. Adia alapɔlɔ wa falanga ndo sha ampokami losaka latome biro ka filialɛ l’ɔtɛ wa weshasha awɔ. Kamba la alako wa lo lɛkɛ 8 (naka kokaka lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka samalo 1 ndo Réveillez-vous! wa Ngɔndɔ ka samalo 8. Nyu mbeyaka kamba la wɛnyɛlɔ ekina wa amɛna.

Min. 18: “Lushi la Jehowa laya suke.”c Etena kalɔngɔsɔlayɛ etenyi kɛnɛ, enda dibuku Prɔfɛsiya ka Danyɛlɛ lɛkɛ 59, odingɔ 28.

Min. 15: “Ekongelo ka lo nkumbo ka wekelo wa lo nkumbo.”d Kotalɔngɔsɔdi la ntondo dia onto ɔtɔi kana anto ahende mbuta woho wakawakongɛ wekelo awɔ wa lo nkumbo ndo welo wahombawɔ mbidjaka dia kiyelaka mbala la mbala.

Osambo 152 ndo dɔmbɛlɔ dia ndjihelo.

Lomingu la Ngɔndɔ ka tanu 30

Osambo 190

Min. 10: Waewoyelo. Ohola apandjudi dia vɔ kimɔ alapɔlɔ awɔ wa esambishelo wa ngɔndɔ ka tanu. Ewoya ekanda wayotosha anto lo Ngɔndɔ ka samalo. Sala wɛnyɛlɔ wa woho wayotosha anto periodikɛ lo kamba la mbɔtwɛlɔ ɔtɔi kana hiende ya lo dikatshi di’okotsha di’Olimu aso wa Diolelo wa Ngɔndɔ ka ntondo 2005 (naka kokaka lo ɛtshi kanyu ka nkɛtɛ). Nyu mbeyaka kamba la mbɔtwɛlɔ nkina ya amɛna.

Min. 20: “Ekongelo ka lo nkumbo ka divɛsa dia lushi la lushi.”e Lɔmba ampokami dia vɔ mbuta woho wambokondja nkumbo yawɔ wahɔ lo sɛdingolaka divɛsa dia lushi la lushi kâmɛ, ndo ekongelo kakɔna kambowɛna dia kekɔ dimɛna dia salaka dikambo sɔ.

Min. 15: Kɔndɔla kana sala kɛnyɔ ya lo tɔjɛstɛ ya awui amɔtshi wakanyahomana lawɔ lo Ngɔndɔ ka sato, ka nɛi ndo ka tanu. Talɔngɔsɔdi la ntondo dia onto ɔtɔi kana anto ahende mbisha kɔmatɛrɛ lo welo wakawadje dia pamia olimu awɔ w’esambishelo lo nshi ya Eohwelo ndo ɛtshɔkɔ wakawakondja oko etombelo.

Osambo 115 ndo dɔmbɛlɔ dia ndjihelo.

Lomingu la Ngɔndɔ ka samalo 6

Osambo 155

Min. 10: Waewoyelo.

Min. 15: Tewɔ mbekelo yahangɛnyangɛnya Nzambi. Ɔkɛtshanyelo kâmɛ la ampokami wayosalema oma le ekumanyi kɛmɔtshi. Awui akɔ mbɔsama oma lo Tshoto y’Etangelo ya Ngɔndɔ ka ntondo 1, 2005, lɛkɛ 29-32.

Min. 20: “Tolomialomia nsaki ka anto watotoshaka periodikɛ.”f Etena kakɛtshanyanyu odingɔ 3, kotola yambalo ya anto lo dibuku Comment raisonner lɛkɛ 336-341 lo Falase. Kokaka kamba la awui asɔ dia nɔngɔsɔla ɛkɛtshanyelo wa divɛsa ɔtɔi dia mɛnya kɛnɛ kayoyosala Diolelo dia Nzambi. Dja ndo wɛnyɛlɔ wɛnya woho wakoka opandjudi sala ɛkɛtshanyelo wa divɛsa ɔtɔi la onto latondoshaka periodikɛ. Opandjudi pombaka nembetshiya ndo mbisha ɛnyɛlɔ kendana la divɛsa sɔ lo tshena pe dia kimanyiya onto lasawola la nde dia nde dishihodia dimɛna ndo mɛna ohomba adiɔ lo lɔsɛnɔ lande.

Osambo 107 ndo dɔmbɛlɔ dia ndjihelo.

[Nɔte ka l’ɛse ka dikatshi]