Mbɔtwɛlɔ yendana la woho wa mbisha biukubuku Onde na Nzambi tokaneka mete ondo?
L’ɔkɔngɔ wa wɛ mbuta losango lɔmɔtshi la kɔlɔ, wɛ mbeyaka mbuta ɔnɛ:
“Onde wɛ atayambolaka lande na katshika Nzambi di’anto sowa naka nde mɛtɛ tokanɛka? [Tshikande akadimole.] Biukubuku nyɛ mbishaka okadimwelo w’ɔlɔlɔ lo dimbola sɔ ndo mɛnyaka kɛnɛ kayanga sala Nzambi kema edja. [Ɛnyande asango wa lo lɛkɛ 27, ndo adia Osambu 145:16 oma lo odingɔ 22.] Ngande wayonya Nzambi asui tshɛ wambosoya anto? Dimi nangaka sho ndjɔsɛdingola dimbola sɔ lo wendelo ami wayaye.” Shande biukubuku, ndo toyalɔngɔsɔlɛ dia nyomoyowenda.
Lo wendelo w’oyoyo, wɛ mbeyaka mbuta ɔnɛ:
“Mbala ketshi, lam’akamakembola, takadia divɛsa nɛ. [Adia kana shila awui wele lo Osambu 145:16.] Ko oma lâsɔ, lakakoke dimbola nɛ nte: Ngande wayonya Nzambi asui tshɛ wambosoya anto?” Lɔmbande dia nde mbɔsa biukubuku yande. Oma lâsɔ, fola biukubuku lo lɛkɛ 27-28, ndo nyɔsɛdingole odingɔ 23-25. Tɛnde dia nyu tatɛ mbeka Bible, kana toyalɔngɔsɔlɛ dia nyu ndjɔkɛtshanya odingɔ 26-27 lo wendelo wayaye.
Opandjudi weke la ɛnɔnyi dikumi l’ɛmɔ mbeyaka mbuta ɔnɛ:
“Anto efula wa lo lɔlɔnga lami ndjakiyanyaka dia woho wayonga andja l’ɔkɔngɔ w’ɛnɔnyi 10 kana 15. Ngande wafɔnyayɛ wayonga lɔsɛnɔ etena kɛsɔ? [Tshikande akadimole.] Akambo wɛnaso ɛlɔ kɛnɛ mɛnyaka dia tekɔ lo nsɛna lo nshi y’ekomelo. [Adia 2 Timote 3:1-3.] Biukubuku nyɛ mbishaka ekadimwelo lo ambola wayela anɛ. [Adia ambola wele lo lohoso, oma lâsɔ ko wɛ mbɔlɛkɛ biukubuku yakɔ.] Etena kayomokalola, naka wɛ ayonga la minitɛ ngana, layɔngɛnangɛna sho ndjɔkɛtshanya kanyi mɔtshi yakeketsha lo dikambo dia ekomelo ka hemɔ ndo ka lotshundu.” Toyalɔngɔsɔlɛ dia nyomoyowenda.
Etena kayoyokalola dia ndjowenda nto, wɛ mbeyaka mbuta ɔnɛ:
“Etena kakatasawola mbala ketshi, lakate dia layɔngɛnangɛna sho ndjɔkɛtshanya kanyi mɔtshi yendana la ekomelo ka hemɔ la lotshundu. Dikambo sɔ tanemaka lanɛ.” Lɔmbande dia nde mbɔsa biukubuku yande, ndo nyadia ndo nyɔkɛtshanya odingɔ 6-7 lo lɛkɛ 23-24. Toyalɔngɔsɔlɛ dia nyu ndjɔsɛdingola odingɔ 8-9 lo wendelo wayaye.
Etena katandasambisha la dikɛnda, opalanga mbeyaka ndjalowola ndo ndowola dikɛnda lo mbuta ɔnɛ:
“Naka wɛ nangaka, ________ ekɔ lo nanga kadiɛ divɛsa dimɔtshi. [Dikɛnda diakɔ ambadia Osambu 37:29 ndo ambosha kɔmatɛrɛ ka mondo.] Biukubuku nyɛ mɛnyaka woho wayokotsha Nzambi sangwelo diande diendana la anto ndo la nkɛtɛ. [Ɛnyande esato wa lo lɛkɛ 24-27.] Etena kayotokalola dia ndjokenda, dimi layolanga ndjokɛnya daka dia lo Bible dia diambo diendana la eolwelo.” Shande biukubuku, ndo toyalɔngɔsɔlɛ dia nyomoyowenda.
Lo wendelo w’oyoyo, opalanga mbeyaka mbuta ɔnɛ:
“Lo wendelo ami wakete, takadia Osambu 37:29 ndo dimi lakate dia layolanga ndjokɛnya kɛnɛ kata Bible lo dikambo dia eolwelo. Hokamɛ kɛnɛ kotami laawɔ.” Lɔmbande dia nde mbɔsa biukubuku yande. Oma lâsɔ, nyɔsɛdingole odingɔ 12-14 lo lɛkɛ 24-25. Tɛnde dia nyu tatɛ mbeka Bible, kana toyalɔngɔsɔlɛ dia nyu ndjɔsɛdingola odingɔ 15-16 lo wendelo wayaye.