Ekongelo ka losanganya l’olimu
DIEWOYELO: Ngɔndɔ ɔtɔi kana ngɔndɔ hiende l’ɔkɔngɔ wa etshumanelo mbɔtɔ lo losanganya la distrikɛ lele la ɔtɛ a dui ɔnɛ: “Okitanyiya le Nzambi,” nyɔsɛ minitɛ 15 polo 20 lo Losanganya lɔmɔtshi l’olimu (ondo lo kamba la etenyi kendana la ehomba wa l’etshumanelo) dia vusola awui w’ohomba wa lo losanganya la woke wakɛnyi apandjudi dia wekɔ ohomba efula lo olimu w’esambishelo. Etenyi ka lânde kɛsɔ ka Losanganya l’olimu ayotosha diaaso dia sho nembetshiya woho weso lo kamba la kɛnɛ kakatateka lo losanganya la woke ndo woho wambotokimanyiya losanganya lɔsɔ dia nyomoleka kondja etombelo w’ɔlɔlɔ lo olimu aso w’esambishelo.—Enda Olimu aso wa Diolelo wa Ngɔndɔ ka nɛi 2005, lɛkɛ 2.
Lomingu la Ngɔndɔ k’enanɛi 8
Min. 10: Waewoyelo. Waewoyelo w’oma lo Olimu aso wa Diolelo. Ohola apandjudi datɛ dia losanganya l’otshimbedi ndo la lânde l’ɔnɔnyi w’olimu 2006 naka adatɛ akɔ mbeyamaka.
Min. 10: “Onde wɛ ekɔ lo kamba la akatshi wa leeta?” Sawo ndo ɔkɛtshanyelo la ampokami. Lɔmba ampokami dia vɔ mbisha kɔmatɛrɛ lo etombelo w’ɛlɔlɔ wakawakondja lo kamba la akatshi wa leeta. Dja ndo wɛnyɛlɔ wa mondo wɛnya opandjudi elɛ onto ɔmɔtshi layasha oya lo losanganya lo kamba la dikatshi dia leeta.
Min. 25: “Ɔnɛ mbele etena ka sambisha!”a Talɔngɔsɔdi la ntondo dia ombatshi mboka wa pondjo ɔtɔi kana ahende mbisha kɔmatɛrɛ lo etshikitanu wakawasale dia kamba oko ambatshi mboka ndo ɛlɔlɔ wambowokondja.
Osambo 197 ndo dɔmbɛlɔ dia ndjihelo.
Lomingu la Ngɔndɔ k’enanɛi 15
Min. 10: Waewoyelo. Kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ k’enanɛi 15 ndo Réveillez-vous ! wa Ngɔndɔ k’enanɛi 22. Ɛnya ekumanyi kɛmɔtshi ndo opandjudi wele baka la hemɔ wasambisha lo telefɔnɛ.
Min. 15: Onde wɛ âkohɔ? Ɔkɛtshanyelo la ampokami. Sawo diɔsami oma lo Tshoto y’Etangelo ya Ngɔndɔ ka nɛi 15, 2005, lɛkɛ 30, lo Falase. Lɔmba ampokami dia vɔ mbisha kɔmatɛrɛ lo dimbola tshɛ. Tɔtɔmiya ohomba w’efula wa awui asɔ. Keketsha anto tshɛ dia mbadiaka la yambalo tshɛ oseka numɛlɔ tshɛ ka Tshoto y’Etangelo ndo ka Réveillez-vous !
Min. 20: “Totate mbeka la anto Bible lawakawɔ ndo lo telefɔnɛ.”b Dja ndo wɛnyɛlɔ wa mondo wɛnya woho wakoka wekelo wa Bible tatɛ mbala ka ntondo kasawolaso la onto, lo kamba la odingɔ ɔtɔi kana ehende wa lo biukubuku Katɔlɔmba. Kɔndɔla lo tshena pe dui ɔtɔi kana awui ahende wakahomana la apandjudi lo kɛnɛ kendana la woho wa tatɛ mbeka l’anto Bible lo telefɔnɛ.
Osambo 30 ndo dɔmbɛlɔ dia ndjihelo.
Lomingu la Ngɔndɔ k’enanɛi 22
Osambo 161
Min. 10: Waewoyelo. Adia alapɔlɔ wa falanga ndo ewoya ampokami losaka latome biro ka filialɛ.
Min. 15: Ehomba wa l’etshumanelo.
Min. 20: “Esambishelo ka Diolelo ekɔ diɛsɛ dia woke.”c Etena kakɛtshanyanyu odingɔ 4, vusola yɛdikɔ ya lânde yendana la okimwelo wa alapɔlɔ w’esambishelo wele la minitɛ 15 oto oma le wanɛ wahayokoka sambisha efula l’ɔtɛ wa lotshundu l’osombe ndo wa ekakatanu wendana la yônge ya demba.—Enda Olimu aso wa Diolelo wa Ngɔndɔ ka dikumi 2002, lɛkɛ 8, od. 6.
Osambo 204 ndo dɔmbɛlɔ dia ndjihelo.
Lomingu la Ngɔndɔ k’enanɛi 29
Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa ngɔndɔ k’enanɛi. Lo kamba la alako wele lo lɛkɛ 8 (naka wekɔ ohomba lo ɛtshi kanyu ka nkɛtɛ), ɛnya woho wa mbisha anto Tshoto y’Etangelo ya Ngɔndɔ ka divwa 1 ndo Réveillez-vous ! wa Ngɔndɔ ka divwa 8. Lo wɛnyɛlɔ ɔmɔtshi, ɛnya opandjudi asala wendelo w’oyoyo le onto ɔmɔtshi latondoshaka periodikɛ tshɛ katomba.
Min. 15: “Esambishelo kaha la ɛtɛkɛta.”d Lɔmba ampokami dia vɔ mbisha kɔmatɛrɛ lo woho ɔnɛ wele woho wakawasɛdingola lɔkɛwɔ l’ɔlɔlɔ laki ekambi wa Nzambi akâkimanyiya dia vɔ koma ekambi wa Jehowa.
Min. 20: Tokambe la Bible lo wendelo wa ntondo. Sawo ndo ɔkɛtshanyelo l’ampokami. Vusola alako wele lo Olimu aso wa Diolelo wa Ngɔndɔ ka divwa 2004, lɛkɛ 4, odingɔ 2, dia kotola yambalo lo Ɔtɛkɛta wa Nzambi lo wendelo wa ntondo. Ɛnya woho wakokaso kamba la mbɔtwɛlɔ ɔtɔi kana hiende lo kamba la ekanda wayotosha anto Ngɔndɔ ka divwa. Mbeyaka kɛtshanya ndo sala wɛnyɛlɔ wa mbɔtwɛlɔ yɛnya ekanda wayotoshaka anto yele lo dikatshi di’okotsha dia Olimu aso wa Diolelo wa Ngɔndɔ ka ntondo 2005.
Osambo 71 ndo dɔmbɛlɔ dia ndjihelo.
Lomingu la Ngɔndɔ ka divwa 5
Min. 10: Waewoyelo.
Min. 15: “Tɔlɔmbɔlɛ wekelo wa Bible watahame—Etenyi 12.”e Talɔngɔsɔdi la ntondo dia opandjudi ɔtɔi kana ahende mbisha kɔmatɛrɛ lo kɛnɛ kakakimanyiya dia pama dia vɔ tatɛ ndo nɔmbɔla wekelo wa Bible.
Min. 20: Ɛlɔngɔswɛlɔ wendana la woho wa kimanyiya esombe. Sawo oma le ekumanyi kɛmɔtshi diɔsami oma lo Tshoto y’Etangelo ya Ngɔndɔ k’enanɛi 15, 1993, lɛkɛ 28-29, lo Falase lo ɔtɛ a dui wahɔnyi wata ɔnɛ: “Ekɔ ohomba sala ɛlɔngɔswɛlɔ.” Ewoya ɛlɔngɔswɛlɔ wambosalema lo etshumanelo dia kimanyiya ase hemɔ ndo esombe.
Osambo 164 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
d Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
e Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.