Ekongelo ka losanganya l’olimu

Lomingu la Ngɔndɔ ka dikumi l’ɔtɔi 14

Osambo 220

Min. 10: Waewoyelo. Waewoyelo w’oma lo Olimu aso wa Diolelo. Kamba la alako wele lo lɛkɛ 6 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka dikumi l’ɔtɔi 15 ndo Réveillez-vous! wa Ngɔndɔ ka dikumi l’ɔtɔi 22. Nyu mbeyaka kamba la mbɔtwɛlɔ nkina y’amɛna. Lo wɛnyɛlɔ tshɛ, ɛnya woho wa mbekola wekamu naka onto olanga kumiya sawo lo mbuta ɔnɛ: “Hangɛnangɛna ɛtɛmwɛlɔ.”​—⁠Enda biukubuku Woho wa tatɛ ndo tetemala, lɛkɛ 9.

Min. 15: Weshasha wangɛnyangɛnya Nzambi. Sawo diayoshama oma le ekumanyi kɛmɔtshi ndo diɔ mbɔsama oma lo Tshoto y’Etangelo ya Ngɔndɔ ka dikumi l’ɔtɔi 1, 2005, lɛkɛ 26-30 lo Falase.

Min. 20: “Tewoya lotombo la Jehowa.”a Etena kasɛdingolanyu odingɔ 4, lɔmba ampokami dia vɔ kɔndɔla lo tshena pe awui wɛnya dia lɔkɛwɔ l’ɔlɔlɔ koka tosha diaaso dia sambisha.

Osambo 24 ndo dɔmbɛlɔ dia ndjihelo.

Lomingu la Ngɔndɔ ka dikumi l’ɔtɔi 21

Osambo 40

Min. 10: Waewoyelo.

Min. 20: Nyetɛ Jehowa Nzambi kanyu. Sawo diayoshama oma le ekumanyi kɛmɔtshi ndo diɔ mbɔsama oma lo Tshoto y’Etangelo ya Ngɔndɔ ka nɛi 1, 2005, lɛkɛ 25-28 lo Falase. Ɛnya woho wakokaso kamba dimɛna la wetshelo wakokaso kondja oma lo ɛnyɛlɔ ka Abarahama, Davidi ndo Elidja.

Min. 15: “Toyasha le anto akina​—⁠Lo shishimaka kɛnɛ keta.”b Dja wɛnyɛlɔ ɔmɔtshi wɛnya opandjudi ambɛna dui dimɔ diayasha ompokami ndo ambɔtɔnganyiya mbɔtwɛlɔ kande la dui sɔ.

Osambo 67 ndo dɔmbɛlɔ dia ndjihelo.

Lomingu la Ngɔndɔ ka dikumi l’ɔtɔi 28

Osambo 7

Min. 12: Waewoyelo. Adia alapɔlɔ wa falanga ndo ewoya ampokami losaka latome biro ka filialɛ. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka dikumi l’ɔtɔi. Kamba la alako wele lo lɛkɛ 6 (naka wekɔ ohomba lo ɛtshi kanyu ka nkɛtɛ) dia mɛnya woho wa mbisha anto Tshoto y’Etangelo ya Ngɔndɔ ka dikumi l’ahende 1 ndo Réveillez-vous! wa Ngɔndɔ ka dikumi l’ahende 8. Nyu mbeyaka kamba la mbɔtwɛlɔ nkina y’amɛna. Tɛkɛta ndo dia yɛdikɔ yendana la weshasha.

Min. 15: “Ngande wakokaso kimanyiya?” Sawo. Sha bɛnyɛlɔ dingana dia welo wakadje ekambi wa Jehowa dia kimanyiya asekawɔ ambetawudi waki lo dihombo di’efula. (Enda Réveillez-vous! wa Ngɔndɔ k’enanɛi 8, 2003, lɛkɛ 10-15; wa Ngɔndɔ ka dikumi l’ɔtɔi 22, 2002, lɛkɛ 19-24; ndo wa Ngɔndɔ ka dikumi 22, 2001, lɛkɛ 23-27, tshɛ lo Falase. Nyu mbeyaka kamba la rɛferansɛ ekina.) Oma lâsɔ, nyɔkɛtshanya awui w’ohomba w’oma lo lɛkɛ 5 la Olimu aso wa Diolelo ɔnɛ. Tɛtɛ dia naka onto ekɔ la nsaki ka mbidja woshasha ɔmɔtshi dia kimanyiya anto wele lo dihombo, kete ayoleka dimɛna nde mbidja woshasha ɔsɔ lo shɛtɛshɛtɛ ya falanga yendana la olimu wakambema lo andja w’otondo.

Min. 18: Tosambisha lokumu l’ɔlɔlɔ lo Ngɔndɔ ka dikumi l’ahende. Sawo ndo ɔkɛtshanyelo l’ampokami. Lo minitɛ tshanu y’etatelo ka sawo, vusola lo tshena pe awui wayela anɛ wele lo lɛkɛ 8 la Olimu aso wa Diolelo wa Ngɔndɔ ka ntondo, lo sawo diele l’ɔtɛ a dui ɔnɛ: “Woho wa kamba la bɛnyɛlɔ dia mbɔtwɛlɔ”: 1) Tayolekaka kondja etombelo w’ɔlɔlɔ naka sho salaka mbɔtwɛlɔ lo ɛtɛkɛta aso hita. 2) Sho pombaka monga la shɛnɔdi ndo mbɔtɔnganyiyaka mbɔtwɛlɔ yaso la kɛnɛ ketawɔma lo ɛtshi kaso ka nkɛtɛ. 3) Sho pombaka nto mbidja yimba lo diewo ndo lo tokanyi taki anto wa lo ɛtshi kaso ka nkɛtɛ. 4) Sho pombaka mbadia la yambalo tshɛ tshapita yakatalɔngɔsɔdi dia tosawola la onto ndo nyanga awui amɔtshi wakoka memula nsaki kande. 5) Sho hatohombe kamba paka la mbɔtwɛlɔ yele lo bɛnyɛlɔ dia mbɔtwɛlɔ. Oma lâsɔ, nyɔkɛtshanya woho wa kamba l’awui asɔ etena kashaso anto ekanda wayotosha anto lo Ngɔndɔ ka dikumi l’ahende. Wɛ mbeyaka kamba la bɛnyɛlɔ dia mbɔtwɛlɔ diele lo dikatshi di’okotsha wa Olimu aso wa Diolelo wa Ngɔndɔ ka ntondo 2005 kana kamba la mbɔtwɛlɔ nkina yele la etombelo w’ɛlɔlɔ lo ɛtshi kanyu ka nkɛtɛ. Sala wɛnyɛlɔ wa mbɔtwɛlɔ ɔtɔi kana hiende.

Osambo 123 ndo dɔmbɛlɔ dia ndjihelo.

Lomingu la Ngɔndɔ ka dikumi l’ahende 5

Osambo 38

Min. 5: Waewoyelo.

Min. 20: “Ekɔ ohomba nyu tetemala sukɛ wokelo wa Mbalasa ya Diolelo.”*

Min. 20: “Kɛnɛ kakotsha olimu aso.”c Etena kasɛdingolanyu odingɔ 5, dja kɔmatɛrɛ y’oma lo Tshoto y’Etangelo ya Ngɔndɔ ka sato 1, 2004, lɛkɛ 32.

Osambo 26 ndo dɔmbɛlɔ dia ndjihelo.

[Nɔte ka l’ɛse ka dikatshi]