Ovuswelo w’awui wakekama lo Kalasa k’olimu wa teokrasi
Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ ka dikumi l’ahende 26, 2005. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’olimu wa teokrasi tatɛ oma lo lomingu la Ngɔndɔ ka dikumi l’ɔtɔi 7 polo lo lomingu la Ngɔndɔ ka dikumi l’ahende 26, 2005. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.—Enda Kalasa k’olimu, lɛkɛ 36-37.]
WAONGA W’ƆTƐKƐTSHI
1. Kakɔna kakokaso sala dia ndjashikikɛ dia tekɔ lo mbisha dako ‘la ngandji’? (File. 9) [be lɛkɛ 266]
2. Lo toho takɔna takokaso ‘ndaka l’ekimanyielo ka wetshelo washa panda’? (Tito 1:9) [be lɛkɛ 267 od. 1-2]
3. Lande na kele ekɔ ohomba mbisha asawo wakeketsha, ndo ngande wakokaso sala dui sɔ? [be lɛkɛ 268 od. 1-3, kiombo]
4. Lo mbokoya Mɔsɛ, ngande wele kimanyiya anto akina dia mbohɔ kɛnɛ kakasalɛ Jehowa ekambi ande keketshaka? (Euh. 3:28; 31:1-8) [be lɛkɛ 268 od. 5–lɛkɛ 269 od. 2]
5. Lande na kele tɛkɛta l’ɔngɛnɔngɛnɔ lo kɛnɛ kasala Nzambi ɛlɔ kɛnɛ ndo lo kɛnɛ kayondosala lo nshi yayaye ekɔ ekeketshelo le ampokami aso? [be lɛkɛ 270-271]
SAWO NO. 1
6. Elɛwɔ ekadimwelo ka Septante, ndo lande na ketɔ ohomba le Akristo? [si-F lɛkɛ 307 od. 12–lɛkɛ 310 od. 14]
7. Waa Masɔrɛtɛ akiwɔ, ndo ekimanyielo kakɔna k’ɔlɔlɔ kakawasha lo okadimwelo wa Bible? [si-F lɛkɛ 310 od. 18; lɛkɛ 311 od. 20-21]
8. Ekadimwelo kakɔna kakawakambe la tɔ dia kadimola Afundelo wa lo Hɛbɛru wa Traduction du monde nouveau ka lo Angɛlɛ, ndo lande na kakokadiɔ mbutama ɔnɛ ekadimwelo kɛsɔ kekɔ ekadimwelo k’oshika ndo ka mɛtɛ? [si-F lɛkɛ 312 od. 28, 30]
9. Ngande wakɛnya Akristo wa ntondo dia waki la nsaki k’efula ka mbeyanya Ɔtɛkɛta wa Nzambi? [si-F lɛkɛ 315 od. 1-5]
10. Kakɔna kɛnya wekelo wa efundelo wa l’anya wele nshi nyɛ ndo wa Afundelo w’ekila lo kɛnɛ kendana la Bible? [si-F lɛkɛ 320 od. 32]
WADIELO WA LOMINGU LA LOMINGU
11. Onde woho waki Davidi kokondja lotshungɔ la mbika tɛmpɛlɔ akɛnya dia Jehowa kombetawɔ ata wakalɔsha Davidi? (1 Ek. 22:6-10)
12. Lo dɔmbɛlɔ diande diendana la osapwelo wa tɛmpɛlɔ, ngande wakasuya Sɔlɔmɔna dia Jehowa hahokɛ lotui tsho lo ehomba wa ekambi ande oko olui, koko ɔnɛ nde mbeyaka nto awui w’onto l’onto l’atei w’anto wawoka wɔma? (2 Ek. 6:29, 30)
13. Ele ‘ɛdiɛngɛ wele oko waomi wa mbudi’ watɛkɛtawɔ lo 2 Ekondo 11:15?
14. Lam’ele diolelo diaki Basha diakatatɛ “l’eleku ka satu ka Asa” ndo diakaviya paka ɛnɔnyi 24 ngande wakokaso mbɔtɔnganyiya dui sɔ la oyelo waki Basha dia “ntolosha Juda” “l’eleku k’akumi asatu l’asamalu ka diulelu dia Asa”? (1 Khum. 15:33; 2 Ek. 16:1)
15. Ngande wɛnya 2 Ekondo 20:22, 23 dimɛna kɛnɛ kayanga komɛ andja wa Satana?