Ekongelo ka losanganya l’olimu
Lomingu la Ngɔndɔ ka ntondo 9
Min. 10: Waewoyelo. Kamba la alako wele lo lɛkɛ 8 kana mbɔtwɛlɔ nkina y’amɛna yele ohomba lo ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka ntondo 15 ndo Réveillez-vous! wa Ngɔndɔ ka ntondo. Lo wɛnyɛlɔ ɔmɔtshi ɛnya opandjudi ɔmɔtshi atasambisha lo ɛtshi ka nkɛtɛ k’amundji w’okanda.
Min. 15: “Dibuku Bible etshatɔ mbele ehomɔ koleki tshɛ kayotokimanyiyaka dia mbeka l’anto Bible.”a Lomialomia nsaki dia tatɛ mbeka l’anto Bible l’ekimanyielo ka dibuku di’oyoyo.
Min. 20: “Woho wa tatɛ mbeka l’anto lo ekimanyielo ka dibuku Bible etshatɔ.” Ɔkɛtshanyelo l’ampokami ndo wɛnyɛlɔ lo awui wɔsami oma lo lɛkɛ 3 la dikatshi di’okotsha. Wɛ kokaka tatɛ kamba la dibuku Bible etshatɔ aha la tshimbatshimba dia tatɛ ndo nɔmbɔla wekelo wa Bible la wanɛ wɛnya nsaki. Lɔngɔsɔla dimɛna wɛnyɛlɔ esato wɛnya woho wa kamba la, 1) lɛkɛ 4-5, 2) lɛkɛ 6, ndo 3) odingɔ wa ntondo wele lo lɛkɛ 7 dia tatɛ wekelo wa Bible etena kasalaso wendelo w’oyoyo. Ta la ntondo awui w’ohomba wayɛnyama lo wɛnyɛlɔ tshɛ ndo vusolawɔ l’ɔkɔngɔ wa wɛnyɛlɔ. Nyu mbeyaka susa edingɔ wa sɛdingola lo dibuku Bible etshatɔ naka ekɔ ohomba. Nyokumiya wɛnyɛlɔ tshɛ la opandjudi atshika dui kana wombola wa ndjɔkɛtshanya lo wendelo w’oyoyo.
Osambo 125 ndo dɔmbɛlɔ dia ndjihelo.
Lomingu la Ngɔndɔ ka ntondo 16
Osambo 178
Min. 10: Waewoyelo. Waewoyelo w’oma lo Olimu aso wa Diolelo. Keketsha oseka onto tshɛ dia nde menda vidɛo Soigner sans transfusion : besoins et droits du patient dia ndjalɔngɔsɔla dikambo dia ɔkɛtshanyelo wayosalema l’ɔkɔngɔ wa mingu hiende lo Losanganya l’olimu.
Min. 15: Tamboyakongɛ dia sala lolango la Jehowa. Sawo ndo ɔkɛtshanyelo l’ampokami diɔsami oma lo lɛkɛ 4-7 la dibuku Tamboyakongɛ dia sala lolango la Jehowa. L’ɔkɔngɔ wa wɛ sala mbɔtwɛlɔ kahakoke kânga minitɛ shato k’awui wele lo lɛkɛ 4, lɔmbɔla ɔkɛtshanyelo kâmɛ la ampokami lo lɛkɛ 5 polo lo ɔtɛ a dui wahɔnyi wele lo lɛkɛ 7. Tenyi dikina dia dibuku Tamboyakongɛ diayɔsɛdingɔma lo nsanganya nkina y’olimu ya lo nshi yayaye.
Min.20:“Ɛlɔngɔlɔngɔ l’esekaseka wahɛta oko esase.”b Lɔmba ɛlɔngɔlɔngɔ l’esekaseka dia vɔ mbuta woho wakawonge l’akoka wa sambisha la kalasa. Nyu mbeyaka talɔngɔsɔdi la ntondo kɔmatɛrɛ ɔtɔi kana hiende.
Osambo 107 ndo dɔmbɛlɔ dia ndjihelo.
Lomingu la Ngɔndɔ ka ntondo 23
Min. 10: Waewoyelo. Adia alapɔlɔ wa falanga ndo sha ampokami losaka latome biro ka filialɛ. Kamba la alako wele lo lɛkɛ 8 kana mbɔtwɛlɔ nkina y’ɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka hende 1 ndo Réveillez-vous! wa Ngɔndɔ ka hende. Ɔna dikɛnda mbeyaka sala wɛnyɛlɔ ɔmɔtshi.
Min. 15: Ehomba wa l’etshumanelo.
Min. 20: “Toyasha le anto akina—Lo mbokaka ambola ndo lo mpokamɛka.”c Etena kasɛdingolanyu odingɔ 2, mbola ampokami ambola akɔna wakawɛnyi dia wekɔ l’etombelo w’ɛlɔlɔ dia tatɛ sawola l’anto. Ɛnya woho wa mbeya kɛnɛ kele l’otema w’onto lo kamba la ambola wa la yewo ndo lo mpokamɛka la yambalo tshɛ.
Osambo 205 ndo dɔmbɛlɔ dia ndjihelo.
Lomingu la Ngɔndɔ ka ntondo 30
Osambo 197
Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka ntondo. Ewoya ekanda wayotosha anto lo Ngɔndɔ ka hende ndo sala wɛnyɛlɔ wa mbɔtwɛlɔ kɛmɔtshi.
Min. 15: Tɛdikɔ ta la ngandji dia wahɔ aso. Sawo diayoshama oma le ekumanyi kɛmɔtshi. Nyadia ndo nyɔkɛtshanya mukanda wotome biro ka filialɛ tshumanelo tshɛ wendana la kartɛ k’oyoyo ka Pas de sang ndo woho wa kamba latɔ.
Min. 20: “Vidɛo kalembetshiya dui dimɔtshi di’ohomba di’aseka enganga.” Adia Etsha 15:28, 29, ndo tɔtɔmiya lo tshena pe dia ɔkɔkɔ woleki watona Akristo dia kaloya dikila ele dia kitanyiya ɛlɛmbɛ waki Nzambi wendana la ekila ka dikila. Oma lâsɔ, nyɔkɛtshanya mbala kakɔ ɔtɔi vidɛo Besoins et droits du patient lo kamba la ambola woshami lo sawo diakɔ. Komiya lo mbadia odingɔ wa komelo. Naka vidɛo kɛnɛ bu l’ɔtɛkɛta wa etshumanelo kanyu, kete nyu kokaka kamba la Réveillez-vous! wa Ngɔndɔ ka ntondo 8, 2000, lɛkɛ 7-11 ndo biukubuku Comment le sang peut-il vous sauver la vie ? lɛkɛ 8-15, 18, tshɛ lo Falase.
Osambo 45 ndo dɔmbɛlɔ dia ndjihelo.
Lomingu la Ngɔndɔ ka hende 6
Min. 10: Waewoyelo.
Min. 25: Teye ehomɔ kaso k’oyoyo ka wetshelo. Sawo ndo ɔkɛtshanyelo la ampokami. Lɔmba ampokami dia vɔ mbuta awui wa lo dibuku Bible etshatɔ wangɛnangɛnawɔ, ɛnyɛlɔ oko ambola wa mbɔtwɛlɔ ndo kiombo y’ovuswelo ya dja dikako vɔlɛ lo awui woleki ohomba wa tshapita tshɛ (lɛkɛ 106, 114); diangɔ diɛnama (lɛkɛ 122-123, 147, 198); ndo okotsha (lɛkɛ 197, od. 1-2). Yoho ya mbetsha ya lo dibuku nɛ mpɛtahɛtaka ndo yekɔ dimɛna efula (lɛkɛ 12, od. 12). Diɔ mbishaka elembetshiyelo wa wɔdu ndo wokɛma hwe (lɛkɛ 58, od. 5) ndo diɔ kambaka la ɛtɛkɛta w’amɛna wa didjidji (lɛkɛ 159, od. 12). Mbɔtwɛlɔ ka dibuku kakasalema dia tokimanyiya dia tatɛ mbeka l’anto Bible (lɛkɛ 3-7). Sala wɛnyɛlɔ wa woho wa kamba la kiombo yele lo lɛkɛ 7 la ombeki wa Bible w’oyoyo. Kɔndɔla awui wakangɛnangɛna anto lo kamba la dibuku di’oyoyo.
Min. 10: Kamba olimu w’ombatshi mboka wa tshanda mbelaka ɛtshɔkɔ. (Tuk. 10:22) Lɔmba wanɛ wakakambe oko ambatshi mboka wa tshanda lo eleko kamɔnga akatshi ketshi dia kɔndɔla woho wakawayalɔngɔsɔla dia sala dui sɔ ndo ɛngɛnɔngɛnɔ wakawakondja. Keketsha anto tshɛ dia vɔ ndjasɛdingola lo dɔmbɛlɔ kana vɔ kokaka kamba oko ambatshi mboka wa tshanda lo Ngɔndɔ ka sato, ka nɛi ndo ka tanu.
Osambo 16 ndo dɔmbɛlɔ dia ndjihelo.
[Nɔte ka l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.