Waewoyelo

◼ Ekanda wayotosha lo Ngɔndɔ ka hende: Approchez-vous de Jéhovah. Ngɔndɔ ka sato: Tayosha anto dibuku di’oyoyo Bible etshatɔ mɛtɛ? Nyodje welo wa lânde dia tatɛ wekelo wa Bible. Ngɔndɔ ka nɛi la ka tanu: Tshoto y’Etangelo la Réveillez-vous! Etena kasalanyu wendelo w’eyoyo le anto wakɛnya nsaki, ondo ndo wanɛ wakaye l’Eohwelo kana l’awui akina wakalɔngɔsɔla etshumanelo koko watonge l’atei w’ɔlɔngɔswamelo, nyotshe tshɛ dia mbasha dibuku di’oyoyo Bible etshatɔ mɛtɛ? l’oyango wa tatɛ wekelo wa Bible lo dibuku sɔ.

◼ Lam’ele Ngɔndɔ ka nɛi ayonga la wikɛndɛ etanu, ɔsɔ ayonga ngɔndɔ ka dimɛna ka kamba oko ombatshi mboka wa tshanda.

◼ Dako dia lo sɛkɛ dia lânde dia lo 2006 diakalɔngɔswama dia salema lo nshi ya Eohwelo diayonga la ɔtɛ a dui ɔnɛ: “Onde Nzambi eke la lowandji lâdiko dia tshɛ?” Enda diewoyelo dia woho akɔ wâmɛ lo Olimu aso wa Diolelo wa Ngɔndɔ ka divwa 2005.

◼ Sawo diatanema lo lɛkɛ 6 diele l’ɔtɛ a dui ɔnɛ: “Tɔngɛnɛngɛnɛ wekelo aso wa dibuku Bible etshatɔ mɛtɛ?” diayɔsɛdingwama lo Losanganya l’olimu la lomingu la Ngɔndɔ ka nɛi 3. Lam’alanganyu nyômbe sawo nɛ ndo ekongelo ka wekelo.

◼ Omendji walɔmbɔla kana onto ɔmɔtshi layondɔsɔna pombaka mbɛdika kɔntɛ k’etshumanelo Ngɔndɔ ka sato 1 kana yema tshitshɛ l’ɔkɔngɔ kam’atanema etena. Naka nyekɔ la kɔntɛ ka falanga kina, ɛnyɛlɔ oko y’ɔlɔngɔswɛlɔ kana ya wokelo wa Mbalasa, kete pombaka nɔngɔsɔla dia mbɛdika ndo falanga yakɔ. Kam’ayonyotsha wɛdikelo ɔsɔ ko nyu mbewoya etshumanelo l’ɔkɔngɔ wa mbadia alapɔlɔ wa kɔntɛ wa mbala ketshi.

◼ Sekeletɛlɛ nde l’omendji w’olimu la dia menda okambelo w’olimu wa ambatshi mboka wa pondjo tshɛ. Naka amɔtshi wekɔ l’okakatanu wa kotsha lofulo la wenya walɔmbama, kete dikumanyi pombaka ndjalɔngɔsɔla dia mbakimanyiya. Dia tana alako lo dikambo sɔ, nyovusole awui wele lo mukanda wa S-201 watomama ɔnɔnyi tshɛ.