Ovuswelo w’awui wakekama lo Kalasa k’olimu wa teokrasi

Ambola wayela anɛ wayɔkɛtshanyema oko ovuswelo wa l’onyɔ wa lo Kalasa k’olimu wa teokrasi lomingu la Ngɔndɔ ka hende 27, 2006. Omendji wa kalasa ayɔlɔmbɔla ovuswelo wa minitɛ 30 w’awui wakekama lo Kalasa k’olimu wa teokrasi tatɛ oma lo lomingu la Ngɔndɔ ka ntondo 2 polo lo lomingu la Ngɔndɔ ka hende 27, 2006. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.​—⁠Enda Kalasa k’olimu, lɛkɛ 36-37.]

WAONGA W’ƆTƐKƐTSHI

1. Lo toho takɔna tatokimanyiya Kalasa k’olimu wa teokrasi dia ‘nambolaka Nzambi olambo wa lotombo ndo mbeyanya lokombo lande lo sɛkɛ’? (Heb. 13:15) [be lɛkɛ 5 od. 3–lɛkɛ 6 od. 1]

2. Lande na kahombaso mbidja welo dia sala wadielo w’oshika? [be lɛkɛ 83 od. 1-5]

3. Etena katɛkɛtaso ndo ketshaso, lande na kele ekɔ ohomba dia ɛtɛkɛta mbokɛma hwe? [be lɛkɛ 86 od. 1-6]

4. Lande na ekɔ ohomba mpotola ɛtɛkɛta dimɛna ndo awui akɔna wahomba sɛdingɔma? [be lɛkɛ 89 od. 1-lɛkɛ 90 od. 2, kiombo]

5. Naa alako amɔtshi watokimanyiya dia ndeka monga la lolimi l’ɔsɛlɔ etena kasawolaso la anto? [be lɛkɛ 94 od. 4-5, kiombo]

SAWO NO. 1

6. Ngande washikikɛ 2 Ekondo 36:​17-23 mɛtɛ ka prɔfɛsiya ya lo Bible? [si-F lɛkɛ 84 od. 35]

7. Awui akɔna wakakonya dia ase Juda kalola oya lo wodja awɔ wa lôtɔ lo 537 N.T.D. dia ndjohika luudu la Jehowa nto? [si-F lɛkɛ 85 od. 1-3]

8. Ngande wayindja dibuku dia Ezera Jehowa oko Nzambi ka mɛtɛ ndo ngande watokeketshadiɔ dia ndjaɛkɛ le nde? [si-F lɛkɛ 87 od. 14, 18]

9. Lande na kele “eleku k’akumi ahendi ka diulelu dia khum’ekanga Aratashasha” kekɔ ohomba efula lo woho wɔlɔngami awui lo Bible? (Neh. 2:​1, 5, 6, 11, 17, 18) [si-F lɛkɛ 88 od. 2, 5]

10. Ngande wele Nɛhɛmiya ɛnyɛlɔ k’ɔlɔlɔ le ekambi wa Nzambi wa nshi nyɛ? [si-F lɛkɛ 90 od. 16-17]

WADIELO WA BIBLE WA LOMINGU LA LOMINGU

11. Onde Urimɛ la Tumimɛ, wakawakambaka la wɔ naka anto wekɔ l’ohomba wa okadimwelo oma le Jehowa akatetemala la monga etena kakakalola anto oma lo fumbe? (Ezera 2:​61-63)

12. Lande na kaki ase Juda efula waki la Babilɔna konanga dia ntshɔ la Jerusalɛma kâmɛ la Ɛzɛra? (Ez. 7:28–8:⁠20)

13. Ngande wakakoke olimu w’ohikelo salema la lonya ɔtɔi na? (Neh. 4:​17, 18)

14. Lam’ele mbala tshɛ mikanda wele la awui wa toseke wakadihamaka dimɛna, lande na kakatomɛ Sanabalata Nɛhɛmiya “mukanda hwe” na? (Neh. 6:⁠5)

15. Lâdiko wa nde ‘pangwela’ ase Juda wakakalola nto lo pɛkato yawɔ, oko wakandasale ntondo la ewandji ndo ɛlɔhɛ, naa tɛdikɔ tokina ta engwelo takɔshi Nɛhɛmiya? (Neh. 13:​25, 28)