Waewoyelo

◼ Ekanda wayotosha anto lo Ngɔndɔ ka sato: Dibuku di’oyoyo Bible etshatɔ mɛtɛ? Welo wa lânde wayodjama l’oyango wa tatɛ wekelo wa Bible. Ngɔndɔ ka nɛi la ka tanu: Tshoto y’Etangelo la Réveillez-vous ! Etena kasalanyu wendelo w’eyoyo le anto wakɛnya nsaki, ndo wanɛ wakaye l’Eohwelo kana l’awui akina wakalɔngɔsɔla etshumanelo koko watonge l’atei w’ɔlɔngɔswamelo, nyotshe tshɛ dia mbasha dibuku Bible etshatɔ mɛtɛ? Welo wa lânde wayodjama l’oyango wa tatɛ wekelo wa Bible. Ngɔndɔ ka samalo: Etshama oma le Ombetsha a woke. Naka anto wambota ɔnɛ vɔ kema la ana, kete nyowasha dibuku Ɔngɛnɔngɛnɔ wa lo nkumbo.

◼ Lam’ele Ngɔndɔ ka nɛi kekɔ la wikɛndɛ etanu, ɔsɔ ayonga etena k’ɔlɔlɔ ka kamba olimu w’ombatshi mboka wa tshanda.

◼ Eohwelo kayosalema Lushi la sato, Ngɔndɔ ka nɛi 12, 2006. Naka etshumanelo kanyu mongaka la nsanganya Lushi la sato, kete yɔ pombaka sɛkɔma lo lushi lokina la lo lomingu naka Mbalasa ka Diolelo kayonga hwe. Ko naka ndoko woho okina wa sala ndo naka Losanganya lanyu l’olimu lambofukutana, kete nyu koka ndjodja tenyi diɛnanyu ohomba efula le etshumanelo kanyu lo Losanganya l’olimu lokina.

◼ Tshumanelo pombaka mbishaka apandjudi numɛlɔ y’eyoyo ya Tshoto y’Etangelo la Réveillez-vous! kam’alongolawɔ. Dui sɔ diayokimanyiya apandjudi dia vɔ mbadia asawo wa lɔkɔ la ntondo ka vɔ tokahanya periodikɛ yakɔ l’esambishelo. Pombaka nto mbishaka apandjudi Olimu aso wa Diolelo kam’akomawɔ. Okahanyelo ɔsɔ kokaka salema lo elui wa Wekelo wa dibuku wa l’etshumanelo.

◼ Bandɛ vidɛo kele l’ɔtɛ a dui ɔnɛ Noé : il marchait avec Dieu, kayɔsɛdingwama lo Losanganya l’olimu la Ngɔndɔ ka tanu. Naka ekɔ ohomba, kete nyoyilɔmbɛ lo tshimbo y’etshumanelo aha la tshimbatshimba.

◼ Bɛtɛlɛ hatɔlɛmiya kɔmandɛ kosadi opandjudi lo ndamɛ. Omendji-walɔmbɔla pombaka nɔngɔsɔla dia diewoyelo mbishamaka ngɔndɔ tshɛ la ntondo ka tomɛ Bɛtɛlɛ kɔmandɛ k’ekanda w’etshumanelo woho w’onto tshɛ lalanga kondja ekanda ande ndamɛ mbisha ɔnangɛso lendana l’awui w’ekanda kɔmandɛ kande. Tanyohɛke dikambo di’ekanda watɔlɔmbamaka paka lo yoho ya lânde.

◼ Kalasa k’ambatshi mboka ka mbala kayaye kayosalema lo lomingu layelana la losanganya la distrikɛ. Kalasa kakɔ kayosalema l’edja ka nshi 10, tatɛ Lushi la tanu polo Lushi la lomingu la lomingu lokina, lo ngelo kayosalema losanganya la distrikɛ. Tayokamba la dibuku di’oyoyo diatanema lo Falase, Lingala, Kisahidi ndo lo Oluba. Wanɛ wayɔtɔ lo kalasa kɛsɔ ele ambatshi mboka wa pondjo wele watɔtɔka lo kalasa k’ambatshi mboka, ndo wanɛ wakasɔnama oko ambatshi mboka wa pondjo lo Ngɔndɔ k’enanɛi 1, 2005 kana la ntondo ka lâsɔ, ndo kânga wanɛ wambɔtɔka, wambokamba oko ambatshi mboka wa pondjo ɛnɔnyi 15 kana ndekana. Wayewoya ombatshi mboka tshɛ dikambo sɔ lo shɔpɔ.