Ekongelo ka losanganya l’olimu

Lomingu la Ngɔndɔ k’esambele 10

Osambo 4

Min. 10: Waewoyelo. Kamba la alako wele lo lɛkɛ 4 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ k’esambele 15 ndo Réveillez-vous! wa Ngɔndɔ k’esambele. Lo wɛnyɛlɔ ɔmɔtshi, ɛnya woho wa mbekola wekamu naka onto ambota ate: “Lanɛ sho tokôngaka Akristo.”​—⁠Enda lo biukubuku Woho wa tatɛ ndo tetemala, lɛkɛ 11.

Min. 15: Woho wokongɛmi ndo walɔmbɔma etshumanelo. Sawo ndo ɔkɛtshanyelo l’ampokami diɔsami oma lo tshapita 4 ya dibuku Tamboyakongɛ dia sala lolango la Jehowa.

Min. 20: “Tokimanyiya ambeki aso wa Bible dia vɔ shihodia ndo ngɛnangɛna waonga wa Jehowa woleki tshɛ amɛna.”a Dja ndo wɛnyɛlɔ ɔmɔtshi wɛnya woho wa kamba la ambola dia kimanyiya ombeki wa Bible dia kana yimba lo awui wele lo kiombo y’ovuswelo yele l’ekomelo ka tshapita 1 ya dibuku Bible etshatɔ.

Osambo 88 ndo dɔmbɛlɔ dia ndjihelo.

Lomingu la Ngɔndɔ k’esambele 17

Osambo 99

Min. 10: Waewoyelo. Waewoyelo w’oma lo Olimu aso wa Diolelo. Sɛdingola lo tshena pe awui wa lo Tshoto y’Etangelo ya Ngɔndɔ k’enanɛi 15, 2000, lɛkɛ 32, lo Falase. Ka epole ɔsɛkɛ lo ɛlɔlɔ waya lo mbadiaka Bible lushi la lushi, oyadi lo nshi yeso lo vakashi kana lo wenya ekina weso bu l’olimu wa sala.

Min. 15: Ngandji ndo okitshakitsha ekɔ waonga w’ohomba efula l’olimu w’esambishelo. Sawo diɔsami oma lo Tshoto y’Etangelo ya Ngɔndɔ ka divwa 1, 2002, lɛkɛ 14-16, odingɔ 13-20.

Min. 20: “Tokoya Jehowa ‘Nzambi kaso k’ɔngɛnɔngɛnɔ.’ ”b Lɔmba ampokami dia vɔ mbuta kɛnɛ kakimanyiya dia vɔ monga la ɔngɛnɔngɛnɔ ndo mɛnaka akambo la sso di’ɔlɔlɔ etena kasambishawɔ lo ɛtshi ka nkɛtɛ k’etshumanelo kawɔ.

Osambo 189 ndo dɔmbɛlɔ dia ndjihelo.

Lomingu la Ngɔndɔ k’esambele 24

Osambo 218

Min. 15: Waewoyelo. Adia alapɔlɔ wa falanga ndo sha ampokami losaka latome biro. Kamba la alako wele lo lɛkɛ 4 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ k’enanɛi 1 ndo Réveillez-vous! wa Ngɔndɔ k’enanɛi. L’ɔkɔngɔ wa wɛnyɛlɔ tshɛ, nyomota ɛtɛkɛta wa mbɔtwɛlɔ wakakambi lawɔ dia nomialomia nsaki k’ompokami.

Min. 10: “Vɔ toshaka ɛnyɛlɔ k’ɔlɔlɔ ka kɔlamelo.” Sawo diayonga ndo la awui amɔtshi wakakomɛ ambatshi mboka wa lânde wakatondjama lo ekanda aso kana kɔnya ambatshi mboka wa lânde wa l’etshumanelo kanyu.​—⁠Enda lo Index des publications de la Société Watch Tower l’ɔtɛ a dui wata ɔnɛ: “Ambatshi mboka wa lânde.”

Min. 20: Totshikale nge ndo toshikimale. (1 Kor. 15:58) Kɔnya apandjudi kana ambatshi mboka ahende kana asato wambokamba edja efula la kɔlamelo. Ngande wakaweke akambo wa mɛtɛ? Ngande wakasalemaka olimu w’esambishelo etena kakawatatɛ sambisha? Naa ekakatanu wakahomana lawɔ? Naa ɛtshɔkɔ wakawakondja lo woho wakawatshikala nge l’ɔtɛmwɛlɔ wa mɛtɛ?

Osambo 12 ndo dɔmbɛlɔ dia ndjihelo.

Lomingu la Ngɔndɔ k’esambele 31

Osambo 28

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ k’esambele. Ewoya ekanda wayotosha anto lo Ngɔndɔ k’enanɛi.

Min. 15: Ehomba wa l’etshumanelo.

Min. 20: “Tonge la mbekelo y’ɛlɔlɔ ya lo nyuma, ko tayolongola ɛtshɔkɔ efula.”c Lɔmba ampokami dia vɔ mbuta welo wakawadje dia monga la mbekelo y’ɛlɔlɔ ya lo nyuma ndo ɛtshɔkɔ wambowokondja oma lo dikambo sɔ.

Osambo 130 ndo dɔmbɛlɔ dia ndjihelo.

Lomingu la Ngɔndɔ k’enanɛi 7

Osambo 209

Min. 10: Waewoyelo. Vusola lo tshena pe woho wakokaso mbɔtɔnganyiya bɛnyɛlɔ dia mbɔtwɛlɔ diele lo Olimu aso wa Diolelo la ehomba wa l’ɛtshi kaso ka nkɛtɛ.​—⁠Enda lo Olimu aso wa Diolelo wa Ngɔndɔ ka ntondo 2005, lɛkɛ 8.

Min. 15: Nsanganya yatotshutshuya lo ngandji la lo elimu w’ɔlɔlɔ. Sawɔ diɔsami oma lo Tshoto y’Etangelo ya Ngɔndɔ ka sato 15, 2002, lɛkɛ 24-25, lo Falase. Dja ndo ɔkɔnya wa lo tshena pe wɛnya welo wadja opandjudi ɔmɔtshi dia mbɔtɔka lo nsanganya mbala la mbala ndo wahɔ wambondokondja lo sala ngasɔ.

Min. 20: Tonge anto weya toho ta kamba la tɔ ndo wayaɔtɔnganyiya l’awui wotshikitanyi l’olimu aso. Sawo ndo ɔkɛtshanyelo la ampokami diɔsami oma lo Tshoto y’Etangelo ya Ngɔndɔ ka dikumi l’ahende 1, 2005, lɛkɛ 28-30. Tɔtɔmiya etenyi kɔsami oma l’odingɔ 6-11, dia mɛnya woho wakadjaka Paulo yimba lo dikambo, wakandayaɔtɔnganyiyaka la awui wotshikitanyi ndo woho wakandeyaka kɛnɛ ka ntsha lam’akandasambishaka ndo wakandetshaka. Oma lâsɔ, lɔmba ampokami dia vɔ kadimola lo ambola wele lo odingɔ 12-14 lo mbɔtɔnganyiya awui asɔ la kɛnɛ keta lo ɛtshi kanyu ka nkɛtɛ. Dja ndo wɛnyɛlɔ ɔmɔtshi wɛnya woho wakoka apandjudi mbɔtɔnganyiya mbɔtwɛlɔ yawɔ l’esambishelo lo mbidja yimba lo ehomba w’onto, lo awui wele lande ndo lo mbekelo y’anto wa lo ɛtshi kawɔ ka nkɛtɛ.

Osambo 83 ndo dɔmbɛlɔ dia ndjihelo.

[Nɔte ka l’ɛse ka dikatshi]