Ekongelo ka losanganya l’olimu

Lomingu la Ngɔndɔ ka dikumi l’ahende 11

Osambo 174

Min. 10: Waewoyelo. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka dikumi l’ahende 15 ndo Réveillez-vous! wa Ngɔndɔ ka dikumi l’ahende. Lo wɛnyɛlɔ ɔmɔtshi, ɛnya woho wa mbekola wekamu naka onto ambota ate: “Hangɛnyangɛnya.”​—⁠Enda lo biukubuku Woho wa tatɛ ndo tetemala, lɛkɛ 8.

Min. 15: Kalasa k’olimu wa teokrasi ka l’ɔnɔnyi 2007. Sawo ndo ɛkɔnya. Sawo diakɔ diayoshama oma le omendji wa kalasa. Tɛkɛta akambo w’oma l’okotsha wa Olimu aso wa Diolelo wa Ngɔndɔ ka dikumi 2006 wahomba tɔtɔmiyama lo ndjela ehomba wa l’etshumanelo kanyu. Lembetshiya dia omendji wa kalasa hewoya la ntondo dionga di’ɔtɛkɛtshi diakamba ombeki. Lam’ele tayoshidiya wadielo wa Afundelo wa lo Hɛbɛru oma lo Isaya 24 polo l’ekomelo ka Malaki l’ɔnɔnyi 2007, ɔnɔnyi ɔnɛ anangɛso walongola ɔkɛndɛ wa nɔngɔsɔla akambo w’ohomba w’oma lo wadielo wa Bible ndo anto akina washa kɔmatɛrɛ wayonga la diaaso di’ɔlɔlɔ dia vɔ kamba la ekanda aso walembetshiya abuku wa prɔfɛsiya asɔ. Kɔnya apandjudi ahende kana asato oma lo weho w’anto wayela anɛ: ombeki w’oyoyo, ombeki w’ɔlɔngɔlɔngɔ kana osekaseka watahame dimɛna ndo ombeki wambohokɔ akambo. Lɔmbawɔ dia vɔ mbuta shɛngiya yele la kalasa lo esambishelo kawɔ ndo lo lonyuma lawɔ. Keketsha anto tshɛ dia vɔ kotshaka ɛkɛndɛ awɔ l’ohetoheto tshɛ, mbishaka kɔmatɛrɛ lo akambo w’ohomba w’oma lo wadielo wa Bible ndo kambaka la alako washama lomingu la lomingu oma lo dibuku Kondja wahɔ oma lo kalasa k’olimu wa teokrasi.

Min. 20: “Tatoshishake ngandji kaki laso ntondo.”a Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.

Osambo 193 ndo dɔmbɛlɔ dia ndjihelo.

Lomingu la Ngɔndɔ ka dikumi l’ahende 18

Osambo 150

Min. 10: Waewoyelo. Waewoyelo w’oma lo Olimu aso wa Diolelo. Vusola kiombo yele l’ɔtɛ a dui ɔnɛ: “Ekadimwelo lo ambola anyu.” Lembetshiya tɛdikɔ takɔsama dikambo dia olimu w’esambishelo lo Ngɔndɔ ka dikumi l’ahende 25 ndo Ngɔndɔ ka ntondo 1.

Min. 15: “Tokalole dia tenda onto tshɛ lakɛnya nsaki lo yɛdikɔ mɔtshi.”b Lɔmba ampokami dia vɔ mbuta kɛnɛ kakawasale dia mbeya lɛnɛ atshikala anto wakɛnya nsaki wakahomana la wɔ etena kakawasambishaka lo tshakitudi kana lo toshinga ndo wate etombelo tshɛ wakawakondja lo kalola dia tenda anto asɔ. Koka talɔngɔsɔdi kɔmatɛrɛ ɔtɔi kana hiende la ntondo.

Min. 20: “Yimba ya ndjâkimɔ la lolango mbelaka ɛtshɔkɔ.”c Kɔnya opandjudi ɔtɔi kana ahende weyama oma lo yimba yawɔ ya ndjâkimɔ la lolango. Ngande wakawɛnya yimba ya ndjâkimɔ la lolango? Etshikitanu akɔna waki ohomba dia sala ndo ngande wakawasale etshikitanu akɔ? Ɛtshɔkɔ akɔna wambowokondja lo sala ngasɔ?

Osambo 108 ndo dɔmbɛlɔ dia ndjihelo.

Lomingu la Ngɔndɔ ka dikumi l’ahende 25

Osambo 210

Min. 10: Waewoyelo. Adia alapɔlɔ wa falanga ndo sha ampokami losaka latome biro. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka ntondo 1 ndo Réveillez-vous! wa Ngɔndɔ ka ntondo. L’ekomelo ka wɛnyɛlɔ tshɛ, onyiya dimbola dimɔtshi dialɔmba onto dia mbisha kanyi yande diakoka ndjokadimɔma lo wendelo wa mbala kayaye lo kamba la dibuku Bible etshatɔ.

Min. 15: Ehomba wa l’etshumanelo.

Min. 20: “Onde wɛ ekɔ la ɛtshi kayɛ ka nkɛtɛ?”d Lɔmba omendji w’olimu dia nde mbuta lo tshena pe woke wa ɛtshi ka nkɛtɛ k’etshumanelo kanyu, mbala yambokindjakindjama ɛtshi kanyu ka nkɛtɛ ndo wenya watanema anto wa l’ɛtshi kanyu ka nkɛtɛ.

Osambo 219 ndo dɔmbɛlɔ dia ndjihelo.

Lomingu la Ngɔndɔ ka ntondo 1

Osambo 158

Diewoyelo: Tshumanelo hadiohombe sɛkɔla Losanganya lawɔ l’olimu la lomingu la Ngɔndɔ ka ntondo 1 la ntondo ka datɛ diele l’ekongelo onyake naka omendji w’otshimbedi ayowaembola lomingu lakɔ. Tshumanelo tshɛ la dia sɛdingola dikatshi di’okotsha diatɛkɛta awui wa losanganya la distrikɛ oko wɛnyamidiɔ lo ekongelo. Naka losanganya l’otshimbedi layosalema lomingu lakɔ, kete emendji wa wekelo wa dibuku kawewoya dihole ndo datɛ diayolosalema lo wekelo awɔ wa dibuku.

Min. 5: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka dikumi l’ahende.

Min. 15: Alapɔlɔ wa ohamelo w’olimu. Sawo ndo ɔkɛtshanyelo la ampokami. Sawo diakɔ mbɔsama oma lo dibuku Tamboyakongɛ dia sala lolango la Jehowa, oma lo ɔtɛ a dui wahɔnyi wele lo lɛkɛ 83 polo l’ekomelo ka tshapita.

Min. 25: “Losanganya la distrikɛ la Ɛmɛnyi wa Jehowa la l’ɔnɔnyi 2007 lele l’ɔtɛ a dui ɔnɛ: ‘Toyele Kristo!’ ”e Sawo diayoshama oma le sekeletɛlɛ ka l’etshumanelo. La ntondo ka nyu sɛdingola awui wa l’okotsha, adia mukanda wa Ngɔndɔ ka dikumi l’ahende 15, 2006 wɛnyishawɔ Losanganya la distrikɛ layɔtɔ etshumanelo kanyu. Keketsha anto tshɛ dia vɔ tatɛ ndjalɔngɔsɔla kɔlɔmɔ dikambo dia losanganya la distrikɛ.

Osambo 65 ndo dɔmbɛlɔ dia ndjihelo.

[Nɔte ka l’ɛse ka dikatshi]