Ekongelo ka losanganya l’olimu
Lomingu la Ngɔndɔ ka hende 12
Min. 10: Waewoyelo. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka hende 15 ndo Réveillez-vous! wa Ngɔndɔ ka hende. Lo wɛnyɛlɔ ɔmɔtshi, ɛnya woho wa mbekola wekamu naka onto olanga komiya sawo lo mbuta ɔnɛ: “Hangɛnangɛna ɛtɛmwɛlɔ.”—Enda biukubuku Woho wa tatɛ ndo tetemala, lɛkɛ 9.
Min. 35: “Tewoya anto akina ɛlɔlɔ wa Jehowa.”a Sawo diayoshama oma le omendji w’olimu. Lo etena kɛmɔtshi kɛnayɛ dimɛna wonya w’ɔkɛtshanyelo, ewoya wonya ndo dihole diayosalema Eohwelo, ɛlɔngɔswɛlɔ ekina wambosalema dia nsanganya y’otsha l’olimu w’esambishelo ndo oyango w’ambatshi mboka wa tshanda wamboyadjɛ etshumanelo lo Ngɔndɔ ka nɛi.
Osambo 147 ndo dɔmbɛlɔ dia ndjihelo.
Lomingu la Ngɔndɔ ka hende 19
Osambo 198
Min. 5: Waewoyelo.
Min. 20: “Tokoya Ombetsha wa Woke etena kakambaso la dibuku Bible etshatɔ.”b Etena kasɛdingolanyu odingɔ 6, nyosale wɛnyɛlɔ ɔmɔtshi wa mondo wɛnya woho wakamba opandjudi ɔmɔtshi la kiombo yele l’ekomelo ka tshapita 6 ya dibuku Bible etshatɔ dia mvusola tshapita kâmɛ la ombeki ande.
Min. 20: Onde wɛ kokaka tatɛ mbeka l’onto Bible lo Ngɔndɔ ka sato? Ɔkɛtshanyelo la ampokami. Lo nshi dikumi la tshanu ya ntondo ya lo Ngɔndɔ ka sato, tayosha anto dibuku Bible etshatɔ la oyango wa tatɛ mbeka lawɔ Bible. Vusola alako wele lo okotsha wa lo lɛkɛ 3-6 la Olimu aso wa Diolelo wa Ngɔndɔ ka ntondo 2006. Lo kamba la mbɔtwɛlɔ kɛmɔtshi kele lo lɛkɛ 6 kana la kekina kɔtɔnɛ lo ɛtshi kanyu ka nkɛtɛ, ɛnya woho wa tatɛ mbeka l’onto Bible mbala ka ntondo kahomanayɛ la nde. Lɔmba ampokami dia vɔ mbuta awui w’amɛna wakawahomana lawɔ lo kamba la dibuku diakɔ, djekoleko lo tatɛ mbeka l’anto Bible.
Osambo 220 ndo dɔmbɛlɔ dia ndjihelo.
Lomingu la Ngɔndɔ ka hende 26
Min. 10: Waewoyelo. Adia alapɔlɔ wa falanga ndo sha ampokami losaka latome biro. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka sato 1, ndo Réveillez-vous! wa Ngɔndɔ ka sato. Lo wɛnyɛlɔ ɔmɔtshi, ɛnya opandjudi asambisha lo ɛtshi ka nkɛtɛ k’amundji w’okanda.
Min. 15: “Tatohɛke wanɛ wahayosambisha.”c Dja ndo kɔmatɛrɛ y’oma lo Tshoto y’Etangelo ya Ngɔndɔ ka tanu 1, 2004, lɛkɛ 31-32, odingɔ 13-16.
Min. 20: “Tokoya Kristo l’olimu aso w’esambishelo.”d Naka wonya wekekɔ, kete lɔmba ampokami dia vɔ mbadia ndo mbisha kɔmatɛrɛ lo avɛsa woshilami.
Osambo 18 ndo dɔmbɛlɔ dia ndjihelo.
Lomingu la Ngɔndɔ ka sato 5
Min. 15: Waewoyelo. Waewoyelo w’oma lo Olimu aso wa Diolelo. Nyosha ompokami tshɛ kɔpi ɔtɔi ka dikatshi dia leeta la lânde lendana la Eohwelo ndo nyewoya tɛdikɔ takɔshi etshumanelo dikambo dia okahanyelo adiɔ lo ɛtshi kanyu ka nkɛtɛ. Keketsha anto tshɛ dia vɔ ndeka sambisha. Nyosale wɛnyɛlɔ ɔtɔi wɛnya woho wakokaso kamba la dikatshi diakɔ dia leeta.
Min. 15: Woho wa sambisha lokumu l’ɔlɔlɔ aha l’ofukutanu. Sawo ndo ɔkɛtshanyelo la ampokami. Sawo diakɔ mbɔsama oma lo dibuku Tamboyakongɛ dia sala lolango la Jehowa, oma l’ɔtɛ a dui wahɔnyi wele lo lɛkɛ 102 polo l’ekomelo ka tshapita.
Min. 15: “Takalongola ɛngɔ k’oshinga wolo.”e Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.
Osambo 104 ndo dɔmbɛlɔ dia ndjihelo.
[Nɔte ya l’ɛse ka dikatshi]
a Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
b Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
c Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
d Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.
e Sala mbɔtwɛlɔ kahakoke kânga minitɛ ɔtɔi ko wɛ ndjeta lo ambola la ekadimwelo.