Ekongelo ka losanganya l’olimu

Lomingu la Ngɔndɔ ka sato 12

Osambo 153

Min. 10: Waewoyelo. Kamba la alako wele lo lɛkɛ 6 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka sato 15 ndo Réveillez-vous ! wa Ngɔndɔ ka sato.

Min. 15: Etena katshika lakiso ɔmɔtshi la ngandji Jehowa. Sawo diayoshama oma le ekumanyi kɛmɔtshi. Sawo diakɔ mbɔsama oma lo Tshoto y’Etangelo ya Ngɔndɔ ka divwa 1, 2006 lɛkɛ 17-21, lo Falase.

Min. 20: ‘Kanyotshake ɔnkɔnɛ dia mbohɔkami.’a Etena kasɛdingolanyu odingɔ 3, dja ndo kɔmatɛrɛ y’oma lo Olimu aso wa Diolelo wa Ngɔndɔ ka sato 2006, lɛkɛ 1, odingɔ 3 wɛnya woho wakokaso kamba la dibuku Bible etshatɔ dia nembetshiya wanɛ wakɛnya nsaki wakatelɛ woho wasalema Eohwelo.

Osambo 168 ndo dɔmbɛlɔ dia ndjihelo.

Lomingu la Ngɔndɔ ka sato 19

Osambo 45

Min. 10: Waewoyelo. Waewoyelo w’oma lo Olimu aso wa Diolelo. Vusola awui w’ohomba wa lo kiombo yata ɔnɛ: “Waohwelo wendana la Eohwelo” yele lo lɛkɛ 3. Lɔmba anto dia vɔ tovusola awui wa lo Tshoto y’Etangelo ya Ngɔndɔ ka dikumi l’ahende 1, 1994, lɛkɛ 13-18, lo Falase ndo dia vɔ mbela periodikɛ kakɔ lo Losanganya l’olimu la mbala kayaye.

Min. 20: Woho wa pamia olimu ayɛ. Sawo ndo ɔkɛtshanyelo l’ampokami. Sawo diakɔ mbɔsama oma lo dibuku Tamboyakongɛ dia sala lolango la Jehowa, tshapita 10.

Min. 15: “Ngande wayoyokadimola?”b Nyosale wɛnyɛlɔ ɔmɔtshi wa lo tshena pe wɛnya woho wakokaso kamba la sawo sɔ lo wekelo wa lo nkumbo.

Osambo 216 ndo dɔmbɛlɔ dia ndjihelo.

Lomingu la Ngɔndɔ ka sato 26

Osambo 115

Min.  5: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka sato. Adia alapɔlɔ wa kɔntɛ ndo mikanda wa eokelo ka losaka.

Min. 20: ‘Toyakondje angɛnyi lo tshimbo ya ekundji wa kɔlɔ’. Sawo ndo ɔkɛtshanyelo l’ampokami. Sawo diakɔ mbɔsama oma lo Tshoto y’Etangelo ya Ngɔndɔ ka dikumi l’ahende 1, 1994, lɛkɛ 13-18, lo Falase. Oka ambola wa odingɔ 5-7, 9-11b, 15-17, ndo 21-22 lo ɔkɛtshanyelo wa l’ampokami.

Min. 20: Ahombami sala la lɔsɛnɔ lami? Sawo diɔsami oma lo Réveillez-vous ! wa Ngɔndɔ k’esambele 2006, lɛkɛ 23-25, lo Falase. Kɔnya onto ɔtɔi kana ahende wele l’ɔkɔngɔ wa vɔ nongola apɔlɔmɛ awɔ w’oma lo kalasa ya lâdiko vɔ wakayotatɛka kamba olimu wa lo tena tshɛ. Lande na kakawasɔnɛ dia kamba olimu wa lo tena tshɛ? Ɛtshɔkɔ akɔna wambowokondja?

Osambo 148 ndo dɔmbɛlɔ dia ndjihelo.

Lomingu la Ngɔndɔ ka nɛi 2

Osambo 177

Min. 10: Waewoyelo. Vusola awui wele lo dikatshi dia leeta diele lo lohoso lele lo lɛkɛ l’ekomelo la Tshoto y’Etangelo ya Ngɔndɔ ka nɛi 1, 2007 ndo keketsha apandjudi dia vɔ mbelɛ anto wakɛnya nsaki oya lo sawo dia lo sɛkɛ dia lânde diayoshama lo Ngɔndɔ ka nɛi 15.

Min. 20: Totetemale kimanyiya wanɛ wakɔtɔ lo Eohwelo. Sawo diayoshama oma le ekumanyi kɛmɔtshi. Ewoya lofulo l’anto lakɔtɔ lo Eohwelo lo etshumanelo kanyu ndo ewoya lofulo la lɔfɔnya la anto wakɛnya nsaki wakaye lo eohwelo kakɔ. Kɔndɔla awui amɔtshi wa diambo wakahomana la anto wendana la wanɛ waketawɔ akatshi wa leeta la lânde lendana la Eohwelo kana wanɛ wakalɔmbɛ dia vɔ mbeka la wɔ Bible l’ɔkɔngɔ wa Eohwelo. Sha alako wɛnya woho wa mbisha wanɛ wakɔtɔ lo Eohwelo ekimanyielo kekina ka lo nyuma. (Enda km 3/06, lɛkɛ 1, od. 5; km 2/05, lɛkɛ 4, od. 9; km 2/04, lɛkɛ 5, od. 16.) Keketsha apandjudi tshɛ dia vɔ mbesa nsaki tshɛ kakɛnya anto aha la tshimbatshimba.

Min. 15: Tokambe dimɛna la Annuaire 2007. (Naka nyambolongola) Sawo ndo ɔkɛtshanyelo la ampokami. Vusola awui woleki ohomba w’oma lo “Mukanda w’oma le Olui-walɔmbɔla.” Mukanda akɔ wekɔ lo dikatshi di’okotsha. Dja dikako vɔlɛ lo awui amɔtshi wele lo “Alapɔlɔ wa lo andja w’otondo.” Lɔngɔsɔla la ntondo di’anto angana mbuta awui wakakeketsha mbetawɔ kawɔ lo yoho ya lânde. Keketsha nkumbo dia vɔ mbadia Annuaire w’otondo yema yema l’ɔnɔnyi ɔnɛ w’otondo. Ɛnya toho takokaso kamba la dibuku diakɔ dia nɔmbɔla eyoyo oya l’okongamelo waki Jehowa ndo dia mbakeketsha dia vɔ mbɔtɔka lo nsanganya. Naka nyu bu lawɔ, kete nyokambe la Annuaire 2006.

Osambo 179 ndo dɔmbɛlɔ dia ndjihelo.

[Nɔte ya l’ɛse ka dikatshi]