Ovuswelo w’awui wakateke lo Kalasa k’olimu wa teokrasi
Ambola wayela anɛ wayɔkɛtshanyema oko ovuswelo wa lo Kalasa k’olimu wa teokrasi lomingu la Ngɔndɔ ka samalo 25, 2007. Omendji wa kalasa ayɔlɔmbɔla ovuswelo wa minitɛ 30 w’awui wakateke tatɛ oma lo lomingu la Ngɔndɔ ka tanu 7 polo lomingu la Ngɔndɔ ka samalo 25, 2007. [Diewoyelo: L’ahole wele bu rɛferansɛ l’ɔkɔngɔ wa dimbola, wɛmɛ mbahomba sala eyangelo dia tana ekadimwelo.—Enda Kalasa k’olimu, lɛkɛ 36-37.]
WAONGA W’ƆTƐKƐTSHI
1. Akokaso sala dia kitshakitsha wɔma l’oyango wa ndowanya dui diaso etena katɛkɛtaso? [be lɛkɛ 184 od. 3-lɛkɛ 185 od. 2]
2. Ngande wakokaso koma “wehu w’antu tshe” l’olimu w’esambishelo? (1 Kor. 9:20-23) [be lɛkɛ 186 od. 2-4]
3. Ngande wakokaso mbokoya ɛnyɛlɔ kaki Jehowa lo kɛnɛ kendana la mpokamɛ anto akina? (Etat. 18:23-33; 1 Khum. 22:19-22) [be lɛkɛ 187 od. 1-2, 5]
4. Lo toho takɔna ta shikaa takokaso kimanyiya anto akina dia vɔ pama lo nyuma? [be lɛkɛ 188 od. 1–4]
5. Lande na kahombaso mbidja yimba lo kɛnɛ kendana la nɛmiya anto akina? [be lɛkɛ 190 od. 3, kiombo]
SAWO NO. 1
6. Lande na kahombaso sala la wolo dia munanda etema w’anto wetshaso? [be lɛkɛ 59 od. 1]
7. Ɛnyɛlɔ kaso kekɔ la shɛngiya yakɔna le anto wetshaso? [be lɛkɛ 61 od. 1]
8. Ngande wakokaso ndowanya diewo diaso dia sawola l’anto la ngelo? [be lɛkɛ 62 od. 3]
9. Ɛnyɛlɔ kakɔna ka ohetoheto ndo ka dihonga katanaso le ɔprɔfɛta Jeremiya? [si-F lɛkɛ 129 od. 36]
10. Wɛkamu akɔna watanaso lo dibuku dia Delu dia Jeremiya, ndo lande na kele ekɔ ohomba mɛnya anto wa kɔlɔ dombwelo diaki Nzambi? [si-F lɛkɛ 132 od. 13]
WADIELO WA BIBLE WA LOMINGU LA LOMINGU
11. L’ɛnyɛlɔ ka kɛnɛ kakakomɛ Jeremiya oko wɔkɔndwamidiɔ lo Jeremiya 37:21, eshikikelo kakɔna kakoka monga laso?
12. Lande na kakate Baruka dia Jehowa ‘akahɛ lonyangu lâdiko dia kandji kande’ ko nde ‘akahekɔ,’ ndo Baruka akandasale lo dikambo sɔ? (Jer. 45:1-5)
13. Etena kakɔna kakayotshika anto mbidjasɛ la Babilɔna ndo kakatakome ‘tɔngɔ to’? (Jer. 50:13)
14. Tɔndɔ diakɔna diendana la dɔmbɛlɔ diɛnyama hwe lo dibuku dia Delu dia Jeremiya 3:8, 9, 42-45?
15. Pusupusu kɔkɔndwami lo Ezekiyele tshapita 1 kekɔ didjidji dia na?