Ekongelo ka losanganya l’olimu

Lomingu la Ngɔndɔ ka hende 11

Osambo 168

Min. 10: Waewoyelo. Kamba la alako wele lo lɛkɛ 8 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka hende 1 ndo Réveillez-vous ! wa Ngɔndɔ ka hende.

Min. 15: Onde wɛ kokaka kamba lɛnɛ ele ohomba efula? Sawo ndo ɔkɛtshanyelo la ampokami. Sawo diakɔ mbɔsama oma lo Tshoto y’Etangelo ya Ngɔndɔ k’enanɛi 1, 2003, lɛkɛ 20. Dja ndo kɔmatɛrɛ y’oma lo dibuku Tamboyakongɛ, lɛkɛ 111, odingɔ 1 polo lɛkɛ 112, odingɔ 1. Kɔnya onto ɔmɔtshi lakonɔ lɛnɛ ele ohomba efula. Ekakatanu akɔna wakahomana lande, ndo ngande wakandatondoya? Ɛtshɔkɔ akɔna wakandakondja?

Min. 20: Tokimanyiya eyoyo dia vɔ pama ndo koma ekambi. L’ɔkɔngɔ wa mbɔtwɛlɔ kahakoke kânga minitɛ ɔtɔi, lɔmbɔla ɔkɛtshanyelo wa ambola la ekadimwelo wɔsami oma lo Tshoto y’Etangelo ya Ngɔndɔ ka dikumi l’ahende 1, 2005, lɛkɛ 31, lo kamba la ambola wa wekelo woshami. L’ɔkɔngɔ wa nyu sɛdingola odingɔ 18, sala wɛnyɛlɔ ɔmɔtshi wɛnya ompokami ɔmɔtshi ambodjɛ opandjudi w’oyoyo wekamu. Opandjudi akɔ ekɔ lo sambisha kâmɛ la opandjudi wambohokɔ akambo. Lam’ele opandjudi w’oyoyo hawosha okadimwelo wɔngɛnyangɛnya, ompokami ambokomiya sawo. L’ɔkɔngɔ wa vɔ mimɔ oma la soko diakɔ, opandjudi wambohokɔ akambo ambandola opandjudi w’oyoyo la wangasanu tshɛ lo welo wakandadjisha ndo oma lâsɔ nde ambowɛnya woho wakokande kamba la dibuku Comment raisonner dia kadimola onto layolanga komiya sawo mbala kekina.

Osambo 50

Lomingu la Ngɔndɔ ka hende 18

Osambo 17

Min. 10: Waewoyelo. Waewoyelo w’oma lo Olimu aso wa Diolelo.

Min. 10: Ehomba wa l’etshumanelo.

Min. 25: “Djembetelo ya mbetawɔ ka wolo!”a Ayoshama oma le omendji w’olimu. Komiya lo mbuta awui amɔtshi wakeketsha wakasale etshumanelo lo ɔnɔnyi w’olimu wetshi.

Osambo 194

Lomingu la Ngɔndɔ ka hende 25

Osambo 81

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka hende. Adia alapɔlɔ wa kɔntɛ ndo mikanda wa eokelo ka losaka. Sala wɛnyɛlɔ ɔmɔtshi wɛnya woho wa kamba la akatshi wa leeta lendana la Eohwelo dia mbelɛ ose nkumbo kana osukanyi ɔmɔtshi.

Min. 20: “Woho wa mbohɔka tshungo la lowando tshɛ.”b Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.

Min. 15: Toyalɔngɔsɔlɛ dia mbisha anto periodikɛ yeke katomba. Ɔkɛtshanyelo la ampokami. L’ɔkɔngɔ wa wɛ mbisha kanyi ya lo tshena pe y’awui wele lo Tshoto y’Etangelo ya Ngɔndɔ ka sato 1 ndo Réveillez-vous ! wa Ngɔndɔ ka sato, lɔmba ampokami dia vɔ mbuta asawo akɔna wakoka ngɛnyangɛnya anto wa l’ɛtshi kanyu ka nkɛtɛ ndo lande na. Lɔmba ampokami dia vɔ mbisha tokanyi lo woho wa kamba la asawo amɔtshi wambowokongɛ dia tosha anto. Dimbola diakɔna diakoka onto kamba la diɔ dia tatɛ sawo l’onto? Oma lâsɔ, divɛsa diakɔna diele l’etei ka sawo diakoka mbadiema? Lo kamba la alako woshami, ɛnya woho wakokaso mbisha anto Tshoto y’Etangelo ya Ngɔndɔ ka sato 1 ndo Réveillez-vous ! wa Ngɔndɔ ka sato.

Osambo 119

Lomingu la Ngɔndɔ ka sato 3

Osambo 223

Min. 10: Waewoyelo. Vusola awui w’ohomba wa lo kiombo yata ɔnɛ: “Waohwelo wendana la Eohwelo.”

Min. 20: Onde wɛ kokaka tatɛ mbeka l’onto Bible lo Ngɔndɔ ka sato? Ɔkɛtshanyelo la ampokami. Lo Ngɔndɔ ka sato tayosha anto dibuku Bible etshatɔ la oyango wa tatɛ mbeka lawɔ Bible. Vusola awui amɔtshi wa diambo wa lo dibuku diakɔ. Ɛnya woho wakokaso mbisha anto dibuku diakɔ etena kakalolaso dia tenda onto ɔmɔtshi lakɛnya nsaki etena kakatawosha dikatshi dia leeta lendana la Eohwelo, etena kakalolaso dia tenda anto wakatasha periodikɛ ndo etena kadishaso anto lo esambishelo ka lo soko la soko l’ɔkɔngɔ wa Ngɔndɔ ka sato 22. (Enda km 8/07 lɛkɛ 3; km 3/06 lɛkɛ 1, od. 3; km 1/06 lɛkɛ 3-6.) Sala wɛnyɛlɔ ɔtɔi kana ehende.

Min. 15 : Tokambake la Bible etena kakadimolaso ambola. Sawo ndo ɔkɛtshanyelo la ampokami. Sawo diakɔ mbɔsama oma lo dibuku Kalasa k’olimu, lɛkɛ 143-144. Dja ndo wɛnyɛlɔ ɔmɔtshi wa lo tshena pe wɛnya onto ɔmɔtshi ôka opandjudi dimbola dimɔtshi dioka anto mbala efula lo ɛtshi kanyu ka nkɛtɛ ndo oma lâsɔ, akambe la Bible dia kadimola.

Osambo 145

[Nɔte ka l’ɛse ka dikatshi]