Ekongelo ka losanganya l’olimu

Lomingu la Ngɔndɔ ka divwa 8

Osambo 204

Min. 10: Waewoyelo. Lɔmba ampokami dia vɔ mbuta asawo wa lo periodikɛ yeke ka tomba wakaleke ngɛnyangɛnya anto wa l’ɛtshi kanyu ka nkɛtɛ. Lɔmbawɔ dia vɔ mbuta ambola ndo avɛsa wakakambe la wɔ dia mbɔtshiya asawo akɔ. Nyosale wɛnyɛlɔ ɔmɔtshi wɛnya woho wakokaso mbisha anto oseka periodikɛ tshɛ.

Min. 15: Tokimanyiya ambeki wa Bible dia vɔ koma embetsha. Sawo diɔsami oma lo Tshoto y’Etangelo ya Ngɔndɔ ka hende 1, 2007, lɛkɛ 13-14, odingɔ 14-20. Nyosale ndo wɛnyɛlɔ ɔmɔtshi wa lo tshena pe wɛnya woho walembetshiya opandjudi ɔmɔtshi ombeki ande wa Bible woho washama sawo dia lo sɛkɛ ndo wasalema wekelo wa Tshoto y’Etangelo ndo woho wawelɛnde dia nde ndjɔtɔ lo nsanganya shɔ.

Min. 20: Tɔlɔshane la tokanyi ta kɔlɔ tele l’anto lo dikambo diaso etena kasambishaso. Sawo diayoshama oma le ekumanyi kɛmɔtshi. Diɔ mbɔsama oma l’awui wambotombaka l’ekanda aso wɛnya shɛngiya yakoka monga la tokanyi ta kɔlɔ tele l’anto lo dikambo diaso ndo l’olimu aso. Lembetshiya woho wakokaso nɛndja dikambo sɔ. Tena dimɔtshi, lɔkɛwɔ laso oyadi etena keso l’olimu w’esambishelo kana kasalaso awui akina wa lo lɔsɛnɔ, mbeyaka kimanyiya efula dia nɛndja tokanyi ta kɔlɔ tele l’anto lo dikambo diaso ndo mbakimanyiya dia vɔ mbetawɔ akambo wa mɛtɛ. Ɔnkɔnɛ, ekɔ ohomba efula dia sho sɛdingolaka ɛtɛkɛta ndo lɔkɛwɔ laso tena tshɛ. (1 Pet. 2:12; 3:1, 2) Kɔndɔla awui amɔtshi angana wakete l’ɛtshi kanyu ka nkɛtɛ kana wofundami l’ekanda aso wɛnya woho wakokaso nɛndja dikambo sɔ.

Osambo 127

Lomingu la Ngɔndɔ ka divwa 15

Osambo 94

Min. 10: Waewoyelo. Waewoyelo w’oma lo Olimu aso wa Diolelo.

Min. 20: Kakɔna kakatasale ɔnɔnyi wetshi? Sawo ndo ɔkɛtshanyelo l’ampokami oma le omendji w’olimu kana ekumanyi kekina kakoka. Vusola olimu wakakambe etshumanelo l’ɔnɔnyi w’olimu wetshi, dja dikako vɔlɛ l’akambo w’ɔlɔlɔ wakatasale. Andola etshumanelo l’awui w’ɛlɔlɔ wakawasale. Talɔngɔsɔdi la ntondo dia opandjudi ɔtɔi kana ahende mbuta awui wakeketsha wakahomana la wɔ. Ta dui ɔtɔi kana ahende wakoka etshumanelo nyomodja yimba l’ɔnɔnyi w’olimu w’oyoyo ndo woho wakokawɔ ndjalowanya l’awui akɔ.

Min. 15: Ngande wakokami mamɛ dietawɔ diami di’ɔnɛ diangɔ tshɛ diakatongama? Sawo diɔsami oma l’awui wele l’ekanda wambotombaka. Lɔmba ampokami dia vɔ mbuta woho wakawamɛ dietawɔ diawɔ di’ɔnɛ diangɔ tshɛ diakatongama la kalasa, l’olimu ndo l’ahole akina. Wɛ mbeyaka talɔngɔsɔdi la ntondo dia kɔnya onto ɔtɔi kana ahende.

Osambo 51

Lomingu la Ngɔndɔ ka divwa 22

Osambo 104

Min. 10: Waewoyelo. Adia alapɔlɔ wa kɔntɛ ndo mikanda wa eokelo ka losaka. Nyɔkɛtshanya mukanda w’oma le biro wele lo lɛkɛ 1.

Min. 20: Olimu anyu wekɔ la difuto. Sawɔ diɔsami oma lo Tshoto y’Etangelo ya Ngɔndɔ ka nɛi 15, 2005, oma lo lɛkɛ 28, odingɔ 6, polo l’ekomelo ka lɛkɛ 29, lo Falase. Kɔnya lo tshena pe opandjudi ɔtɔi kana ahende wele l’ohetoheto dia vɔ mbuta woho wakâkotshɛ Jehowa ehomba awɔ wa l’emunyi kana ekina.

Min. 15: Toyalɔngɔsɔlɛ dia mbisha anto Tshoto y’Etangelo ya Ngɔndɔ ka dikumi 1 ndo Réveillez-vous ! wa Ngɔndɔ ka dikumi. L’ɔkɔngɔ wa wɛ mbisha kanyi ya lo tshena pe y’awui wele lo periodikɛ, lɔmba ampokami dia vɔ mbuta asawo akɔna wakoka ngɛnyangɛnya anto wa l’ɛtshi kanyu ka nkɛtɛ. Ambola kana avɛsa akɔna wakoka kamba lawɔ dia mbɔtshiya asawo akɔ? Ɛnya woho wakokanyu kamba la mbɔtwɛlɔ ka wɔdu kele l’Olimu aso wa Diolelo. Ekumanyi kɛmɔtshi asale wɛnyɛlɔ wa lo tshena pe wa mbɔtwɛlɔ kakandalɔngɔsɔla ka sawo dimɔtshi diɔtɔnɛ l’ɛtshi kanyu ka nkɛtɛ.

Osambo 190

Lomingu la Ngɔndɔ ka divwa 29

Osambo 45

Min. 10: Waewoyelo. Ohola apandjudi dia vɔ kimɔ alapɔlɔ awɔ wa Ngɔndɔ ka divwa. Talɔngɔsɔdi la ntondo dia kɔnya opandjudi ɔtɔi kana ahende dia vɔ mbuta awui wakeketsha wakahomana lawɔ etena kakawasambishaka lo tshakitudi lo kɛnɛ kendana la losanganya la distrikɛ, lo nshi ya vakashi kana lo waaso akina.

Min. 15: Ehomba wa l’etshumanelo.

Min. 20: “Okahanyelo wa lânde wa traktɛ wayosalema tatɛ Ngɔndɔ ka 10, 20 polo Ngɔndɔ ka 11, 16!”a Naka nyambolongola traktɛ kakɔ, kete nyosha ompokami tshɛ traktɛ kɛmɔtshi. Vusola lo tshena pe awui wele lo traktɛ etena kasɛdingolanyu odingɔ 2. Etena kasɛdingolanyu odingɔ 4, ɛnya woho wakokaso kisha anto. Etena kasɛdingolanyu odingɔ 5, nyosale wɛnyɛlɔ wele opandjudi ɔmɔtshi ekɔ lo kamba la traktɛ kakɔ dia tatɛ wekelo wa Bible etena kasalande wendelo w’oyoyo.

Osambo 9

Lomingu la Ngɔndɔ ka dikumi 6

Osambo 15

Min. 10: Waewoyelo.

Min. 15: Ekadimwelo lo ambola anyu. Ɔkɛtshanyelo l’ampokami. Dja ndo kɔmatɛrɛ y’oma lo Tshoto y’Etangelo ya Ngɔndɔ k’esambele 1, 2005, lɛkɛ 14-16, odingɔ 10-16.

Min. 20: “Tetsha anto akina dia vɔ mboka Jehowa ngandji.”b Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.

Osambo 132

[Nɔte ka l’ɛse ka dikatshi]