Waewoyelo

◼ Ekanda wayotosha anto Ngɔndɔ ka tanu: Tshoto y’Etangelo la Réveillez-vous ! Etena kakalolanyu dia tenda anto wakɛnya nsaki, mbidja ndo wanɛ wakaye lo Eohwelo kana l’awui akina wakalɔngɔsɔla etshumanelo koko watonge l’atei w’okongamelo, nyotshe tshɛ dia mbasha dibuku Bible etshatɔ mɛtɛ? l’oyango wa tatɛ mbeka la wɔ Bible l’ekimanyielo ka dibuku sɔ. Ngɔndɔ ka samalo: Bible etshatɔ mɛtɛ? Naka ampokami wamboshila nongola dibuku diakɔ, kete apandjudi mbeyaka mbasha dibuku tshɛ di’edjedja diele la ndjɛkɛ 192 diambotatɛ ndana kulɛrɛ kana diakatombe la ntondo ka 1992.

◼ Etena tshɛ kalanga onto mɛngɔla ko nde nangaka tɔtɔ lo nsanganya ya l’etshumanelo kana ya weke lo wodja okina, nde koka mimbola datɛ, wonya ndo dihole le Bɛtɛlɛ kenda wodja akɔ. Adrɛsɛ wa Bɛtɛlɛ tshɛ wekɔ lo lɛkɛ l’ekomelo l’Annuaire weke katomba.

◼ Nyu mbeyaka tshikitanya ekongelo kanyu ka nsanganya ya lomingu la la ntondo ka nyu mbɔtɔ lo Losanganya la distrikɛ lele l’ɔtɛ a dui ɔnɛ: ‘Nyotetemale sungukala!’ dia nyu mvusola alako ndo waohwelo wendana la woho wa mbɔtɔ lo losanganya lakɔ. Ngɔndɔ ɔtɔi kana hiende l’ɔkɔngɔ wa Losanganya lanyu la distrikɛ, nyu mbeyaka kamba la etenyi ka ehomba wa l’etshumanelo dia mvusola awui w’ohomba w’oma lo Losanganya la distrikɛ wakɛnyi apandjudi dia wayowakimanyiya l’olimu w’esambishelo.