Ekongelo ka lomingu la Ngɔndɔ k’enanɛi 11
LOMINGU LA NGƆNDƆ K’ENANƐI 11
Osambo 71 ndo dɔmbɛlɔ
□ Wekelo wa Bible wa l’etshumanelo:
cl tshap. 11 od. 9-16 (Min. 30)
□ Kalasa k’olimu wa teokrasi:
Wadielo wa Bible: Walelu 7-9 (Min. 10)
No. 1: Walelu 9:9-23 (Min. 4 kana lɛsɛ)
No. 2: Aha naka onto amboshimbamɛ, kete amboshimbamɛ lo pondjo—rs-F lɛkɛ 356 od. 3-6 (Min. 5)
No. 3: Akana (Akân)—Mbiva Nzambi mbelaka etombelo wa kɔlɔ efula—it-1-F lɛkɛ 70 (Min. 5)
□ Losanganya l’olimu:
Min. 5: “1914-2014: Ɛnɔnyi lokama wambɔlɔmbɔla Diolelo diaki Nzambi” Ɔkɛtshanyelo. Lɔmba onto dia mbadia odingɔ wele lo mbɔtwɛlɔ ka lo lɛkɛ lɔnɛ. Asawo wa lo Losanganya l’olimu wa lo ngɔndɔ kɛnɛ wayoka epole ɔsɛkɛ l’awui wa Diolelo. Ewoya tɛdikɔ tambɔsama lo dikambo di’esambishelo l’etshumanelo kanyu.
Min. 10: “Tokambe la traktɛ k’oyoyo ka sitɛ kaso k’Ɛtɛrnɛtɛ.” Nyɔkɛtshanya awui wele lo traktɛ kɛsɔ. Sala wɛnyɛlɔ wɛnya woho wakaha opandjudi traktɛ ndo wakambande la telefɔnɛ kande kana la ehomɔ kekina dia mɛnya ompokami ande woho wa mbɔtɔ lo jw.org.
Min. 15: “Tolowanya akoka aso wa nsambisha—Lo nsambisha awui wendana la Diolelo aha la wɔma.” Ɔkɛtshanyelo. Kamba l’apandjudi ahende dia nsala kɛnyɔ nyɛ: Opandjudi ɔmɔ ekɔ l’ɔnɔngɔ lo makashinyi ɔmɔ. Onto ɔmɔ lele l’omamu ande ekɔ lo menda awui wakawafundji lo jurnalɛ ndo ambota ate: “Andja ɔnɛ wambolana mɛtɛ. Anto tshɛ fɔnyaka di’akambo koka nɔngɔsɔma, koko akambo wekɔ lo taleke ndana tsho.” Opandjudi ekɔ lo ndjatɛkɛtɛ ndamɛ ate: ‘Dimi pombaka mbotɛ dui dimɔ diendana la Diolelo aha la mboka wɔma.’ Opandjudi ambowotɛ ate: “Dimi mbeyaka nsango efula ya kɔlɔ. Ko onde dimi koka kosha traktɛ kɛnɛ? Sitɛ k’Ɛtɛrnɛtɛ katɛkɛtawɔ lo traktɛ kɛnɛ kambokimanyiya efula dia dimi ntana ekadimwelo lo ambola w’ohomba wa lo lɔsɛnɔ.” Opandjudi amboka epole ɔsɛkɛ lo dui dimɔ dia lo traktɛ ndo ompokami ande ambɛnya nsaki.
Osambo 92 ndo dɔmbɛlɔ