Onde wɛ hakoke mpemba kaanga ɔnɔnyi ɔtɔi?

Mpemba dia nsala na? Dia monga ombatshi mboka wa pondjo! Ande ɛtshɔkɔ efula wayoyokondja lee!​—Tu 10:22.

LO MONGA OMBATSHI MBOKA, WƐ KOKA . . .

• monga la diewo oko osambisha ndo wɛ ayoleka ngɛnangɛna olimu w’esambishelo

• nkeketsha diɔtɔnganelo diasayɛ la Jehowa. Lo yɛdikɔ yayoyotalekaka mbutɛ anto akina akambo wendana la nde, mbayoyotalekaka mbohɔ waonga ande wa diambo

• mboka ɔlɔ waya lo mbetsha wahɔ wa Diolelo la ntondo k’akambo ayɛ hita ndo wɛ ayonga la ɔngɛnɔngɛnɔ waya lo ndjakimɔ lo wahɔ w’anto akina.​—Mat 6:33; Ets 20:35

• mbɔtɔ lo losanganya lasalema lo wembwelo w’omendji w’otshimbedi, lo losanganya la laande lasalema la ntondo ka losanganya l’otshimbedi ndo lo Kalasa k’ambatshi mboka

• nkondja waaso efula wa ntatɛ ndo nɔmbɔla wekelo wa Bible

• mbetshaka wenya efula kaamɛ l’asekayɛ apandjudi ndo keketshana.​—Rɔm 1:11, 12