Onde wɛ ndjadimanyiyaka wɛmɛ?

Koka monga dui dia wolo dia shoamɛ ndjadimanyiya pɛkato yaso yakete yele Jehowa amboshilaka la todimanyiya. Dikambo sɔ diakasɛdingwama lo Losanganya la rɛjɔ la lo 2016 laki l’ɔtɛ a dui ɔnɛ: “Totshikale la kɔlamelo le Jehowa!” l’ekimanyielo ka sawo ndo vidɛo. Nyokambe la JW Library app dia nyomenda vidɛo nyɛ nto ndo oma laasɔ, nyokadimole lo ambola wayela anɛ:

• Edja ka ngande kakatshanyema Sonja?

• Divɛsa diakɔna diakakane dikumanyi la Sonja yimba, ndo ngande wakadiokimanyiya?

• Ngande wakasalɛ etshumanelo Sonja akambo etena kakandakaloyama?

• Nsaki yakɔna yakalɔshanaka la Sonja ndo ngande wakokimanyiya papa kande?