Rɛferansɛ wa lo Dikatshi dia losanganya la Lɔsɛnɔ ndo olimu aso

NGƆNDƆ K’ENANƐI 5-11

AKAMBO W’OHOMBA W’OMA L’ƆTƐKƐTA WA NZAMBI | 2 TIMƆTE 1-4

“Nzambi kotosha nyuma katetɛ ɛhɔdu”

w09 5/15 15 od. 9

Ɛlɔngɔlɔngɔ la esekaseka, ohamelo anyu wɛname lo sɛkɛ

w03 3/1 22 od. 7

‘Nyonge la dihonga ndo nyokeketale!’

⁷ Lam’akandafundɛka Timɔtɛ, Paulo akate ate: “Ne dia Nzambi kuntusha utema a woma, keli ndi akatusha utema a wulu . . . Okone [ta]tukaki sonyi dia mvuta akambu wa khumesu.” (2 Timote 1:7, 8; Mako 8:38) Lam’adiaso ɛtɛkɛta ɛsɔ, sho koka ndjambola ɔnɛ: ‘Onde dimi mbokaka akambo wetawɔmi sɔnyi, kana onde dimi lekɔ la dihonga? Lo dihole diakambami olimu (kana la kalasa), onde dimi mbewoyaka asekami dia lekɔ Ɔmɛnyi wa Jehowa, kana onde dimi mbishɛka dikambo sɔ? Onde dimi mbokaka sɔnyi dia monga la yoho ya lɔsɛnɔ yotshikitanyi l’anto akina, kana onde dimi ngɛnangɛnaka tshikitana la wɔ l’ɔtɛ wa diɔtɔnganelo diele lam’asami la Jehowa?’ Naka onto ɔmɔtshi ekɔ lo mboka wɔma dia sambisha lokomu l’ɔlɔlɔ kana mbetawɔ akambo wele anto efula hawângɛnangɛna, kete nde la dia mbohɔ dako diakasha Jehowa Jashua ate: “Ukikitali, uyali la dihunga.” Tatohɛke pondjo di’aha kanyi yaki asekaso wa l’olimu kana wa la kalasa mbele ohomba, koko woho watɔsa Jehowa nde la Yeso Kristo.​—Ngalatiya 1:10.

Toyange diangɔ di’oshinga wolo dia lo nyuma

w17.07 10 od. 13

Toyange ekundji wa mɛtɛ

¹³ Timɔte aki pami kaki la mbetawɔ. L’ɔkɔngɔ wa mbelɛ Timɔte ɔnɛ “ɔsɔlayi w’ɔlɔlɔ wa Kristo Yeso,” Pɔɔlɔ akawotɛ ate: “Ndooko onto lele ɔsɔlayi layasha l’awui w’okanda wa lo lɔsɛnɔ, dia nde mbetawɔma le ɔnɛ lakawodje l’olimu w’ɔsɔlayi.” (2 Tim. 2:3, 4) Ɛlɔ kɛnɛ ambeki wa Yeso, mbidja ndo ekambi wa lo tena tshɛ ndekana miliyɔ ɔtɔi wekɔ lo nsala la wolo dia nkitanyiya dako dia Pɔɔlɔ sɔ. Vɔ tonaka dia ndjela piblisite ya l’andja ɔnɛ wa lokaki. Vɔ mbohɔka tɔndɔ diata ɔnɛ: “Ɔsɔmbi ekɔ mfumbe k’ɔsɔndjanyi.” (Tok. 22:7) Satana nangaka dia sho mbetsha wenya ndo wolo aso tshɛ dia salaka okanda wa l’andja ande. Anto amɔtshi sɔmbaka falanga y’efula dia nsomba nkombo ya weke, mituka w’eshinga wolo, dia mbɔtɔ kalasa y’etale kana dia nsala diwala dia kawotake. Naka hatongi la shɛnɔdi, kete sho koka ndjonga la dibasa l’edja k’ɛnɔnyi efula. Sho mɛnyaka dia tekɔ la lomba l’oshika etena ketɛso lɔsɛnɔ laso ɔsɛlɛngɛ, kewɔso abasa ndo kewɔso tshupa falanga otshupatshupa. Nsala ngasɔ ayotosha diaaso dia kambɛ Nzambi lo dihole dia monga mfumbe k’awui w’okanda wa nshi nyɛ.​—1 Tim. 6:10.

w14 7/15 14 od. 10

Ekambi waki Jehowa ‘tshikaka akambo wa kɔlɔ’

¹⁰ Ɛlɔ kɛnɛ, wetshelo w’apɔstazi hawoyoleka tanema l’etshumanelo. Etena katanemaso la ntondo ka wetshelo ɛmɔtshi wahatumbi oma lo Bible oyadi oma lende otumbiwɔ, sho pombaka mbaatona la wolo tshɛ. Ayonga dui di’enginya naka sho ntatɛ mbidjana la waa apɔsta taamu okoko l’okoko, lo mesajɛ wa l’Ɛtɛrnɛtɛ kana lo toho tokina. Oyadi oyango aso ekɔ wa mbakimanyiya, naka sho sawolaka l’anto wa ngasɔ, kete tambɔnyɔla Nzambi. Lo dihole dia sho nsala ngasɔ, sho pombaka ntona ndo mbewɔ wetshelo w’apɔstazi.

NGƆNDƆ K’ENANƐI 12-18

AKAMBO W’OHOMBA W’OMA L’ƆTƐKƐTA WA NZAMBI | TITO 1–FILƐMƆNA

“Nsɔna dikumanyi”

w14 11/15 28-29

Ambola w’oma le ambadi

Kaanga mbele Afundelo hawolembetshiya tshɛ lo tshɛ woho wakayosalemaka ɛsɔnwɛlɔ oma laasɔ, tekɔ la bɛnyɛlɔ diɛnya woho wakayosalemaka dui sɔ. Bible mbutaka dia etena kakayakawolaka Pɔɔlɔ nde la Barnabasɛ oma lo lɔkɛndɔ lawɔ la ntondo la misiɔnɛrɛ “vɔ wakasɔnɛ dikumanyi lo etshumanelo tshɛ ndo wakasale dɔmbɛlɔ kaamɛ la ekilelo ka mbo ya ndɛ ko wakaakitsha l’anya wa Jehowa, ɔnɛ lakawakome ambetawudi ande.” (Ets. 14:23) Ɛnɔnyi efula l’ɔkɔngɔ, Pɔɔlɔ akafundɛ Tito lakatawotshindɛka lo lɔkɛndɔ ɔnɛ: “Dimi lakakotshike la Kɛrɛtɛ dia wɛ nɔngɔsɔla akambo waki kɔkɛndakɛndaka dimɛna ndo dia nsɔna dikumanyi l’osomba la osomba oko wakamakotɛ.” (Tito 1:5) Mɛnamaka dia Timɔte ɔnɛ laketeta efula nde l’ɔpɔstɔlɔ Pɔɔlɔ, akalongola nde la wɔ ɔkɛndɛ akɔ waamɛ. (1 Tim. 5:22) Mbokɛmaka hwe dia oma laasɔ, emendji w’eteta mbakayotatɛ nsala ɛsɔnwɛlɔ koko aha apɔstɔlɔ kana dikumanyi diaki la Jɛrusalɛma.

La kanyi y’oma lo Bible shɔ lo yimba, Olui-walɔmbɔla w’Ɛmɛnyi wa Jehowa ambosala etshikitanu lo woho wasalema ɔsɔnwɛlɔ wa dikumanyi ndo ekambi wakimanyiya. Ntatɛ oma lo Ngɔndɔ ka divwa 1, 2014, ɛsɔnwɛlɔ ɛsɔ wayosalemaka lo yoho nyɛ: Omendji w’otshimbedi tshɛ ayɔsɛdingolaka la yambalo tshɛ elowelo wayosalemaka l’otshimbedi ande. Etena kayondembolaka etshumanelo, nde ayosalaka la wolo dia mbeya dimɛna wanɛ wambolowɔma lo nsambisha kaamɛ lawɔ naka kokaka. L’ɔkɔngɔ wa nde nkɛtshanya la olui wa dikumanyi, omendji w’otshimbedi mbele l’ɔkɛndɛ wa nsɔna dikumanyi ndo ekambi wakimanyiya lo tshumanelo dia l’otshimbedi ande. Lo nsala ngasɔ, akambo wayosalemaka oko akawasalemaka lo ntambe ka ntondo.

Waa na wendana la ɔkɛndɛ w’ɔsɔnwɛlɔ? Oko wokodiosalemaka, “ɔhɔmbɔ wa kɔlamelo ndo kɛsɔ” mbele la ɔkɛndɛ wa ntondo wa ndesha anto wa lo luudu laki Nzambi. (Mat. 24:45-47) Dui sɔ mendanaka ndo la nsala eyangelo lo Afundelo l’ekimanyielo ka nyuma k’ekila, l’oyango wa mbisha ɛlɔmbwɛlɔ ka shikaa lo woho wahomba anto nkamba l’atɔndɔ wa lo Bible ndo dui sɔ diekɔ la shɛngiya lo woho wokongɛmi etshumanelo ka l’andja w’otondo. Laadiko dia laasɔ, ɔhɔmbɔ wa kɔlamelo sɔnaka emendji w’etshimbedi ndo ase kɔmite ya filialɛ. Lo wedi awɔ, ase kɔmite ya filialɛ mbishaka ekimanyielo ka shikaa lo woho wayelawɔ ɛlɔmbwɛlɔ kashama. Elui wa dikumanyi wekɔ l’ɔkɛndɛ wa nsɛndingola la yambalo tshɛ dia mbeya kana ɔnangɛso layangawɔ ndowola ekɔ lo nkotsha kɛnɛ kalɔmbama l’Afundelo. Omendji w’otshimbedi tshɛ ekɔ l’ɔkɛndɛ wa woke wa mbidja lo dɔmbɛlɔ ndo nsɛdingola la yambalo tshɛ olowelo wasala dikumanyi, oma laasɔ ko nde ndjɔsɔna apami wakotsha kɛnɛ kalɔmbama.

Toyange diangɔ di’oshinga wolo dia lo nyuma

w89-F 15/5 31 od. 5

Ambola w’oma le ambadi

Ɔpɔstɔlɔ Pɔɔlɔ kokanɛka ase Kɛrɛtɛ kɔlɔ l’ɔtɛ wa lokoho la wɔ la demba kana lo dioho diawɔ. Sho mbutaka ngasɔ nɛ dia, Pɔɔlɔ akeyaka dia Akristo waketawɔma oma le Nzambi ndo wakakitama nyuma k’Ekila waki la Kɛrɛtɛ. (Ets 2:5, 11, 33) Akristo waki l’ohetoheto ndo wakakokaka nkenga tshumanelo ‘l’osomba l’osomba’ wakikɔ. Kaanga mbaki Akristo asɔ komonga kokele, sho koka monga l’eshikikelo dia vɔ komonga akanga wa kashi ndo akanga wa nɛndɛ weya paka dia ndeshi to; otondongaka waki ngasɔ, tshike totowotetemala mbetawɔma oma le Jehowa. (Flp 3:18, 19; Ɛny 21:8) Ndo oko wele lo wedja efula ɛlɔ kɛnɛ, ondo la Kɛrɛtɛ anto waki la losembwe ndo wakanyangaka l’ɔtɛ w’awui wa kɔlɔ wakasalaka anto wakaadinge ndo waki suke dia mbetawɔ losango l’Akristo.​—Ɛzk 9:4; ɛdika la Ets 13:48.

w08 10/15 31 od. 4

Akambo w’ohomba w’oma lo mukanda wa Tito, Filɛmɔna ndo Hɛbɛru

15, 16​—Lande na kaki Paulo kɔnɔmba Filɛmɔna dia nde mbisha Ɔnɛsimɔ lotshungɔ? Paulo akakombolaka ndeka ndjasha l’ɔkɛndɛ ande wa ‘sambisha diolelo diaki Nzambi ndo mbetsha akambo wendana la Nkumɛso Yeso Kristo.’ Omalɔkɔ, nde akasɔnɛ diaha ndjasha l’awui wa lo tshunda wele oko awui wendana la lɔhɔmbɔ.​—Ets 28:31.

NGƆNDƆ K’ENANƐI 19-25

AKAMBO W’OHOMBA W’OMA L’ƆTƐKƐTA WA NZAMBI | HƐBƐRU 1-3

“Tolange losembwe ndo tohetsha akambo wa kɔlɔ”

w14 2/15 5 od. 8

Totombole Kristo lele Nkumekanga ka lotombo!

⁸ Lo 1914, Jehowa aketɛ Ɔnande Nkumekanga l’olongo. ‘Danga dia Diolelo diande diekɔ danga dia losembwe,’ diakɔ diele, ndooko onyake losembwe ndo wɔladi wayonga lo ɛlɔmbwɛlɔ kande. Nde kokaka nongola lowandji nɛ dia ‘Nzambi mbele kiti kande ka lowandji,’ mbuta ate Jehowa mbele ehikamelo ka Diolelo diande. Ndo nto, kiti ka Yeso kayotshikalaka “pondjo pondjo.” Onde wɛ hangɛnangɛna kambɛ Jehowa l’ɛse ka lowandji la Nkumekanga kakandasɔnɛ kɛsɔ?

w14 2/15 4-5 od. 7

Totombole Kristo lele Nkumekanga ka lotombo!

⁷ Adia Osambu 45:6, 7. Lam’ele Yeso aki la ngandji k’efula k’akambo wosembwe ndo akahetshaka dui tshɛ diakakoke mɔnyɔla She, Jehowa akɔɔsɔnɛ oko Nkumekanga ka Diolelo. Yeso akakitama “iso k’ongenongeno” oleki ‘asekande,’ mbuta ate nkumi ya dikanga ya lo dioho dia Juda l’ɔlɔndji wa Davidɛ. Lo woho akɔna? Ɔkɔkɔ wa ntondo ele, Yeso akasɔnama oma le Jehowa ndamɛ. Laadiko dia laasɔ, Jehowa akookite esɔ oko Nkumekanga ndo oko Ɔlɔmbɛdi wa laadiko. (Osa. 2:2; Hɛb. 5:5, 6) Ndo nto, Yeso kokitama esɔ k’esɔ, koko nyuma k’ekila ndo lowandji lande keema la la nkɛtɛ koko la l’olongo.

Toyange diangɔ di’oshinga wolo dia lo nyuma

it-1-F 1170 od. 4

Efanelo

Onde mbala tshɛ mbakakɛnɛmɔlaka Yeso lonto la She tshɛ lo tshɛ?

Ɔna Nzambi l’enondo, lakayelamɛka Yeso, mbele efanelo ka She (2Kɔ 4:4). Nɛ dia lo dikambo dia Ɔna ɔsɔ mbakate Nzambi ɔnɛ: “Tosale onto lo efanelo kaso,” kɛsɔ mɛnyaka dia vɔ wakafɔnaka oma ko etena kakatongama Ɔna. (Eta 1:26; Jni 1:1-3; Kɔl 1:15, 16) Etena kakinde la nkɛtɛ oko onto la kokele, Yeso akakɛnɛmɔla waonga ndo lonto la She lo yoho ya kokele lo yoho yahakoke onto nkɛnɛmɔla, ɔnkɔnɛ nde akakoke mbuta ɔnɛ: “Onto tshɛ lambɔmɛna ambɛna ndo Papa.” (Jni 14:9; 5:17, 19, 30, 36; 8:28, 38, 42) Dui sɔ diakaleke nkeketala etena kakolɔ Yeso dia tɔsɛna lɔsɛnɔ la lo nyuma ndo kakawosha Jehowa Nzambi ɔnɛ laki She “lowandji tshɛ l’olongo ndo la nkɛtɛ.” (1Pe 3:18; Mat 28:18) Lam’ele Nzambi akadiya Yeso “lo dihole dia laadiko,” Ɔna Nzambi akakɛnɛmɔla lotombo ya She ndeka ndo yoho yakandakɛnɛmɔla ntondo ka nde nkalola oma l’olongo oya la nkɛtɛ. (Flp 2:9; Hɛb 2:9) L’etena kɛnɛ nde “mbaleka mfɔna tshɛ lo tshɛ la lonto lande.”​—Hɛb 1:2-4.

it-1-F 478 od. 1

Olongo

Ɛtɛkɛta wa l’Osambo 102:25, 26 mendanaka la Jehowa Nzambi, koko ɔpɔstɔlɔ Pɔɔlɔ akayoshilaka ɛtɛkɛta akɔ lo ntɛkɛta dikambo dia Yeso Kristo, nɛ dia Nzambi akakambe la Ɔnande ɛtɔi lakandote dia ntonga andja wɛnama. Pɔɔlɔ akɛnya otshikitanu wele lam’asa woho watshikala Ɔna Nzambi pondjo la etongelo kɛnama kakoka Jehowa ‘mɔmba oko dihɔndɔ dia nkomba tshitshi,’ ko l’ɔkɔngɔ nde kikitsha l’omamu.​—Hɛb 1:1, 2, 8, 10-12; ɛdika la 1Pe 2:3, nɔtɛ.

NGƆNDƆ K’ENANƐI 26–NGƆNDƆ KA DIVWA 1

TOYANGE DIANGƆ DI’OSHINGA WOLO | HƐBƐRU 4-6

“Sala tshɛ kakokayɛ nsala dia mbɔtɔ lo momuya ka Nzambi”

w11 7/15 24-25 od. 3-5

Momuya kaki Nzambi kɛdikɛdi na?

w11 7/15 25 od. 6

Momuya kaki Nzambi kɛdikɛdi na?

w11 7/15 27-28 od. 16-17

Momuya kaki Nzambi kɛdikɛdi na?

Toyange diangɔ di’oshinga wolo dia lo nyuma

w16.09 32

Ambola w’oma le ambadi

Ele “ɔtɛkɛta wa Nzambi” wata Hɛbɛru 4:12 ɔnɛ “wekɔ la lɔsɛnɔ ndo la wolo”?

▪ Awui wodingi divɛsa nɛ tokimanyiyaka dia nshihodia ɔnɛ Pɔɔlɔ akatɛkɛtaka dikambo dia losango laki Nzambi lendana la sangwelo diande, oko walitanaso lo Bible.

Mbala efula sho shilaka Hɛbɛru 4:12 l’ekanda aso dia mɛnya ɔnɛ Bible ekɔ la wolo wa ntshikitanya nsɛnɔ y’anto, ndo ngasɔ mbediɔ. Koko, ekɔ nto ɔlɔlɔ nshihodia kɛnɛ kakalangaka Pɔɔlɔ mbuta etena kakandafunde ɛtɛkɛta wa lo Hɛbɛru 4:12. Nde aki lo nkeketsha Akristo w’ase Hɛbɛru dia nsala akambo lo yoho yɔtɔnɛ la asangwelo waki Nzambi. Efula k’asangwelo asɔ wakatanemaka lo efundelo w’ekila. Pɔɔlɔ akakambe la ɛnyɛlɔ k’ase Isariyɛlɛ wele Nzambi akaatshungola oma l’Edjibito. Vɔ waki la elongamelo ka mbɔtɔ lo “wodja wakɛlanɛ abɛlɛ la osanga” wakawalake, lɛnɛ akawahombe tonga la momuya mɛtɛ.​—Etombelo 3:8; Eohwelo k’Ɛlɛmbɛ 12:9, 10.

Ɔsɔ aki sangwelo dia Nzambi. Koko ase Isariyɛlɛ wakatone ɛlɔmbwɛlɔ kaki Jehowa ndo vɔ komonga la mbetawɔ, ɔnkɔnɛ efula kawɔ kɔmbɔtɔ lo momuya kɛsɔ. (Walelo 14:30; Jashua 14:6-10) Koko Pɔɔlɔ akakotsha dia ‘daka dimɔtshi diendana la wɔtwɛlɔ wa lo momuya ka Nzambi’ diekekɔ. (Hɛbɛru 3:16-19; 4:1) ‘Daka’ sɔ diekɔ mɛtɛ etenyi ka kɛnɛ kakashola Nzambi lo dikambo dia sangwelo diande. L’ɛnyɛlɔ k’Akristo w’ase Hɛbɛru, sho kokaka mbadia awui wendana la sangwelo sɔ ndo nsala awui lo yoho yɔtɔnɛ la diɔ. Dia ntɔtɔmiya ɔnɛ daka sɔ mpikama lo Afundelo, Pɔɔlɔ akashile awui wa lo Etatelo 2:2 ndo Osambo 95:11.

Etema aso minandemaka dia mbeya ɔnɛ ‘daka diendana la wɔtwɛlɔ wa lo momuya ka Nzambi diekekɔ.’ Tekɔ l’eshikikelo dia kɛnɛ ketsha Bible lo kɛnɛ kendana la mbɔtɔ lo momuya ka Nzambi kokaka salema ndo tamboshila ntakola wanya dia mbɔtɔ lo momuya kɛsɔ. Hatosale dikambo sɔ lo ndjela Ɛlɛmbɛ wa Mɔsɛ kana lo nsala akambo w’ɔlɔlɔ paka dia mbetawɔma le Nzambi. Koko l’ɔtɛ wa mbetawɔ kaso le Nzambi, sho salaka akambo lo yoho yɔtɔnɛ la sangwelo diande ndo sho tetemalaka nsala ngasɔ. Nunu di’anto wa l’andja w’otondo wakatatɛ mbeka Bible ndo kɛnɛ kakashola Nzambi lo dikambo dia sangwelo diande. Dui sɔ diakatshutshuya efula ka l’atei awɔ dia ntshikitanya yoho yawɔ ya lɔsɛnɔ ndo dia batizama. Etshikitanu wakawasale mɛnyaka hwe dia “ɔtɛkɛta wa Nzambi wekɔ la lɔsɛnɔ ndo la wolo.” Kɛnɛ kakashola Nzambi lo Bible lo dikambo dia sangwelo diande kamboshila monga la shɛngiya lo lɔsɛnɔ laso ndo kayotetemala monga la wolo lo lɔsɛnɔ laso.

it-1-F 799 od. 7

Elongamelo

Elongamelo ka lɔsɛnɔ la pondjo kɛsɔ ndo ka demba diahahɔndɛ kekɔ dikambo dia “wanɛ wakalongola leeta l’otsha l’olongo,” (Hɛb 3:1) tɔ kekɔ ehikamelo ka shikaa ndo ɛngɔ kahombawɔ ndjaɛkɛ lɔkɔ. Tɔ sukamɛ lo awui ahende, dui dia ntondo ele ɔnɛ: Nzambi hakoke mbuta kashi djekoleko lo etshibelo kande ndo daka diande. Dui dia hende ele elongamelo kohikami le Kristo lele la lɔsɛnɔ lahavu wonya ɔnɛ l’olongo. Diakɔ diele elongamelo kɛsɔ mbɔsamaka “oko longo la masuwa le anima, hasukasuka ndo tɔ mbɔtɔka polo l’etei ka dihɔndɔ di’okombɔ, [oko wakɔtɔka ɔlɔmbɛdi a laadiko lo dihole dioleki Ekila Lushi l’Ekombelo ka pɛkato] lɛnɛ akɔtɔ Yeso, ombetshi ntondo dia wahɔ aso ndo nde akakome ɔlɔmbɛdi a laadiko wele oko Mɛlɛkisɛdɛkɛ pondjo pondjo.”​—Hɛb 6:17-20.