Onga oko Yɔsɛfu​—Tolawɔ awui wa mindo

Yɔsɛfu toshaka ɛnyɛlɔ ka dimɛna naka tambohembama dia ndjakimɔ l’awui wa mindo wa dieyanelo. Mbala tshɛ kakohembaka wadi aki nkumɛnde dia mbɔkɔsha, nde akatonaka. (Eta 39:7-10) Nde akakadimolaka ate: “Ngande wakokami nsala kɔlɔ ka woke kɛsɔ ndo salɛ Nzambi pɛkato?” Lo nkadimola ngasɔ, nde akɛnya dia le Jehowa kɔlamelo yele lam’asa anto wambotshukana yekɔ ohomba efula. Oma laasɔ, lam’akatshu awui otsha lo kɔlɔ, nde akalawɔ, lo dihole dia nde ntshikala laawɔ ko ndjosha womoto ɔsɔ diaaso dia ntɛwɔla yɛdikɔ yande.​—Eta 39:12; 1Kɔ 6:18.

NYENDE VIDƐO YELE L’ƆTƐ A DUI ƆNƐ: TOLAWƆ AWUI WA MINDO NDO OMA LAASƆ, NYOKADIMOLE LO AMBOLA WAYELA ANƐ:

• 

  Dikambo diakɔna diakahomana la Jin?

• 

  Naa dimbola diatshutshuya onto dia monga la shɛnɔdi diakayaoke Jin etena kakɔlɔmbɛ Mee-Kyong dia mbokimanyiya la devɔara dia akumi?

• Kɛnɛ kakalɔmbɛ Mee-Kyong kakonge la shɛngiya yakɔna le Jin?

• 

  Ngande wakakondja Jin ekimanyielo?

• 

  Kakɔna kakasale Jin dia ndawɔ awui wa mindo?

• Wetshelo akɔna wamboyokondja oma lo vidɛo nyɛ?