Wetshelo akɔna wakokayɛ nkondja oma le Akristo wambokambɛ Jehowa l’edja k’ɛnɔnyi efula?

Lo tshumanelo diaso sho tanaka anangɛso l’akadiyɛso wambokambɛ Jehowa l’edja k’ɛnɔnyi efula. Sho koka nkondja wetshelo oma lo woho wakawayaɛkɛ le Jehowa. Sho koka mbambola awui wendana l’ɔkɔndɔ w’okongamelo wa Jehowa ndo ekakatanu wakahomana lawɔ ndo woho wakaakimanyiya Jehowa dia vɔ ntondoya. Sho mbeyaka mbelɛ ɔmɔtshi la l’atei awɔ dia ndjokahana laso awui wakandahomana lawɔ etena kakambɛnde Jehowa, l’ɔtɛmwɛlɔ aso wa lo nkumbo wa la dikɔlɔ.

Naka wɛ ekɔ Okristo wambokambɛ Jehowa l’edja k’ɛnɔnyi efula, kete onga suke dia mbitɛ Akristo w’ɛlɔngɔlɔngɔ toho takokimanyiya Jehowa. Jakɔbɔ la Yɔsɛfu wakakɔndɔlɛka tokanula tawɔ awui wakaasalɛ Jehowa. (Eta 48:21, 22; 50:24, 25) L’ɔkɔngɔ diko, Jehowa akayotɛka ɛtɛ wa nkumbo dia mbetshaka anawɔ awui wendana l’etsha ande wa diambo. (Eoh 4:9, 10; Os 78:4-7) Lo nshi yaso nyɛ, ambutshi ndo anto akina wa l’etshumanelo kokaka mbitɛ ɛlɔngɔlɔngɔ l’esekaseka awui wa diambo wɛnawɔ Jehowa asala lo tshimbo y’okongamelo ande.

NYENDE VIDƐO YELE L’ƆTƐ A DUI ƆNƐ: TOTETEMALAKE MONGA KAAMƐ ETENA KASHIMBAMA OLIMU ASO NDO OMA LAASƆ, NYOKADIMOLE LO AMBOLA WAYELA ANƐ:

• Ngande wakakimanyiya Bɛtɛlɛ ka l’Autriche anangɛso wa lo wedja ɛmɔtshi wa lɛnɛ akashimbama olimu aso?

• Ngande wakatetemala anangɛso wa lo wedja ɛsɔ nkeketsha mbetawɔ kawɔ?

• Lande na kakakakitɔna apandjudi efula wa la Roumanie l’okongamelo wa Jehowa ndo ngande wakawayokalola?

• Ngande wele awui wakawahomana lawɔ keketshaka mbetawɔ kayɛ?