Tolowanya akoka aso wa nsambisha​—Lo sambishaka lo tshimbo ya kamɛra kana telefɔnɛ ka lo soko dia lokombo

OHOMBA WA DUI SƆ: Lo wedja ɛmɔtshi, oko watahame awui wa ntshulatshula ndo awui wa ngala, anto efula wokitshaka wa kamɛra ndo telefɔnɛ ya lo soko dia lokombo l’oyango wa vɔ mɛnaka anto oma l’etale la ntondo ka vɔ mbɔtɔ. Dui sɔ kimanyiyaka dia vɔ nsawola la angɛndangɛnda aha la mbowawɔtshiya lo lokombo. Sho mbeyaka monga la wɔma dia nsambisha onto lahatɛnyi lokumu l’ɔlɔlɔ koko nde ekɔ lo tɛɛna. Waohwelo wayela anɛ wayotokimanyiya dia sho nsambisha lo tshimbo ya kamɛra kana ya telefɔnɛ ka lo soko dia lokombo l’eshikikelo tshɛ.

WOHO WA NSALA DUI SƆ:

• Ɛna akambo la sso di’ɔlɔlɔ. Ampokami efula wele la waa kamɛra kana telefɔnɛ ka lo soko dia lokombo ngɛnangɛnaka nsawola la so

• Tohɔke dia kamɛra mɔtshi yamboshilaka la kongɛma dia mbɔsa awui kana filimɛ la ntondo ka wɛ bida ngunga ka lo soko ndo mbeyaka monga ko ompokami ekɔ lo kɛɛna ndo ekɔ lo kohokamɛ etena kayayɔtɔ lo lokombo

• Etena ketawɔ ompokami, sawola lo telefɔnɛ ka lo soko dia lokombo kana lo kamɛra oko onto lakatɛkɛtaki lande okoko l’okoko. Mɔnamɔnaka ndo salaka tɔjɛstɛ. Ntɛkɛta awui wakayatakonge dia ndjota otondonga nde akaye lo soko. Naka kamɛra kekɔ, kete tolekake nsukana nsuke la tɔ. Naka ompokami hakadimola, kete totshikɛke mesajɛ

• Oyadi kaanga nyamboshidiya nsawola, ohɔ dia ompokami koka ntetemala keenda etena katayatombe oma lo lokombo lande