Kapanyɛ ka laande kayosalema lo Ngɔndɔ ka dikumi l’ɔtɔi dia mbutɛ anto akambo wendana la Diolelo dia Nzambi

Yeso akewoya “lokumu l’ɔlɔlɔ la Diolelo dia Nzambi.” (Luk 4:43) Nde aketsha nto anto dia nɔmbaka dikambo dia Diolelo sɔ. (Mat 6:9, 10) Lo Ngɔndɔ ka dikumi l’ɔtɔi, tayodja welo wa laande dia mbutɛ anto awui wendana la Diolelo dia Nzambi. (Mat 24:14) Lɔngɔsɔla ekongelo kayɛ dia wɛ ndeka ndjasha lo kapanyɛ kɛsɔ. Wanɛ tshɛ wakamba oko ambatshi mboka wa tshanda mbeyaka nsɔna dia nkimɔ wenya 30- kana 50- walɔmbama lo ngɔndɔ kɛnɛ.

Kahana l’anto efula wa l’ɛtshi kanyu ka nkɛtɛ divɛsa dimɔtshi diatɛkɛta dia Diolelo dia Nzambi naka kokaka. Etena kasɔnayɛ divɛsa dimɔtshi, dja yimba lo kɛnɛ ketshama ampokami ayɛ l’ɔtɛmwɛlɔ awɔ. Naka ompokami ɔmɔtshi ambɛnya nsaki lo wendelo wa ntondo, shande kɔpi ka Tshoto y’Etangelo y’anto tshɛ ya No. 2 2020. Oma laasɔ, lomialomia nsaki k’ompokami aha la tshimbatshimba ndo hemba ntatɛ mbeka la nde Bible lo nkamba l’okanda ɔmɔtshi w’oma lo Dihomɔ diaso dia mbetsha. Keema edja Diolelo dia Nzambi diayominola waolelo tshɛ wadilɔsha. (Dan 2:44; 1Kɔ 15:24, 25) Ɔnkɔnɛ, nyɛsɔ toyasha tshɛ lo diaaso dia laande sɔ dia mɛnya kɔlamelo yaso otsha le Jehowa ndo lo Diolelo diande!