Sɔna angɛnyi ayɛ la lomba

Kɛnɛ kakakomɛ ase Isariyɛlɛ l’oswe wa Mɔaba ekɔ ɛnyɛlɔ k’ɔhɛmwɛlɔ le Akristo. (1Kɔ 10:6, 8, 11) Ase Isariyɛlɛ wakayotatɛka nsala awui wa mindo wa dieyanelo la wamato w’ase Mɔaba wakatɛmɔlaka dikishi ko dui sɔ diakayaakonyaka dia vɔ nsala pɛkato ka woke. Dui sɔ diakawaela mpokoso ka woke. (Wal 25:9) Sho dingama l’asekaso wa l’olimu, asekaso wa la kalasa, asukanyi, ewotɔ ndo anto akina weyaso wele hawɔtɛmɔla Jehowa. Wetshelo akɔna wakokaso nkondja oma l’ɔkɔndɔ w’oma lo Bible ɔnɛ lo kɛnɛ kendana la waale waya naka sho monga la diɔtɔnganelo dia ma ma l’anto asɔ?

NYENDE VIDƐO YELE L’ƆTƐ A DUI ƆNƐ: BƐNYƐLƆ DI’ƆHƐMWƐLƆ DIA LO NSHI YASO NYƐ​—ETENYI, NDO OMA LAASƆ, NYOKADIMOLE LO AMBOLA WAYELA ANƐ:

• 

  Naa ekanelo ka kɔlɔ kaki la Zimiri ndo k’anto akina otsha le Jamina?

• 

  Ngande wakakimanyiya Finehasi Jamina dia mɛna akambo la sso di’ɔlɔlɔ?

• Otshikitanu akɔna wele lam’asa monga ɔngɛnyi la onto lele keema ombetawudi ndo nkoma ɔngɛnyi ande?

• Lande na kahombaso monga la yewo y’efula etena kasɔnaso angɛnyi wa ma ma kaanga l’atei w’etshumanelo?

• Lande na kahombaso mbewɔ mbɔtɔ l’elui w’anto wakamba la réseaux sociaux weso hateye weho w’anto wewɔ?