“Tanyoyakiyanyake pondjo”

Jehowa akakimanyiyaka ase wola wa l’Isariyɛlɛ w’edjedja. Naa toho tɔmɔtshi takimanyiya Jehowa ase wola wele l’atei w’ekambi ande ɛlɔ kɛnɛ?

• Nde tetshaka woho wa monga la yimba ya wɛdimo lo kɛnɛ kendana la falanga.​—Luk 12:15; 1Ti 6:6-8

• Nde tetshaka woho wahombaso ndjaalɛnya.​—Jɔb 34:19

• Nde tetshaka woho wa nkamba wolo ndo mbewɔ mbekelo ya kɔlɔ.​—Tok 14:23; 20:1; 2Kɔ 7:1

• Nde akatela lo nkumbo k’Akristo k’onto l’ɔnango ka dimɛna ndo kokana ngandji.​—Jni 13:35; 1Jn 3:17, 18

• Nde toshaka elongamelo.​—Os 9:18; Isa 65:21-23

Aha la taamu, oyadi weho w’ekakatanu waya la so, bu ohomba sho ndjakiyanya. (Isa 30:15) Jehowa ayokotsha ehomba aso wa l’emunyi etena tshɛ katetemalaso nyanga ntondo ntondo Diolelo diande.​—Mat 6:31-33.

NYENDE VIDƐO YELE L’ƆTƐ A DUI ƆNƐ: NGANDJI HAKOMƐ PONDJO . . . WOLA​—CONGO NDO OMA LAASƆ, NYOKADIMOLE LO AMBOLA WAYELA ANƐ:

• 

  Ngande wakɛnya anangɛso wadjasɛ nsuke la lɛnɛ akasalema nsanganya ya rɛjɔ ngandji ndo lokaho otsha le wanɛ wakahombe minda nkɛndɔ otsha lo nsanganya yakɔ?

• 

  Wetshelo akɔna wambotokondja oma lo vidɛo nyɛ lo woho wɛnya Jehowa ngandji otsha le ase wola?

• 

  Ngande wakokaso mbokoya Jehowa oyadi lofulo la ngande la diangɔ diele la so dia l’emunyi?