NGƆNDƆ KA DIKUMI L’ƆTƆI 4-10

AKAMBO W’OHOMBA W’OMA L’ƆTƐKƐTA WA NZAMBI

Nkɛtɛ ya Daka. Esato womamatanyi: 1. Abrahama. 2. Isaka. 3. Jakɔbɔ

1. “Nde mbohɔka sheke yande pondjo pondjo”

(Min. 10)

Jehowa akalake Abrahama daka dimɔtshi ndo nde akayodikalolɛ nto le Isaka la Jakɔba (Eta 15:18; 26:3; 28:13; Os 105:8-11)

Akakoke mɛnama dia daka sɔ hadiotokotshama (Os 105:12, 13; w23.04 28 od. 11-12)

Jehowa kombohɛ sheke yakandadje l’Abrahama (Os 105:42-44; it-2-F 493 od. 3)

YAMBOLA WATE: ‘Ngande wakimanyiya dui sɔ dia mbeya dia dimi kokaka ndjaɛkɛ tshɛ lo tshɛ le Jehowa?’

2. Diangɔ di’oshinga wolo dia lo nyuma

(Min. 10)

Os 105:17-19—Ngande wele “kɛnɛ kata Jehowa” kakɛdia Yɔsɛfu? (w86-F 1/11 19 od. 15)

Okadimwelo ayɛ
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?

Okadimwelo ayɛ

3. Wadielo wa Bible

(Min. 4) Os 105:24-45 (th wekelo 5)

YASHA L’OLIMU W’ESAMBISHELO

4. Woho wa ntatɛ sawo l’onto

(Min. 1) ESAMBISHELO KA LO LUUDU LA LUUDU. Ompokami ekɔ l’awui efula wa nsala. (lmd wekelo 2 dui di’ohomba 5)

5. Woho wa ntatɛ sawo l’onto

(Min. 2) ESAMBISHELO KA LO LUUDU LA LUUDU. Komiya sawo la dui dimɔtshi dia dimɛna naka onto ambotatɛ mana la yɛ. (lmd wekelo 4 dui di’ohomba 5)

6. Wesa nsaki kɛnyisha onto

(Min. 4) ESAMBISHELO KA LO LUUDU LA LUUDU. Sha onto periodikɛ kele la sawo dimɔtshi diakandɛnya nsaki lɔkɔ mbala ketshi. (lmd wekelo 8 dui di’ohomba 3)

7. Wesa nsaki kɛnyisha onto

(Min. 4) ESAMBISHELO KA LO TSHAKITUDI. Tɛ onto awui wendana la aplikasiɔ JW Library^® ndo kimanyiyande dia mbotelesharjɛ. (lmd wekelo 9 dui di’ohomba 5)

LƆSƐNƆ L’OKRISTO

8. Toho tamɛnya dia sho mbokaka Ɔna Jehowa ngandji

(Min. 15) Ɔkɛtshanyelo.

Etena kakambaso la wenya, wolo ndo falanga yaso dia nsukɛ elimu wa Diolelo, sho mɛnyaka ngandji kokaso Yeso Kristo, Ɔna Jehowa lakandahenya l’okodi. Etena kɛnyaso ngandji kokaso Yeso Kristo lo toho tɔsɔ, dui sɔ ngɛnyangɛnyaka Jehowa ndo anangɛso l’akadiyɛso kondjaka wahɔ. (Jni 14:23) Seri k’asawo wa lo jw.org wele l’ɔtɛ a dui ɔnɛ: “Woho wakambaso la weshasha anyu,” mɛnyaka woho wakimanyiya weshasha aso anangɛso l’akadiyɛso wa l’andja w’otondo lo yɛdikɔ y’efula.

Lonya l’onto adja woshasha lo shɛtɛshɛtɛ ya weshasha. Esato womamatanyi: 1. Ɔnangɛso ɔmɔtshi emadi la ntondo ka shushi. 2. Kadiyɛso kɛmɔtshi akamba l’olimu wa wokelo. 3. Kadiyɛso kɛmɔtshi enda vidɛo mɔtshi ya l’ɔtɛkɛta w’akanga wa mpoke.

Ɛnya VIDƐO yele l’ɔtɛ a dui ɔnɛ: Kɛnɛ kakoka weshasha anyu nsala. Oma laasɔ, oka ampokami ambola anɛ:

Ngande wakakondja anangɛso wahɔ lo nkamba la weshasha dia mamɛ lotshungɔ la ntɛmɔla?

Okadimwelo ayɛ
Ngande wakimanyiya “wɛdimo” wendana la falanga lo wokelo wa Mbalasa ya Diolelo?—2Kɔ 8:14

Okadimwelo ayɛ
Wahɔ akɔna waya lo nkamba la weshasha dia nsukɛ olimu w’okadimwelo wa Bible l’ɛtɛkɛta efula?

Okadimwelo ayɛ

9. Wekelo wa Bible wa l’etshumanelo

(Min. 30) bt tshap. 17 od. 13-19