NGƆNDƆ KA DIKUMI L’AHENDE 22-28
ISAYA 11-13
Osambo 14 ndo dɔmbɛlɔ | Ɛtɛkɛta wa mbɔtwɛlɔ (Min. 1)
1. Ngande wakahombe monga Mɛsiya?
(Min. 10)
Nde akahombe monga kanula ya Jɛse oma lo tshimbo y’ɔnande Davidɛ (Isa 11:1; ip-1-F 159 od. 4-5)
Nde akahombe monga la nyuma ka Nzambi ndo wɔma wa Jehowa (Isa 11:2, 3a; ip-1-F 159 od. 6; 160 od. 8)
Nde akahombe monga kanga losembwe ndo nombosha la kɛtshi tshɛ (Isa 11:3b-5; ip-1-F 160 od. 9; 161 od. 11)
DIMBOLA DIA NKANA LA DIƆ YIMBA: Kakɔna ketɛ Yeso ɔnɔmbɔdi woleki ɛnɔmbɔdi tshɛ w’ana w’anto?
2. Diangɔ di’oshinga wolo dia lo nyuma
(Min. 10)
Isa 11:10—Ngande wakakotshama prɔfɛsiya kɛnɛ? (ip-1-F 165-166 od. 16-18)
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?
3. Wadielo wa Bible
(Min. 4) Isa 11:1-12 (th wekelo 11)
4. Woho wa ntatɛ sawo l’onto
(Min. 3) ESAMBISHELO KA LO LUUDU LA LUUDU. (lmd wekelo 2 dui di’ohomba 5)
5. Wesa nsaki kɛnyisha onto
(Min. 4) ESAMBISHELO KA LO SƐKƐ. Kamba la jw.org dia nkadimola dimbola diakoke onto. (lmd wekelo 8 dui di’ohomba 3)
6. Mbetɛ anto ambeki
(Min. 5) Kimanyiya ombeki ayɛ dia ndjalɔngɔsɔla dia nsambisha lo luudu la luudu. (lmd wekelo 11 dui di’ohomba 4)
Osambo 57
7. Onde wɛ ‘nomboshaka la losembwe’?
(Min. 15) Ɔkɛtshanyelo.
Lushi tshɛ sho mongaka la tokanyi lo dikambo di’anto akina, lo tena dimɔtshi aha la nkanyiya. Sho mongaka suke dia monga la kanyi mɔtshi lo dikambo di’onto okina lo ndjela kɛnɛ kɛnaso. Koko, Yeso lele ɛnyɛlɔ kaso, akalomboshaka lo yoho yotshikitanyi. (Isa 11:3, 4) Yeso ekɔ l’akoka wa mɛna kɛnɛ kele l’otema w’onto ndo nshihodia tokanyi la eyango ande. Sho bu la dikoka sɔ. Koko sho koka nsala la wolo dia mbokoya Yeso. Nde akate ate: “Nyotshike nombosha lo ndjela kɛnɛ kɛnama, koko nyolomboshake la losembwe.”—Jni 7:24.
Naka sho monga la tokanyi ta kɔlɔ lo dikambo di’anto akina lo ndjela kɛnɛ kɛnaso, kete dui sɔ diayonga la shɛngiya ya kɔlɔ l’olimu aso w’esambishelo. Ɛnyɛlɔ, onde sho mengengaka dia nsambisha l’ahole wadjasɛ anto w’oma lo waoho kana ɛtɛmwɛlɔ ɛmɔtshi? Ko kayotota dia ahole wodjashi akanga w’ɛngɔnyi kana ase woola? Onde sho fɔnyaka di’onto ɔmɔtshi hatɛnya nsaki lo losango laso l’ɔtɛ wa ɛnamelo kande? Nzambi nangaka “dia weho w’anto tshɛ shimbamɛ ndo nkondja ewo k’oshika k’akambo wa mɛtɛ.”—1Ti 2:4.
Ɛnya VIDƐO yele l’ɔtɛ a dui ɔnɛ: Wetshelo w’oma lo Tshoto y’Etangelo—Tatolomboshake lo ndjela kɛnɛ kɛnama. Oma laasɔ, oka ampokami ambola anɛ:
Naa toho ta kanɛ anto akina kɔlɔ tɔtɛkɛtami lo vidɛo nyɛ?
Naka sho kanɛka anangɛso l’akadiyɛso kɔlɔ, kakɔna kakoka ntomba l’etshumanelo?
Kakɔna kakakimanyiya Akristo wakawakɔnya dia mbewɔ monga la tokanyi ta kɔlɔ otsha le anto akina l’ɔtɛ w’ɛnamelo kawɔ?
Wetshelo akɔna wamboyokondja oma lo sawo dia lo Tshoto y’Etangelo?
8. Wekelo wa Bible wa l’etshumanelo
(Min. 30) lfb wekelo 46-47