Ambola waleka anto ndjaoka / Dietawɔ / Onde wɛ mbetawɔka dia diangɔ tshɛ diakatongama lo nshi shamalo yele la wenya akumi ahende l’ɛnɛi?

Ndooko. Ɛmɛnyi wa Jehowa mbetawɔka dia Nzambi mbakatonge diangɔ tshɛ. Koko sho hatetawɔ dia Nzambi akatonge diangɔ tshɛ lo nshi shamalo yele la wenya 24. Lande na? Nɛ dia tokanyi efula tasukɛ wetshelo ɔnɛ hatɔtɔnɛ la kɛnɛ ketsha Bible. Tɔsɛdingole bɛnyɛlɔ pende diayela nɛ:

1. Otale wa nshi shamalo y’etongelo. Anto amɔtshi shikikɛka ɔnɛ nshi shamalo y’etongelo yaki nshi ya wenya 24. Koko lo Bible, tshɛkɛta “lushi” mbeyaka nembetshiya etena k’otale kolekanyi wenya 24.​​—Etatelo 2:4; Osambo 90:4.

2. Edja kamboviya nkɛtɛ. Anto amɔtshi mbetshaka dia nkɛtɛ kamboviya ɛnɔnyi nunu dingana nto. Koko, lo ndjela kɛnɛ ketsha Bible, olongo la nkɛtɛ wakatongama la ntondo ka nshi shamalo y’etongelo. (Etatelo 1:1) L’ɔtɛ w’ɔkɔkɔ ɔsɔ mbele, Ɛmɛnyi wa Jehowa hawodje taamu lo eyangelo w’ambeyi wa siansɛ wɛnya dia ondo nkɛtɛ kamboviya ɛnɔnyi miliyara efula.

Kaanga mbele Ɛmɛnyi wa Jehowa mbetawɔka etongelo, vɔ hawotone awui wa siansɛ. Sho mbetawɔka di’awui wa mɛtɛ wetsha siansɛ mbɔtɔnɛka la kɛnɛ ketsha Bible.