Wekelo 14

Angɛnyi wa Nzambi mbewɔka kɔlɔ

Satana pembaka anto dia vɔ ntsha awui wa kɔlɔ. Onto lalanga monga ɔngɛnyi wa Nzambi pombaka petsha kɛnɛ kahetsha Jehowa. (Osambu 97:10) Awui amɔtshi wahomba angɛnyi wa Nzambi mbewɔ vɔanɛ:

Pɛkato yendena l’awui a mindo wa dieyanelo. “Tunanaki luseka.” (Etumbelu 20:14) Ekɔ nto kɔlɔ mbeyana l’onto la ntondo ka nyu tshukana.—1 Koreto 6:18.

Wodjwelo a wanu. “Ambidjoki a wanu . . . hawukiti diulelu dia [Nzambi].”—1 Koreto 6:10.

Odiakelo w’onto, wonyelo wa waemi. “Tudiakaki.”—Etumbelu 20:13.

Wovi. “Tuvaki.”—Etumbelu 20:15.

Kashi. Jehowa petshaka “lulimi la kashi.”—Tukedi 6:17.

Awui wa ngala la nkɛlɛ ka tshambandeko. ‘[Jehowa] petshaka ɔnɛ tshɛ lalanga awui wa ngala.’ (Osambu 11:5) “Etsha wa dimba [mbidja ndo] . . . kele.”—Ngalatiya 5:19, 20.

Tɔkɛnyɔ ta falanga. “Tanyosohanaki la unyanyu, naka ndi eko . . . kanga okomiya.”—1 Koreto 5:11.

Lohetsho l’asa wanɛ wele bu lokoho kana dioho ɔtɔi. ‘Nyolangake atunyi anyu ndo nyɔlɔmbake dia wanɛ wanyɔhɛnyahɛnya.’—Mateu 5:43, 44.

Awui watotɛ Nzambi wekɔ dia tokimanyiya. Aha nshi tshɛ mbatongaka wɔdu mbewɔ awui wa kɔlɔ. L’ekimanyielo ka Jehowa ndo k’Ɛmɛnyi ande, wɛ koka mbewɔ dia sala awui wahangɛnyangɛnya Nzambi.—Isaya 48:17; Filipi 4:13; 4:13; Heberu 10:24, 25.