Wekelo 16

Ɛnya ngandji kokayɛ Nzambi

Di’aha lɔngɛnyi ndjovɔ, ekɔ ohomba wɛ sawolaka l’ɔngɛnyi ayɛ. Hokamɛkande, ndo nde lawɔ akohokamɛke. Sanyɛka anto akina awui w’ɛlɔlɔ lo lokombo l’ɔngɛnyi ayɛ. Ngasɔ mbahomba sala ndo onto lalanga monga ɔngɛnyi wa Nzambi. Enda kɛnɛ kata Bible lo dikambo sɔ:

Sawolaka la Jehowa mbala la mbala lo dɔmbɛlɔ. ‘Tetemalaka nɔmba.’—Romo 12:12.

Adiaka Bible, Ɔtɛkɛta wa Nzambi. ‘Efundelo tshɛ wakasambiyama oma le Nzambi ndo wekɔ ɔlɔlɔ dia mbetsha anto, mingola, ndo mbidja awui l’ɔnɔngɔ.’—2 Timote 3:16.

Etsha anto akina awui wa Nzambi. ‘Nyotshu, nyêtɛ anto wa lo wedja tshɛ ambeki, . . . nyowaetsha dia kitanyiya awui tshɛ wakamanyodjangɛ.’—Mateu 28:19, 20.

Mamema angɛnyi wa Nzambi. ‘Ɔnɛ lɛngɔla l’akanga wa lomba ayoyala la lomba.’—Tukedi 13:20.

Ɔtɔka nsanganya lo mbalasa ka Diolelo. “Tukananeli untu l’untu dia tomboshanya lu ngandji ndu lu elimu w’ololo. . . . Tukeketshanyaki.”—Heberu 10:24, 25.

Sukɛka olimu wa Diolelo. “Untu l’untu akimo uku akandati l’utema andi, aha la lunyangu, aha la khudu, ne dia [Nzambi] nangaka untu lakimo l’ongenongeno.”—2 Koreto 9:7.