ETENYI 6

Wetshelo akɔna wakondjaso oma lo Mvula k’elola ka woke?

Nzambi akalanya anto wa kɔlɔ, koko akashimbɛ Nɔa la nkumbo kande. Etatelo 7:11, 12, 23

Wato wa luudu watatehe laadiko di’ashi; anto wa kɔlɔ wambovɔ, ndo andjelo wakatɔmbɔkɔ wambokolola alemba wa l’emunyi wakawayɔlɔta

Tɔ kakalɔ tanyi 40 la etsho 40 ndo ashi wakalolanɛ lo nkɛtɛ k’otondo.

Anto wa kɔlɔ tshɛ wakavu. Andjelo wakatɔmbɔkɔ wakakolola alemba awɔ wa l’emunyi ko wakakome ɛdiɛngɛ.

Nɔa, nkumbo kande, ndo waa nyamba wambotoma oma lo wato wa luudu ndo ngolo kambenama l’olongo

Anto waki lo waato wa luudu wakake. Kaanga mbele Nɔa la nkumbo kande wakayovɔka l’ɔkɔngɔ, Nzambi ayowaolola la elongamelo ka vɔ ndjɔsɛna pondjo pondjo.

Nzambi ayolanya nto anto wa kɔlɔ ndo ayoshimbɛ anto w’ɛlɔlɔ. Mateo 24:37-39

Satana la ɛdiɛngɛ ande kambaka la toho totshikitanyi dia minganyiya anto

Satana la ɛdiɛngɛ wekɔ lo ntetemala minganyiya anto.

Oko wakidiɔ lo nshi ya Nɔa, ɛlɔ kɛnɛ anto efula tonaka ɛlɔmbwɛlɔ kaki Jehowa koludi la ngandji. Kema edja, Jehowa ayanga ndanya anto tshɛ wa kɔlɔ.—2 Petero 2:5, 6.

Ɛmɛnyi wa Jehowa wakamba la Bible dia nsambisha pami kɛmɔtshi

Anto amɔtshi wekɔ oko Nɔa. Vɔ pokamɛka Nzambi ndo salaka kɛnɛ katande. Anto akɔ ko: Ɛmɛnyi wa Jehowa.