ETENYI 9

Etena kakɔna kayoya paradiso?

Ekakatanu wele la nkɛtɛ mɛnyaka dia kem’edja, Diolelo diaki Nzambi diayanga ntatɛ nɔmbɔla. Luka 21:10, 11; 2 Timɔte 3:1-5

Mpokoso yakomɛ anto tshɛ lo nshi y’ekomelo—tɔkɛnyɔ ta falanga, ata, hemɔ, ndjala ya kasha, ana hawoyokitanyiya ambutshi, ɔhɛnyɔhɛnyɔ wa lo nkumbo

Bible akatewoyisha la ntondo akambo efula wasalema ɛlɔ kɛnɛ. Tɔ kakatatshi dia anto wayolanga okundji, hawotɔlɛmiya ambutshi, wayoyalanga ndo wayolanga ɛngɛnɔngɛnɔ.

Tɔ kakatatshi dia adidimu wa nkɛtɛ wa wolo, ata, ndjala ya kasha ndo elando wayoyala lo dihole la dihole. Akambo asɔ wekɔ lo salema ɛlɔ kɛnɛ.

Ɔmɛnyi wa Jehowa ɔmɔtshi ekɔ lo nsambisha pami kɛmɔtshi lokumu l’ɔlɔlɔ la Diolelo

Ndo nto, Yeso akatatshi dia lokumu l’ɔlɔlɔ la Diolelo lakahombe sambishama lo nkɛtɛ k’otondo.—Mateo 24:14.

Diolelo diayonya akambo wa kɔlɔ tshɛ. 2 Petero 3:13

Akanga wa kɔlɔ wambolanyema lo Aramangɛdɔna, oma laasɔ Satana la ɛdiɛngɛ ande wambolongola dilanya

Kem’edja Jehowa ayanga ndanya atshi wa kɔlɔ tshɛ.

Satana l’ɛdiɛngɛ ande wayolanyema.

Yeso akadjashi lo kiti kande ka lowandji ka l’olongo ndo anto wele la nkoho y’alemba yotshikitanyi wekɔ lo ngɛnangɛna

Wanɛ wahokamɛ Nzambi wayohandɔ dia nsɛna lo andja w’oyoyo wa losembwe lɛnɛ ahatoyala wɔma, andja wele anto wayokana ngandji ndo onto l’onto ayɛkɛka otema le onyande.