Kɛnɛ kalembetshiya monga la lomangemange

Yeso aketsha di’ambeki ande hawohombe monga “anto wa l’andja ɔnɛ.” (Joani 15:19) Monga la lomangemange nembetshiyaka aha ndjatambiya l’awui wa pɔlitikɛ ndo w’ata. Lo mɛtɛ, hatongaka nshi tshɛ dui dia wɔdu dia monga la lomangemange. Anto koka tɔɔla l’ɔtɛ wa lomangemange laso. Ngande wakokaso monga la lomangemange ndo ntshikala la kɔlamelo le Jehowa Nzambi?

1. Ngande wɔsa Akristo wa mɛtɛ mandji y’ana w’anto?

Akristo wa mɛtɛ nɛmiyaka lowandji. Sho salaka oko wakate Yeso ate: “Nyosha Kayisa diangɔ dia Kayisa,” mbuta ate sho kitanyiyaka ɛlɛmbɛ wa lo wodja, ɛnyɛlɔ oko ɛlɛmbɛ watɔlɔmba dia mfuta elambo. (Makɔ 12:17) Bible mbetshaka di’ewandji w’ana w’anto wekɔ lo nɔmbɔla paka nɛ dia Jehowa aakalange dia vɔ nɔmbɔla. (Rɔmɔ 13:1) Ɔnkɔnɛ, sho mbeyaka di’ewandji w’ana w’anto wekɔ la lowandji lele l’elelo. Sho mbeyaka dia Nzambi kaso ndo Diolelo diande dia l’olongo mbayokandola ekakatanu w’anto.

2. Ngande wakokaso mɛnya dia tekɔ la lomangemange?

L’ɛnyɛlɔ ka Yeso, sho hatoyatambiya l’awui wa pɔlitikɛ. Etena kakɛnyi anto dihindo dimɔtshi diakasale Yeso ndo kakawahembe mbeetɛ nkumekanga lanɛ la nkɛtɛ, nde akatone dia vɔ nsala dui sɔ. (Joani 6:15) Lande na? Nɛ dia l’ɔkɔngɔ diko nde akate ate: “Diolelo diami bu dia l’andja ɔnɛ.” (Joani 18:36) L’ɛnyɛlɔ k’ambeki wa Yeso, sho mɛnyaka lomangemange laso lo toho efula. Ɛnyɛlɔ, sho hatɔlɔ ata. (Adia Mika 4:3.) Sho nɛmiyaka diangɔ dia wodja, ɛnyɛlɔ adalapo, koko sho hatoditɛmɔla. (1 Joani 5:21) Lo kɛnɛ kendana l’awui wa pɔlitikɛ, sho hatete lo wedi ɔmɔtshi kana mbidja elungi dia sɔnama lo dihole dimɔtshi. Lo toho tɔsɔ ndo lo toho tokina, sho mɛnyaka tshɛ lo tshɛ dia sho sukɛka la kɔlamelo tshɛ lowandji laki Nzambi, mbuta ate Diolelo diande.

NYOMOTSHIMOLA

3. Akristo wa mɛtɛ wekɔ la lomangemange

Yeso l’ambeki ande wakatotshikɛ ɛnyɛlɔ lo dikambo sɔ. Nyadia Rɔmɔ 13:1, 5-7 ndo 1 Petero 2:13, 14. Ndo oma laasɔ, nyende VIDƐO ndo oma laasɔ, nyɔkɛtshanya ambola wayela anɛ:

VIDƐO: Akristo wa mɛtɛ wekɔ la lomangemange​—Etenyi 1 (4:28)

• Lande na kahombaso nɛmiya mandji y’ana w’anto?

• Naa toho tɔmɔtshi tɛnyaso dia sho mbakitanyiyaka?

Lo ntena dialɔma ta, wedja ɛmɔtshi mbeyaka mbuta dia wekɔ la lomangemange, koko vɔ sukɛka mbɛkɛ diakɔ pende. Ko alembetshiya mɛtɛ monga la lomangemange? Nyadia Joani 17:16. Oma laasɔ, nyende VIDƐO, ndo oma laasɔ, nyɔkɛtshanya dimbola diayela nɛ:

VIDƐO: Akristo wa mɛtɛ wekɔ la lomangemange​—Etenyi 2 (3:11)

• Kakɔna kalembetshiya monga la lomangemange?

Ko ayotosala naka mandji y’ana w’anto wotɔlɔmba dui dimɔtshi dialɔshana l’ɔlɛmbɛ wa Nzambi? Nyadia Etsha 5:28, 29. Oma laasɔ, nyende VIDƐO, ndo oma laasɔ, nyɔkɛtshanya ambola wayela nɛ:

VIDƐO: Akristo wa mɛtɛ wekɔ la lomangemange​—Etenyi 3 (1:18)

• Naka ɔlɛmbɛ w’ana w’anto wɔlɔshana l’ɔlɛmbɛ waki Nzambi, ɔlɛmbɛ waki na wahombaso nkitanyiya?

• Onde wɛ koka nkanyiya akambo amɔtshi wele Akristo hawohombe nkitanyiya mandji y’ana w’anto?

4. Onga la lomangemange lo tokanyi ndo l’etsha

Nyadia 1 Joani 5:21. Oma laasɔ, nyende VIDƐO, ndo oma laasɔ, nyɔkɛtshanya ambola wayela anɛ:

VIDƐO: Ɔkɔkɔ wahomba Akristo wa mɛtɛ monga la dihonga​—Dia ntetemala monga la lomangemange (2:49)

• Lo vidɛo yɛnyiso, lande na kakɔshi Ayenge yɛdikɔ yaha mbeta l’olui ɔmɔtshi wa pɔlitikɛ kana nsala sɛlɛmɔnyi yɛnya ngandji ka wodja, ɛnyɛlɔ ntɛmɔla dalapɔ?

• Onde wɛ fɔnyaka dia nde akɔshi yɛdikɔ ya lomba?

Naa awui akina wakoka mbidja lomangemange laso l’ohemba? nyende VIDƐO ndo oma laasɔ, nyɔkɛtshanya ambola wayela anɛ:

VIDƐO: Wetshelo w’oma lo Tshoto y’Etangelo​—Tolame lomangemange laso l’andja ɔnɛ wambatɔna (5:16)

• Ngande wakokaso nama lomangemange laso etena kendaso ponde yakɛnya wedja wotshikitanyi?

• Ngande wakokaso ntshikala la lomangemange kaanga etena konga tɛdikɔ t’ase pɔlitikɛ la shɛngiya le so?

• Ngande wakoka awui wokaso lo ntita nsango kana wokaso oma le anto wekesanɛ la so monga la shɛngiya lo lomangemange laso?

LO TSHENA PE

Akristo salaka la wolo dia monga la lomangemange l’awui wa pɔlitikɛ lo tokanyi, l’ɛtɛkɛta ndo l’etsha.

Ovuswelo

• Kakɔna kahombaso mbisha mandji y’ana wanto?

• Lande na kahombaso ntshikala la lomangemange l’awui wa pɔlitikɛ?

• Naa awui wakoka mbidja lomangemange laso l’ohemba?

SALA EYANGELO

Naa awui wakokaso ndjahondja dia nama lomangemange?

Ndooko lushi lakatokalɛ Jehowa (3:14)

Ngande wakoka nkumbo ndjalɔngɔsɔla la ntondo lo dikambo dia ehemba wendana la lomangemange lawɔ?

Tolame lomangemange laso lo nsanganya y’anto tshɛ (4:25)

Lande na kele aha naka onto ambamɛ wodja ande kete laasɔ nde aya la kɛnɛmɔ koleki tshɛ?

“Akambo tshɛ mbeyaka ntshama le Nzambi” (5:19)

Enda woho wakokayɛ mbewɔ dia monga ‘ose andja ɔnɛ’ etena kɔsayɛ tɛdikɔ tendana l’olimu ayɛ.

“Untu l’untu ayemba wutshu andi” (Tshoto y’Etangelo, Ngɔndɔ ka nɛi 1, 2006)