MBETƐ ANTO AMBEKI
WEKELO 10
Sala tshɛ dia mbetɛ anto ambeki
Tɔndɔ: “Takayashikikɛ aha tsho dia nyewoya lokumu l’ɔlɔlɔ laki Nzambi, koko ndo dia nkimɔ etondo aso, nɛ dia nyakakome mɛtɛ anangemi aso.”—1 Tɛs. 2:8.
Kɛnɛ kakasale Yeso
1. Enda VIDƐO kana adia Joani 3:1, 2. Oma laasɔ, kana yimba lo ambola wayela anɛ:
Lande na kakalange Nikɔdɛmɔ dia Yeso ndjowenda paka l’otsho?—Enda Joani 12:42, 43.
Lo pomana la Nikɔdɛmɔ l’otsho, ngande wakɛnya Yeso dia nde akasale tshɛ dia mbetɛ anto ambeki?
Wetshelo akɔna wakondjaso oma le Yeso?
2. L’ɔtɛ wa ngandji kokaso anto, sho salaka kɛnɛ tshɛ kakokaso nsala dia mbaetɛ ambeki.
Okoya Yeso
3. Nyekake lo dihole ndo lo wonya wele dimɛna le ombeki. Nde koka ngɛnangɛna lushi ndo wonya ɔmɔtshi shikaa. Onde nde ayoleka ngɛnangɛna nyu mbekaka lo dihole di’olimu, la ngelo kana dihole dikina? Lo yɛdikɔ yakoka, tshikitanya ekongelo kayɛ lo ndjela wonya wele dimɛna le nde.
4. Nyekake mbala la mbala. Naka wɛ hatonga, tohembolake wekelo. Koko, kana yimba ɛnyɛlɔ lo ndjambola ɔnɛ:
Onde wɛ hakoke ndjeka la nde lushi lokina lomingu lakɔ?
Onde wɛ koka mbeka la nde lo telefɔnɛ kana lo vidɛo kɔfɛransɛ?
Onde wɛ koka nɔmba opandjudi okina dia teka lande?
5. Lɔmba dia monga l’ekanelo k’ɔlɔlɔ. Lɔmba Jehowa dia kokimanyiya diaha wɛ mpekɔ dia mbeka l’onto ɔmɔtshi kaanga mbende bu l’etena ka mbekaka mbala la mbala kana hakambe dimɛna la kɛnɛ kekanyu. (Flp. 2:13) Ondo ombeki ayɛ ekɔ la waonga efula w’amɛna; lɔmba Jehowa dia kokimanyiya dia mbika washo lo waonga akɔ.