Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 10, 15

MBEWOYAKA DIOLELO DIAKI JEHOWA

“Ngande wokokiyɛ nembetshiya ana kana anto akina bonde kasalema akambo efula wa kɔlɔ ɛlɔ kɛnɛ? [Tshikande akadimole.] Bible kadimolaka lo wombola w’ɔnɛ: ‘Ele lo Kiɔkɔ y’Akambo Tshɛ wa Kɔlɔ?’ [Adia 1 Joani 5:19.] Numɛlɔ kɛnɛ ka Tshoto y’Etangelo ayokokimanyiya dia wɛ mbeya ele kanga kɔlɔ ɔsɔ ndo woho wakokaso mbotona.”

Réveillez-vous! Ngɔ. 10, 22

Onde wɛ fɔnyaka di’alɔmbɛlɔ w’ewandji w’ɛtɛmwɛlɔ kana w’onto okina tshɛ kokaka mbidja wɔladi l’andja ɔnɛ? [Tshikande akadimole.] Bible ndakaka etena kayokondja andja w’otondo wɔladi. [Adia Isaya 9:​6, 7.] Onde wɛ akalembete dia ɔnɔmbɔdi ɔmɔtshi wa lânde ayanga mbela wɔladi l’andja ɔnɛ? Numɛlɔ ka Réveillez-vous! kɛnɛ mɛnyaka ɔnɛ lele ɔnɔmbɔdi akɔ ndo woho wayondela wɔladi w’oshika.”

Tshoto y’Etangelo Ngɔ. ka 11, 1

MBEWOYAKA DIOLELO DIAKI JEHOWA

“Efula l’atei aso salaka la wolo dia nsɛna lo wɔladi l’anto akina. Koko ondo wɛ mɛnaka dia sala dikambo sɔ kema dui dia wɔdu. [Tshikande akadimole.] Bible nembetshiyaka lande na kediɔ ngasɔ. [Adia Jakoba 3:⁠2.] Sawo nɛ mɛnyaka dia nɔmba edimanyelo mbeyaka tokimanyiya efula dia mbidja ndo nama wɔladi lam’asa anto.”

Réveillez-vous! Ngɔ. 11, 8

“Prɔfɛsiya ka lo Bible mɛnyaka di’etena kayonga kele ndoko onto layota ate: ‘Dimi la hemɔ.’ [Adia Isaya 33:24.] Kema ɔsɔ ayonga dikambo dia diambo? [Tshikande akadimole.] Koko, ɛlɔ kɛnɛ anto wekɔ lo diɛnɛ la hemɔ efula, mbidja ndo SIDA. Numɛlɔ kɛnɛ ka Réveillez-vous! kadimolaka lo wombola w’ɔnɛ: Onde SIDA okoshila lushi lɔmɔtshi?”