Wɛ Pombaka Menda Bandɛ Vidɛo No Blood​—⁠Medicine Meets the Challenge

Akambo akɔna weyayɛ lo kɛnɛ kendana la toho ta ndjasakɛ aha la mbidja dikila? Onde wɛ mbeyaka ekanga ɛmɔtshi wakoka onto mbɔsa dia fudia dikila lo dihole dia kawoya dikila ndo woho ɔnɛ wakambawɔ? Enda bandɛ vidɛo kɛnɛ ndo hemba ewo kele layɛ l’ekimanyielo ka wembola wayela ɛnɛ.​—⁠Diewoyelo: Lam’ele lo bandɛ vidɛo kɛnɛ vɔ mɛnya lo tshena pe ndo woho wasalema epaso, lâsɔ ambutshi pombaka monga la yewo lam’endawɔ bandɛ vidɛo kɛnɛ vɔ l’ana wa totshitshɛ.

(1) Naa ɔkɔkɔ woleki woke watona Ɛmɛnyi wa Jehowa mbidja dikila, ndo lende atanaso tɔndɔ diendana la dikambo sɔ lo Bible? (2) Lo kɛnɛ kendana l’osakelo, kakɔna kakombolaso? (3) Naa lotshungɔ lele l’ɛkɔnyi? (4) Bonde kahatakoke mbetawɔ mbidja dikila? (5) Naka ɔkɔnyi amboshisha dikila efula, naa akambo ahende wahomba dɔkɔtɛlɛ sala aha la tshimbatshimba? (6) Wâle akɔna wakoka tomba oma lo wodjelo wa dikila? (7) Naa dihomɔ dimɔtshi diele l’enganga diakoka mbakimanyiya di’aha ɔkɔnyi shisha dikila efula wonya wosalawɔ epaso? (8) Awui akɔna walangayɛ mbeya lo kɛnɛ kendana l’esakelo ekina wahalɔmbɛ dia paka mbidja dikila? (9) Onde epaso ɛmɔtshi wa wolo koka salema aha la mbidja dikila? (10) Naa lofulo latatetemala mbudɛ l’enganga walanga sakɛ Ɛmɛnyi wa Jehowa aha la mbakaloya dikila, ndo kakɔna kayokoka monga yoho y’ɔlɔlɔ ya sakɛ ɛkɔnyi tshɛ?

Aha la tâmu, ayonga dimɛna efula menda bandɛ vidɛo No Blood kamɛ l’ambeki wa Bible, elonganyi kana ewotɔ aso wele kema Ɛmɛnyi wa Jehowa, asekaso wa l’olimu, embetsha, ndo l’asekaso ambeki wakoka monga la wembola lo kɛnɛ kendana la yɛdikɔ yaso lo dikambo dia wodjelo wa dikila. Onto ndamɛ mbele l’ɔkɛndɛ wa mbɔsa yɛdikɔ yôtoma nkum’otema kande lo kɛnɛ kendana la woho w’osakelo tshɛ wetawɔma wɛnyishawɔ lo bandɛ vidɛo kɛnɛ.​—⁠Enda lo “Wembola w’oma le Ambadi” lo Tshoto y’Etangelo ya Ngɔndɔ k’Esambele 1 ndo Ngɔndɔ ka Dikumi l’Ɔtɔi 1, 2000.