Woho wa mbisha anto periodikɛ

Tshoto y’Etangelo Ngɔ. ka 8, 15

“Tekɔ l’ohomba wa kanyi yayɛ lo dui dimɔtshi diakate Yeso. [Adia Mateu 5:⁠5.] Onde wɛ fɔnyaka dia akambo wa la nkɛtɛ wayoyala woho wewɔ nshi nyɛ etena kayokotshama daka sɔ? [Tshikande akadimole.] L’ekimanyielo ka Bible, periodikɛ kɛnɛ mɛnyaka woho wayokadimola Yeso nkɛtɛ. Tɔ mɛnyaka nto waa na wayokita nkɛtɛ.”

Réveillez-vous! Ngɔ. ka 8

“Onde wɛ fɔnyaka dia tokɛnana la wakiso wa ngandji wakavu lushi lɔmɔtshi? [Tshikande akadimole.] Tende daka diakasha Yeso lo kɛnɛ kendana la wanɛ wavɔ. [Adia Joani 5:​28, 29.] Sawo nɛ nembetshiyaka l’ekimanyielo ka Bible kɛnɛ keta lam’avɔso.” Tɛkɛta dia sawo diatatɛ lo lɛkɛ 28.

Tshoto y’Etangelo Ngɔ. ka 9, 1

“Ɛlɔ kɛnɛ, anto efula hawoyoleka ndjasha l’awui w’ɔtɛmwɛlɔ. Onde wɛ fɔnyaka dia ndjasha l’awui w’ɔtɛmwɛlɔ koka tokimanyiya dia monga anto w’ɛlɔlɔ? [Tshikande akadimole.] Ohenda kɛnɛ kakatatshi Bible dia anto amɔtshi wa lo ɛtɛmwɛlɔ wayonya atui awɔ oma lo akambo wa mɛtɛ lo nshi y’ekomelo. [Adia 2 Timote 4:​3, 4.] Periodikɛ kɛnɛ nembetshiyaka woho watombola ɔtɛmwɛlɔ wa mɛtɛ Nzambi ndo watokondjiyɛwɔ wahɔ.”

Réveillez-vous! Ngɔ. ka 9

“Anto efula mumbolaka dia kana lo ndjela awui w’ase siansɛ onto kokaka monga la mbetawɔ le Nzambi. Ko wɛ afɔnyayɛ? [Tshikande akadimole. Oma lâsɔ, adia Heberu 3:⁠4.] Numɛlɔ ka lânde ka Réveillez-vous! ɔnɛ mɛnyaka ɛkɔkɔ wakatshutshuya ase siansɛ amɔtshi dia monga la mbetawɔ le Otungi.”