Woho wa mbisha anto periodikɛ

Tshoto y’Etangelo Ngɔ. ka 8, 1

“Onde wɛ mbetawɔka dia kitanyiya didjango nɛ diaki Yeso ayokimanyiya dia ase nkumbo monga l’ɔngɛnɔngɛnɔ? [Adia Joani 13:34. Tshikande akadimole.] Sawo nɛ mɛnyaka woho wendana wetshelo ndo ɛnyɛlɔ kaki Yeso la ose nkumbo tshɛ.” Tɛkɛta dia sawo diotate lo lɛkɛ 16 ndo 17.

Réveillez-vous! Ngɔ. ka 8

“Onde wɛ fɔnyaka dia mandji y’ana w’anto yayokandola dikambo diendana la wodelo wa djungudungu l’okama a nkɛtɛ? [Tshikande akadimole. Oma lâsɔ, adia Jeremiya 10:23.] Wɛ ayɔngɛnangɛna mbadia sawo nɛ. Diɔ mɛnyaka woho wayokandola Nzambi ekakatanu wadja okama a nkɛtɛ lo wâle.”

Tshoto y’Etangelo Ngɔ. ka 9, 1

“Anto efula mbeyaka ɛtɛkɛta wa Yeso wele lo Mateu 6:9. [Adia.] Koko le efula kawɔ, ndjasukanya la Nzambi oko wende Shɛso ekɔ dikambo dia wolo. Oko leyɛ, ahombaso sala dia sho ndjasukanya la Nzambi? [Tshikande akadimole.] Periodikɛ kɛnɛ sɛdingolaka waonga wotshikitanyi wa Shɛso lele l’olongo ndo tɔ tɛnyaka woho wakokaso mboweya.”

Réveillez-vous! Ngɔ. ka 9

“Aya ɛnɔnyi nkama watɛkɛta anto dikambo dia lɔsɛnɔ l’ɔkɔngɔ wa nyɔi. Kakɔna katayɛ lo dikambo sɔ? [Tshikande akadimole.] Tende kɛnɛ kakate Jɔbɔ lo dikambo sɔ. [Adia Jobo 14:14, 15.] Asawo anɛ mɛnyaka kɛnɛ kata Bible lo dikambo dia lɔsɛnɔ l’ɔkɔngɔ wa nyɔi.”