Mukanda w’oma le filialɛ

Apandjudi aso wa ngandji wa Diolelo:

Sho nangaka nyewoya awui amɔtshi wendana l’olimu wa wokelo wa mvudu shato y’ase Bɛtɛlɛ yele lo lokombo la Bɛtɛlɛ la Kinshasa. Kakianɛ olimu wa wokelo wamboshila, sambe y’eyoyo yambodjama ndo olimu wa l’etei wekɔ lo tatshu dimɛna. Tambɔngɛnangɛna nyewoya nto dia lo Ngɔndɔ ka samalo 2006 olimu wa wokelo wa luudu l’oyoyo l’olelo layonga l’akoka wa nongola anto 450 ndo wa kuku wakatatɛ. Kɔpanyi kɛmɔtshi ka lo wodja ka wokelo wa mvudu mbasala olimu ɔsɔ tshɛ. Departɛma dia Wokelo dia lo Bɛtɛlɛ mbenda olimu wa wokelo ɔsɔ ndo anto wa lo departɛma sɔ mongaka mbala la mbala lo dihole di’olimu dia menda dimɛna woho watawatshu. Lo menda woho watakambema olimu ɔsɔ dimɛna ndo watawatshu la ntondo, sho mɛnaka dia Jehowa ekɔ lo tshɔkɔla olimu wa wokelo wa luudu lande.

Tekɔ nto la lowando l’ekimanyielo kakalongola anangɛso l’akadiyɛso wakadiɛnɛ la ta ndo l’etombelo adiɔ.​—⁠Joa. 13:⁠35.

Lo 2006, takakimanyiya tshumanelo 845 lo kahanya ahɔndɔ lo ahole wakaleke munandema la ta. Olui-walɔmbɔla aketawɔ dia sho mbisha ekimanyielo kɛsɔ ndo anangɛso wa l’Erɔpɛ wakatotomɛ tɔnɛ 21 y’ahɔndɔ la sabata. Lo 2003 ndo 2004, takasale woho akɔ wâmɛ lo wahɔ wa tshumanelo dia l’ahole akina wa lo mbilo kaso.

Sho nyɔlɔmbaka dia nyu tetemala nɔmba dikambo di’anangɛso wa ngandji asɔ tshɛ, mbuta ate wanɛ wakadiɛnɛ l’ekakatanu ndo wanɛ washa ekimanyielo.​—⁠2 Kor. 1:⁠11.

Anangɛnyu,

Biro ka filialɛ ka Congo