Dikongelo di’olimu w’ombatshi mboka wa pondjo

Olimu w’ombatshi mboka wa pondjo nɔmbaka dia monga la ekongelo ka dimɛna. Naka wɛ sambishaka wenya 18 lo lomingu, kete wɛ koka monga ombatshi mboka, ndo monga l’etena ka mbɔsa vakashi! Ekongelo kɛsɔ kayokokimanyiya oyadi akambo wa shashimoya wele oko hemɔ kana avula wambonga. Tablo kele l’ɛse kɛnɛ kimanyiyaka nto apandjudi wakamba olimu wahawaɔsɛ wenya tshɛ kana wawaɔsɛ wenya tshɛ, wanɛ wele la ekakatanu wendana la yoonge ndo wanɛ wele keema la wolo wa demba efula. Naka nyu nsala yema y’etshikitanu, kete ose nkumbo kayɛ ɔmɔtshi koka ntatɛ nkamba oko ombatshi mboka lo Ngɔndɔ ka divwa. Onde hanyokoke nkɛtshanya dikambo sɔ lo ɔtɛmwɛlɔ anyu wa lo nkumbo wayaye?