Katohɔke dia nɔmbaka dikambo di’Akristo wahɛnyahɛnyama

Bible akatatshi dia Satana ayotɔhɛnyahɛnya l’oyango wa mfukutanya esambishelo kaso. (Jni 15:20; Ɛny 12:17) Ngande wakokaso nkimanyiya asekaso Akristo wadiɛnɛ l’ɛhɛnyɔhɛnyɔ lo wedja ekina? Sho koka nɔmba dikambo diawɔ. “Ɔsɛngɔsɛngɔ w’onto ɔlɔlɔ wekɔ la shɛngiya ya wolo.”​—Jak 5:16.

Kakɔna kakokaso nɔmba? Sho koka nɔmba Jehowa dia mbisha anangɛso l’akadiyɛso dihonga ndo mbakimanyiya diaha mboka wɔma. (Isa 41:10-13) Ndo nto, sho koka nɔmba diaha ewandji wa lɛɛta nsekɛ olimu w’esambishelo “dia sho monga la lɔsɛnɔ la dimɛna ndo la ki.”​—1Ti 2:1, 2.

Etena kakahɛnyahɛnyamaka Pɔɔlɔ ndo Petero, Akristo wa lo ntambe ka ntondo wakalɔmbɛ dikambo diawɔ lo nshila nkombo yawɔ. (Ets 12:5; Rɔmɔ 15:30, 31) Oyadi hateye nkombo ya wanɛ tshɛ wahɛnyahɛnyama ɛlɔ kɛnɛ, onde hatokoke nshila tshumanelo diawɔ, wedja awɔ kana bɛtshi diawɔ dia nkɛtɛ?

Layɔlɔmba dikambo dia Akristo wahɛnyahɛnyama lo wedja ɛnɛ: