LƆSƐNƆ L’OKRISTO
Nyɔngɛnangɛnake etena kahɛnyahɛnyamanyu
Akristo kokaka nongamɛ dia pɛnyahɛnyama. (Jni 15:20) Kaanga mbele ɔhɛnyɔhɛnyɔ mbelaka okiyanu lo yɛdikɔ mɔtshi ndo ntena dimɔtshi paa, sho koka monga l’ɔngɛnɔngɛnɔ lo mbikikɛ.—Mat 5:10-12; 1Pe 2:19, 20.
NYENDE VIDƐO YELE L’ƆTƐ A DUI ƆNƐ: SHO KOKA MONGA L’ƆNGƐNƆNGƐNƆ KAANGA LA NTONDO K’ƐHƐNYƆHƐNYƆ NDO OMA LAASƆ, NYOKADIMOLE LO AMBOLA WAYELA ANƐ:
Wetshelo akɔna wamboyokondja oma lo kɛnɛ kakahomana l’ɔnangɛso Bazhenov lo kɛnɛ kendana l’ohomba wa
mbadiaka Bible lushi la lushi?
kondjaka ekimanyielo oma le asekaso Akristo?a
nɔmbaka mbala la mbala?
membaka esambo wa Diolelo?
mbutɛka anto akina awui wendana la mbetawɔ kaso?
a Sho koka nɔmba dikambo di’Akristo wele lo lokanu, kaanga nsala dikambo sɔ lo nshila nkombo yawɔ. Koko, biro ya filialɛ bu l’akoka wa mbatomɛ mikanda wafundɛso.