Toyele Kristo dimɛna dimɛna lo wanya ande

Yeso akatotshikɛ ɛnyɛlɔ ka sho mbokoya, djekoleko etena kahomanaso l’ehemba kana ɔlɔshamelo. (1Pe 2:21-23) Kaanga mbakatɛngama Yeso, nde kokaloya kɔlɔ lo kɔlɔ, oyadi kaanga etena kakandadiɛnɛka la asui. (Makɔ 15:29-32) Kakɔna kakookimanyiya dia mbikikɛ? Nde akayashikikɛ dia nsala lolango la Jehowa. (Jni 6:38) Ndo nto, nde akake washo lo “ɔngɛnɔngɛnɔ wakakitshama la ntondo kande.”​—Hɛb 12:2.

Ngande watotosalaka etena kahɛnyahɛnyamaso l’ɔtɛ wa mbetawɔ kaso? Akristo wa mɛtɛ “[hawokaloya] kɔlɔ lo kɔlɔ.” (Rɔmɔ 12:14, 17) Etena kokoyaso woho wakakikɛ Kristo asui, sho koka ngɛnangɛna nɛ dia tekɔ lo mbetawɔma oma le Nzambi.​—Mat 5:10-12; 1Pe 4:12-14.

NYENDE VIDƐO YELE L’ƆTƐ A DUI ƆNƐ: LOKOMBO LA JEHOWA MBOLEKI TSHƐ OHOMBA, NDO OMA LAASƆ NYOKADIMOLE LO AMBOLA WAYELA ANƐ:

• Ngande wakakambe kadiyɛso Pötzingera la yimba tshɛ la wenya ande etena kakinde ndamɛ lo lokanu?

• Asui akɔna wakakikɛ ɔnangɛso la kadiyɛso Pötzinger etena kakiwɔ lo mpango ya nkanu yotshikitanyi?

• Kakɔna kakawakimanyiya dia mbikikɛ?