AKAMBO W’OHOMBA W’OMA L’ƆTƐKƐTA WA NZAMBI | MAKƆ 3-4
Ɔkɔnwɛlɔ lo lushi la Sabato
Lande na kakanyange Yeso efula oma lo lɔkɛwɔ la kɔlɔ laki la ewandji w’ɔtɛmwɛlɔ w’ase Juda? Nɛ dia vɔ waketsha lushi la Sabato wotsho lo mbidja dɛmbɛlɛmbɛ diaheyama mbadia di’anyanya. Ɛnyɛlɔ, wakatonaka ndjaka tshambi. Vɔ kombetawɔka nkɔnɔla lo lushi la Sabato onyake naka lɔsɛnɔ laya lo waale. Kɛsɔ kakɛnyaka dia takawahombaka mbɔkɔla weka kana nsola mpota lushi la Sabato. Mbokɛmaka hwe dia, ewandji w’ɔtɛmwɛlɔ kondjakiyanyaka mɛtɛ dikambo dia pami kaki la lonya lamboma.