Tolowanya akoka aso wa nsambisha​—Etena kakɔna kakokaso memadia wekelo wa Bible wele bu l’etombelo w’amɛna?

OHOMBA WA DUI SƆ: Anto pombaka mbelɛ lokombo la Jehowa dia vɔ shimbamɛ. (Rɔm 10:13, 14) Koko, aha onto tshɛ letawɔ mbeka Bible mbalanga nsɛna lo yoho yɔtɔnɛ l’atɔndɔ wa Jehowa. Sho kambaka dimɛna la wenya aso l’esambishelo lo nkimanyiya wanɛ walanga mɛtɛ nsala etshikitanu dia ngɛnyangɛnya Jehowa. Naka ombeki wa Bible hasale ehamelo w’amɛna l’ɔkɔngɔ w’etena kɛmɔtshi, kete ayonga dui dia lomba sho memadia wekelo ndo nkamba la wenya aso dia nkimanyiya wanɛ wakotola Jehowa oya le nde ndo oya l’okongamelo ande. (Jni 6:44) Koko naka l’ɔkɔngɔ wa laasɔ, ko onto akɔ amboyosala etshikitanu ɛmɔtshi ndo ɛnya dia nde ekɔ “suke dia mbetawɔ akambo wa mɛtɛ wakonya lo lɔsɛnɔ la pondjo,” kete sho koka ntetemala mbeka la nde Bible.​—Ets 13:48.

WOHO WA NSALA DUI SƆ:

• Andola ombeki l’ɔtɛ wakombolande nkondja ewo k’oshika.​—1Ti 2:4

• Nyomoleka mbɛɛnya ohomba wa nkamba la kɛnɛ kekande.​—Luk 6:46-49

• La ngandji tshɛ kɛtshanya la nde wɛɛla wa Yeso w’omboki a woho ndo oma laasɔ, lɔmbande dia nkana yimba lo kɛnɛ kawotshindjatshindja dia nkamba la kɛnɛ kekande.​—Mat 13:18-23

• La yewo tshɛ lembetshiyande lande na kayanganyu tokemɛ wekelo

• Tɛnde dia wɛ ayowembolaka mbala la mbala dia mbokeketsha ndo tɛnde dia nyu koka ndjotetemala la wekelo lo nshi yayaye naka nde ndjalowanya

NYENDE VIDƐO OMA LAASƆ, NYOKADIMOLE AMBOLA WAYELA ANƐ:

• Kakɔna kɛnya lo sawo ndo dia ombeki kosala ehamelo?

• Ngande wakakimanyiya opandjudi ombeki dia nshihodia ɔnɛ nde akahombe nsala etshikitanu?

• Ngande wakɛnya opandjudi ombeki dia vɔ kokaka ndjotetemala wekelo lo nshi yayaye?