Ɛnyɛlɔ ka mukanda

• Funda adrɛsɛ ayɛ hita. Naka wɛ mɛnaka dia bu ohomba nkamba l’adrɛsɛ ayɛ hita, wɛ mbeyaka nkamba l’adrɛsɛ wa Mbalasa ka Diolelo naka dikumanyi wambokosha lotshungɔ la nsala dui sɔ. Koko, wɛ hahombe PONDJO mbidja adrɛsɛ wa Bɛtɛlɛ oko adrɛsɛ ayɛ hita.

• Funda lokombo l’onto akɔ naka wɛ lieyaka. Dui sɔ diayokimanyiya diaha mukanda akɔ monga oko mukanda wendana l’awui w’okanda.

• Dja yimba lo dikɔmɔ di’ofundelo, lo gramatika, lo tolembetelo ta wadielo. Mukanda akɔ pombaka fundama la kɔmba, aha la lofunge. Naka l’anya mbafundayɛ, kete vɔ pombaka monga wɔdu mbadia. Mukanda ɔsɔ hawohombe mɛnya lɔngɛnyi lamboleka kana monga la kiongamu ya tshambandeko.

L’atei w’awui wahomba monga lo mukanda mbele ndo wanɛ. Bu ohomba sangolaka mukanda akɔ tshɛkɛta lo tshɛkɛta mbala tshɛ kalangayɛ fundɛ onto ɔmɔtshi la l’ɛtshi kanyu ka nkɛtɛ. Ɔtɔnganyiya mukanda ayɛ l’oyango awɔ, l’akambo ndo la mbekelo ya lɛkɔ.