Nkɛtɛ ‘yakamɛnɛ ɔkɛdi w’ashi’

Lo tena diotshikitanyi dia l’ɔkɔndɔ w’ana w’anto, ewandji wa lɛɛta wakakimanyiya ekambi wa Jehowa. (Ɛzr 6:1-12; Ɛst 8:10-13) Oyadi nshi nyɛ, tekɔ lo mɛna “nkɛtɛ,” mbuta ate ewandji ɛmɔtshi wa lo dikongɛ nɛ wele l’ekanelo k’ɔlɔlɔ wamɛna “ɔkɛdi w’ashi,” mbuta ate ɔhɛnyɔhɛnyɔ w’oma le “dragɔ,” Satana Diabolo. (Ɛny 12:16) Lo tena dimɔtshi Jehowa, “Nzambi kashimbɛ,” mbeyaka ntshutshuya ewandji wa lɛɛta dia ntshungola ekambi ande.​—Os 68:20; Tok 21:1.

Ko kayotota naka wɛ ekɔ lo lokanu l’ɔtɛ wa mbetawɔ kayɛ? Aha la taamu Jehowa ekɔ lo kɛna. (Eta 39:21-23; Os 105:17-20) Onga l’eshikikelo dia wɛ ayofutama l’ɔtɛ wa mbetawɔ kayɛ ndo eya dia kɔlamelo yayɛ yekɔ lo nkeketsha anangɛso l’akadiyɛso wa l’andja w’otondo.​—Flp 1:12-14; Ɛny 2:10.

NYENDE VIDƐO YELE L’ƆTƐ A DUI ƆNƐ: ANANGƐSO WA LA CORÉE WAKATONDJAMA OMA LO LOKANU NDO OMA LAASƆ, NYOKADIMOLE AMBOLA WAYELA ANƐ:

• Lande na kakadjama nunu di’anangɛso lo lokanu la Corée du Sud l’edja k’ɛnɔnyi efula?

• Naa yɛdikɔ mɔtshi yakɔshi tominadi atete edja yakakonya di’anangɛso amɔtshi tondjama oma lo lokanu?

• Ngande wakokaso nkimanyiya anangɛso wa l’andja w’otondo wele l’etena kɛnɛ lo lokanu l’ɔtɛ wa mbetawɔ kawɔ?

• Ngande wahombaso nkamba la lotshungɔ tshɛ lele la so ɛlɔ kɛnɛ?

• Onto akɔna mɛtɛ ele lo kiɔkɔ y’etshumba wadjaso lo tominadi?